ວັນອັງຄານ, ວັນທີ 10 ທັນວາ 2024
ກອງປະຊຸມໃຫຍ່ ສະມາຊິກພັກ ຄັ້ງທີ III ຂອງໜ່ວຍພັກ ຫ້ອງການຄະນະກຳມະການ ປກຊ-ປກສ ແຂວງຊຽງຂວາງ
ເວລາອອກຂ່າວ: 2024-11-13 09:17:26 | ຜູ້ຂຽນ : admin1 | ຈຳນວນຄົນເຂົ້າຊົມ: 742 | ຄວາມນິຍົມ: 
ກອງປະຊຸມໃຫຍ່ ສະມາຊິກພັກ ຄັ້ງທີ III ຂອງໜ່ວຍພັກ ຫ້ອງ
ການ ຄະນະກຳມະການ ປກຊ-ປກສ ແຂວງຊຽງຂວາງ ໄດ້ຈັດຂຶ້ນໃນວັນທີ 7 ພະຈິກ 2024 ນີ້, ໂດຍການເປັນປະທານຂອງ ສະຫາຍ ພັນເອກ ວັນທອງ ພົງສະຫວັນ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງຊຽງຂວາງ, ມີບັນດາຄະນະພັກ-ຄະນະບັນຊາອົງການ 5 ຫ້ອງກອງບັນຊາການ, ພະແນກການ, ຄະນະໜ່ວຍພັກ ຫ້ອງການ ຄະນະກຳມະການ ປກຊ-ປກສ, ແຂກຖືກເຊີນ ແລະ ສະມາຊິກພັກສົມບູນ ເຂົ້າຮ່ວມ.
ສະຫາຍ ພັນເອກ ໂພໄຊ ອຸດົມສຸກ ເລຂາໜ່ວຍພັກ, ຫົວໜ້າຫ້ອງການ ຄະນະກຳມະການ ປກຊ-ປກສ ແຂວງຊຽງຂວາງ ໄດ້ຜ່ານບົດລາຍງານການເມືອງທັງສອງພາກ ເຊິ່ງໄດ້ຕີລາຄາຄືນ ການນຳພາ-ຊີ້ນຳ ຂອງຄະນະໜ່ວຍພັກ ຫ້ອງການ ຄະນະກຳມະການ ປກຊ-ປກສ ແຂວງ ໃນການປະຕິບັດພາລະບົດບາດເປັນເສນາທິການ ໂດຍກົງຮອບດ້ານເຄື່ອນໄຫວຮັບໃຊ້ໃຫ້ແກ່ປະທານຄະນະກຳມະການ ປກຊ-ປກສ ຂັ້ນແຂວງ ແລະ ສູນກາງ ຕະຫຼອດໄລຍະ 5 ປີຜ່ານມາ ມີຜົນສຳເລັດຫຼາຍດ້ານ, ເປັນເຈົ້າການຕໍ່ວຽກງານ ປກຊ-ປກສ,
ເຄື່ອນໄຫວເຮັດໜ້າທີ່ວຽກງານວິຊາສະເພາະຢ່າງຕັ້ງໜ້າ ຮັບປະກັນໃຫ້ແຂວງຊຽງຂວາງ ມີຄວາມສະຫງົບປອດໄພຮອບດ້ານ, ຮັກສາໄດ້ມູນເຊື້ອ ໜ່ວຍພັກເຂັ້ມແຂງ ຮູ້ນຳພາຮອບດ້ານ ແລະ ໜ່ວຍພັກປອດໃສ ເຂັ້ມແຂງ ໜັກແໜ້ນ 5 ສະໄໝຊ້ອນ. ພ້ອມກັນນັ້ນ, ບັນດາສະຫາຍຜູ້ແທນກອງປະຊຸມ ກໍໄດ້ປະກອບຄຳຄິດເຫັນໃສ່ບົດລາຍງານການເມືອງທັງສອງພາກຢ່າງກົງໄປກົງມາ ແລະ ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ໄດ້ຕາມລະດັບຄາດໝາຍ ໃນນີ້, ເລືອກເອົາ ສະຫາຍ ພັນເອກ ໂພໄຊ ອຸດົມສຸກ ເປັນເລຂາໜ່ວຍພັກ, ພັນໂທ ສາຍຄຳ ເລືອງໄຊມັງ ເປັນຮອງເລຂາ ແລະ ພັນໂທ ທະນູໄລ ສໍເດຊາ ເປັນປະທານກວດກາໜ່ວຍພັກ.
ໂດຍ: ສົມຮັກ ຈັນທະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
