ວັນພະຫັດ, ວັນທີ 05 ທັນວາ 2024
ຫົວໜ້າກົມໃຫຍ່ພະລາທິການກອງທັບ ພົບປະໂອ້ລົມນາຍ ແລະ ພົນທະຫານເຫຼົ່າຮົບເສນາຮັກ
ເວລາອອກຂ່າວ: 2024-11-13 11:57:06 | ຜູ້ຂຽນ : admin2 | ຈຳນວນຄົນເຂົ້າຊົມ: 869 | ຄວາມນິຍົມ: 
ວັນທີ 13 ພະຈິກ 2024 ນີ້, ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ ຫົວໜ້າຄະນະຊີ້ນໍາລວມ, ໄດ້ໃຫ້ກຽດໂອ້ລົມປຸກລະດົມແນວຄິດຈິດໃຈຂອງ ນາຍ ແລະ ພົນທະຫານ ເຫຼົ່າຮົບເສນາຮັກກອງທັບປະຊາຊົນລາວ, ທີ່ຈະເຂົ້າຮ່ວມເຝິກຊ້ອມຮ່ວມກອງທັບລາວ-ຈີນ, ພາຍໃຕ້ລະຫັດ: ຂະບວນລົດໄຟສັນຕິພາບ 2024 ເພື່ອຊ່ວຍເຫຼືອມະນຸດສະທຳ ແລະ ການບໍລິການດ້ານການແພດຂອງສອງກອງທັບລາວ-ຈີນ, ໂດຍມີຄະນະນໍາກົມໃຫຍ່ພະລາທິການກອງທັບ, ຄະນະກົມວິຊາສະເພາະ, ພ້ອມດ້ວຍພະນັກງານ ແລະ ວິຊາການທີ່ກ່ຽວຂ້ອງເຂົ້າຮ່ວມ.
ສະຫາຍ ພົນຕີ ຄໍາເພັດ ສີຊານົນ ໄດ້ຮຽກຮ້ອງໃຫ້ນາຍ ແລະ ພົນທະຫານ ທຸກສະຫາຍ ໃນກໍາລັງເຫຼົ່າຮົບເສນາຮັກກອງທັບປະຊາຊົນລາວ, ທີ່ຈະເຂົ້າຝຶກຊ້ອມຮ່ວມກອງທັບລາວ-ຈີນ, ຈົ່ງພ້ອມກັນເອົາໃຈໃສ່ວຽກງານສຶກສາອົບຮົມການເມືອງ-ນໍາພາແນວຄິດເປັນກົກ, ມີຄວາມສາມັກຄີພາຍໃນໝູ່ຄະນະ, ມອບໝາຍໜ້າທີ່ໃຫ້ບຸກຄົນຮັບຜິດຊອບລະອຽດຈະແຈ້ງ, ປະຕິບັດຂໍ້ກໍານົດ, ກົດລະບຽບ ແລະ ຟັງຄໍາສັ່ງຂອງຜູ້ບັນຊາໃນພາກສະໜາມ ຢ່າງເຂັ້ມງວດ ເພື່ອຮັບປະກັນການຝຶກຊ້ອມດ້ານຍຸດທະວິທີ ແລະ ວິຊາສະເພາະເຕັກນິກຕ່າງໆ ໃຫ້ບັນລຸປະສິດທິຜົນດີ, ພ້ອມກັນຍົກສູງມານະຈິດ, ສຸມທຸກສະຕິປັນຍາ, ເຫື່ອແຮງຂອງຕົນເອງເຂົ້າໃນການຝຶກຊ້ອມຮ່ວມກອງທັບລາວ-ຈີນ ໃນຄັ້ງນີ້, ຈົ່ງດໍາເນີນໄປດ້ວຍບັນຍາກາດທີ່ດີ ແລະ ມີຜົນສໍາເລັດຢ່າງຈົບງາມ.
ໂດຍ: ຄໍາປະສົງ ລາດຊະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
