ວັນສຸກ, ວັນທີ 13 ທັນວາ 2024
ຮອງຫົວໜ້າກົມພົວພັນຕ່າງປະເທດ ອວຍພອນທູດປ້ອງກັນຊາດກຳປູເຈຍ
ເວລາອອກຂ່າວ: 2024-11-12 09:04:11 | ຜູ້ຂຽນ : admin1 | ຈຳນວນຄົນເຂົ້າຊົມ: 555 | ຄວາມນິຍົມ: 
ວັນທີ 8 ພະຈິກ 2024 ນີ້, ທ່ານ ພັນເອກ ວົງໄຊ ອິນທະຄຳ ຮອງຫົວໜ້າກົມພົວພັນຕ່າງປະ ເທດ ພ້ອມດ້ວຍຄະນະໄດ້ນຳເອົາກະຂອງຂວັນ ແລະ ກະຕ່າດອກໄມ້ ເຂົ້າອວຍພອນທູດປ້ອງກັນຊາດກຳປູເຈຍ ເນື່ອງໃນໂອ ກາດວັນສ້າງຕັ້ງກອງທັບກຳປູ ເຈຍ ຄົບຮອບ 71 ປີ ( 9 ພະຈິກ 1953-9 ພະຈິກ 2024) ໂດຍການຕ້ອນຮັບຂອງ ທ່ານ ພົນຈັດຕະວາ ແປ້ນ ພອນລະດີ ຫົວໜ້າຫ້ອງການທີ່ປຶກສາທູດປ້ອງກັນຊາດ ກຳປູເຈຍ ປະຈຳ ສປປ ລາວ ພ້ອມດ້ວຍຄະນະ.
ໂອກາດນີ້, ທ່ານ ພັນເອກ ວົງໄຊ ອິນທະຄຳ ໄດ້ຕາງໜ້າໃຫ້ຄະນະພັກ-ຄະນະນຳ, ພະນັກ ງານ-ນັກຮົບ ກະຊວງປ້ອງກັນ ປະເທດແຫ່ງ ສປປ ລາວ ອວຍ ພອນໄຊມາຍັງກອງທັບກຳປູເຈຍ ທີ່ໄດ້ມີຄວາມເຕີບໃຫຍ່ເຂັ້ມແຂງຕະຫຼອດໄລຍະ 71 ປີ ຜ່ານມາ, ອວຍພອນການນຳ ກະຊວງປ້ອງກັນປະເທດ ກຳປູເຈຍ ທີ່ໄດ້ທຸ່ມເທເຫື່ອແຮງ ເພື່ອສ້າງກອງທັບຂອງຕົນໃຫ້ເຕີບໃຫຍ່ເຂັ້ມແຂງທັງປະລິມານ ແລະ ຄຸນນະພາບ ອວຍພອນສາຍພົວພັນການຮ່ວມມືລະຫວ່າງສອງຊາດ, ສອງກອງ ທັບ ລາວ-ກຳປູເຈຍ ທີ່ມີການພົວ ພັນຮ່ວມມືຊ່ວຍເຫຼືອເຊິ່ງກັນ ແລະ ກັນຕະຫຼອດໄລຍະມາ.
ໂອກາດດຽວກັນ, ທ່ານ ພົນຈັດຕະວາ ແປ້ນ ພອນລະດີ ໄດ້ສະແດງຄວາມຂອບໃຈ ທ່ານ ພັນເອກ ວົງໄຊ ອິນທະຄຳ ພ້ອມດ້ວຍຄະນະທີ່ນຳເອົາກະຂອງ
ຂວັນ ແລະ ກະຕ່າດອກໄມ້ ມາອວຍພອນໃນຄັ້ງນີ້ ພ້ອມທັງອວຍພອນຄືນໃຫ້ຄະນະພັກ-ຄະນະນຳ ຕະຫຼອດຮອດພະນັກງານ-ນັກຮົບໃນທົ່ວກອງ ທັບປະຊາຊົນລາວ ຈົ່ງມີສຸຂະພາບແຂງແຮງ ພ້ອມກັນສືບຕໍ່ນຳພາ-ຊີ້ນໍາອົງ
ການຂອງຕົນເຮັດສຳເລັດໜ້າທີ່ການເມືອງທີ່ ພັກ-ລັດ ກໍຄືຂັ້ນເທິງມອບໝາຍ ໃຫ້ດ້ວຍຜົນສຳເລັດຢ່າງຈົບງາມ ແລະ ສືບຕໍ່ເພີ່ມທະວີການພົວ ພັນຮ່ວມມືຮອບດ້ານ ແລະ ເສີມສ້າງສາຍພົວພັນສອງກອງທັບ ລາວ-ກຳປູເຈຍ ໃນຕໍ່ໜ້າໃຫ້ໝັ້ນຄົງທະນົງແກ່ນຍິ່ງໆຂຶ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
