ວັນຈັນ, ວັນທີ 20 ມັງກອນ 2025
ວພກ ເປີດກອງປະຊຸມສະພາວິທະຍາສາດ ຂັ້ນ 2
ເວລາອອກຂ່າວ: 2024-12-09 09:00:00 | ຜູ້ຂຽນ : admin1 | ຈຳນວນຄົນເຂົ້າຊົມ: 390 | ຄວາມນິຍົມ: 
ໃນທ້າຍເດືອນພະຈິກ 2024 ນີ້ ວິທະຍາຄານພະລາທິການກອງທັບ (ວພກ) ໄດ້ເປີດກອງປະຊຸມສະພາວິທະຍາສາດ ຂັ້ນ 2 ເພື່ອຜ່ານ ແລະ ຮັບຮອງຫົວບົດວິທະຍານິພົນ ຂອງຫ້ອງປະລີນຍາໂທ ປີ 2, ໂດຍການເປັນປະທານຂອງ
ສະຫາຍ ພັນເອກ ປອ ສົມເພັດ ວົງພະຈັນ ຫົວໜ້າການທະຫານ ວພກ, ມີຄະນະພັກ-ຄະນະບັນຊາ, ຄະນະຄູ ແລະ ພະນັກງານວິຊາການທີ່ກ່ຽວຂ້ອງ ເຂົ້າຮ່ວມ.
ການເປິດກອງປະຊຸມໃນຄັ້ງນີ້ ຈຸດປະສົງ ເພື່ອພ້ອມກັນຄົ້ນຄວ້າ ປຶກສາຫາລື ໃຫ້ຖືກຕ້ອງຕາມ ຫຼັກການຂໍ້ກຳນົດ ແລະ ລະບຽບການ ເພື່ອເປັນບ່ອນອີງໃນການຈັດຕັ້ງປະຕິບັດ ໃຫ້ມີຄວາມເປັນເອກະພາບ, ມີຄວາມໂປ່ງໃສ, ມີ
ຄຸນນະພາບ ແລະ ມີປະສິດທິຜົນເພື່ອຍົກລະດັບຄວາມຮູ້, ຄວາມສາມາດ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ການພັດທະນາຊັບພະຍາກອນມະນຸດ, ການຄົ້ນຄວ້າວິທະຍາສາດ ແລະ ພັດທະນາເຕັກໂນໂລຊີສາມາດເຊ່ືອມໂຍງກັບພາກພື້ນ ແລະ ສາກົນ.
ໂອກາດນີ້, ຜູ້ແທນກອງປະຊຸມຍັງໄດ້ຜັດປ່ຽນກັນປະກອບຄຳຄິດເຫັນໃສ່ບົດ ບົນພື້ນຖານຄວາມເປັນເອກະພາບໃນໝູ່ຄະນະ ເພື່ອເຮັດໃຫ້ຫົວບົດດັ່ງກ່າວ
ມີຄວາມອຸດົມສົມບູນ, ກວ້າງຂວາງ ແລະ ສອດຄ່ອງພາວະວິໄສກັບສະພາບການຕົວຈິງຂອງກອງທັບປະຊາຊົນລາວໃນແຕ່ລະໄລຍະ.
ໂດຍ: ບຸນປອນ ພັນດາລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
