ວັນຈັນ, ວັນທີ 20 ມັງກອນ 2025
ປະກາດການແຕ່ງຕັ້ງ ຢູ່ ກອງປະຕິບັດງານ 206
ເວລາອອກຂ່າວ: 2024-12-09 08:53:05 | ຜູ້ຂຽນ : admin1 | ຈຳນວນຄົນເຂົ້າຊົມ: 288 | ຄວາມນິຍົມ: 
ວັນທີ 3 ທັນວາ 2024, ຢູ່ ທີ່ສະໂມສອນຂອງກອງປະຕິ ບັດງານ 206 ໄດ້ປະກາດການ ແຕ່ງຕັ້ງ ແລະ ມອບໝາຍໜ້າທີ່ໃຫ້ນາຍທະຫານ ກອງປະຕິບັດງານ 206, ໂດຍການເປັນປະທານ ຂອງສະຫາຍ ພັນເອກ ວັນທອງ ພົງສະຫວັນ ຫົວໜ້າການເມືອງ ກອງບັນຊາການທະຫານແຂວງຊຽງຂວາງ, ມີສະຫາຍ ພັນໂທ ບົວສີ ສົມພົນເຮືອງ ຫົວໜ້າກອງປະຕິບັດງານ 206, ມີຜູ້ຕາງໜ້າອົງການ, ພະແນກການ, ປກສ ກຸ່ມ ຕະຫຼອດຮອດພາກສ່ວນກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ບຸນມີ ພົງພັນ ຮອງຫົວໜ້າພະແນກກໍ່ ສ້າງຮາກຖານ ຫ້ອງການເມືອງ ໄດ້ຜ່ານຄຳສັ່ງຖອນຂອງກົມໃຫຍ່ການເມືອງກອງທັບ ວ່າດ້ວຍການສັ່ງຖອນ ສະຫາຍ ພັນໂທ ຄຳເຕືອງ ດວງມາຫາ ຮອງຫົວໜ້າການທະຫານ ກອງປະຕິບັດງານ 206 ໄປໃຫ້ກອງບັນຊາການທະຫານແຂວງຊຽງຂວາງ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການນຳສົ່ງ ສະຫາຍ ພັນຕີ ບຸນເພັງ ເສັງວິໄຊ ຊ່ວຍວຽກພະແນກສືບຂ່າວ ຫ້ອງເສນາທິການ ກອງບັນຊາການທະຫານແຂວງຊຽງຂວາງ ລົງກໍ່ສ້າງຮາກຖານການເມືອງ ຢູ່ ກອງປະຕິບັດງານ 206.
ສະຫາຍ ພັນເອກ ວັນທອງ ພົງສະຫວັນ ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານ ແລະ ການເຄື່ອນໄຫວໃນໄລຍະຜ່ານມາ ຂອງກອງປະ ຕິບັດງານ 206 ແລະ ບັນດາສະຫາຍທີ່ໄດ້ຮັບການມອບໝາຍໜ້າທີ່. ວຽກງານກໍ່ສ້າງຮາກຖານເປັນວຽກງານໜຶ່ງທີ່ສຳຄັນ, ຂາດບໍ່ໄດ້ ແລະ ຕ້ອງໄດ້ເຮັດເປັນປະຈຳ ການລົງກໍ່ສ້າງຮາກຖານການເມືອງແມ່ນປະຕິບັດຕາມ 4 ເນື້ອໃນ 4 ຄາດໝາຍ ແລະ ການສ້າງທ່າສະໜາມ 3 ຂັ້ນ ຕິດພັນກັບ ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ຕາມທິດ 3 ສ້າງ, ສືບຕໍ່ມູນເຊື້ອຄວາມສາມັກຄີຕາມຄຳຂວັນທີ່ວ່າ: ກອງ ທັບ ກັບປະຊາຊົນ ຄື ປາ ກັບ ນ້ຳ ທີ່ບໍ່ມີວັນຕັດແຍກອອກຈາກກັນໄດ້ ແລະ ພ້ອມກັນນຳເອົາທິດທາງແຜນການນຳໄປຈັດຕັ້ງປະ ຕິບັດໃຫ້ປະກົດຜົນເປັນຈິງ.
ໂດຍ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
