ວັນຈັນ, ວັນທີ 20 ມັງກອນ 2025
ຄະນະພັກຮາກຖານ ກອງພັນ 410 ທະຫານແຂວງໄຊຍະບູລີ ສຳເລັດກອງປະຊຸມໃຫຍ່ ຄັ້ງທີ IX
ເວລາອອກຂ່າວ: 2024-12-10 09:16:39 | ຜູ້ຂຽນ : admin1 | ຈຳນວນຄົນເຂົ້າຊົມ: 675 | ຄວາມນິຍົມ: 
ກອງປະຊຸມໃຫຍ່ ຄັ້ງທີ IX ຂອງຄະນະພັກຮາກຖານ ກອງພັນ 410 ທະຫານແຂວງໄຊຍະບູລີ ໄດ້ອັດລົງໃນວັນທີ 1 ທັນວາ 2024 ນີ້, ໂດຍການເປັນປະທານຂອງ ສະຫາຍ ພັນເອກ ປອ ບຸນຍອງ ດວງດີ ຮອງເລຂາຄະນະພັກ, ຫົວໜ້າການທະຫານ ກອງບັນຊາການທະ ຫານແຂວງໄຊຍະບູລີ, ສະຫາຍ ພັນໂທ ໄມໄຊ ແກ້ວແກ່ນຈັນ ເລຂາຄະນະພັກຮາກຖານ ກອງພັນ 410, ມີຄະນະພັກຮາກຖານ, ເລຂາໜ່ວຍພັກ, ແຂກທີ່ຖືກເຊີນ ແລະ ສະມາຊິກພັກສົມບູນ ແລະ ສຳຮອງ ເຂົ້າຮ່ວມ,
ສະຫາຍ ພັນໂທ ໄມໄຊ ແກ້ວແກ່ນຈັນ ໄດ້ຜ່ານບົດລາຍງານການ
ເມືອງທັງສອງພາກ ໂດຍຊີ້ໃຫ້ເຫັນວ່າ: ໃນໄລຍະ 5 ປີຜ່ານມາ ຄະນະພັກໄດ້ເອົາໃຈໃສ່ນຳພາ-ຊີ້ນຳກົມກອງ, ໜ່ວຍພັກທີ່ຂຶ້ນກັບຄວາມຮັບຜິດຊອບຂອງຕົນຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງຄະນະພັກຂັ້ນຂອງຕົນດ້ວຍຜົນສຳເລັດໃນຫຼາຍດ້ານ ເຮັດໃຫ້ຖັນແຖວພະນັກງານສະມາຊິກພັກ
ມີຄວາມຮັບຮູ້ເຊື່ອມຊຶມຕໍ່ແນວທາງນະໂຍບາຍຂອງພັກ, ກົດໝາຍຂອງລັດມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ, ມີສະຕິຕໍ່ການຈັດຕັ້ງ, ລະບຽບວິໄນເຂັ້ມງວດ, ມີທັດສະນະຫຼັກໝັ້ນຊົນຊັ້ນເປັນແບບຢ່າງນຳໜ້າໃນທຸກຂະບວນການວຽກງານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ເຮັດໃຫ້ປະກົດການຫຍໍ້ທໍ້ຕ່າງໆ ໄດ້ຮັບການແກ້ໄຂຫຼຸດໜ້ອຍຖອຍລົງ ພ້ອມນັ້ນ, ໄດ້ສຸມໃສ່ປັບປຸງກໍ່ສ້າງຮາກຖານພັກຕາມ 5 ຫຼັກການ 3 ທິດນຳຂອງພັກ ເປັນໄມ້ຫຼາວັດແທກຄຸນທາດການເມືອງຂອງສະມາຊິກພັກ ເພື່ອເປັນບ່ອນອີງໃຫ້ແກ່ການຈັດຕັງຜັນຂະຫຍາຍເຂົ້າໃນໜ້າທີ່ການເມືອງຂອງພັກປັບປຸງແບບແຜນວິທີນຳພາ ແລະ ກົງຈັກການຈັດຕັ້ງໃຫ້ຖືກຕ້ອງມີຄວາມປອດໃສ ເຂັ້ມແຂງ ໜັກແໜ້ນ ເຮັດໃຫ້ການຈັດຕັ້ງພັກແຕ່ລະຂັ້ນໄດ້ຮັບການບູລະນະປັບປຸງດີຂຶ້ນ ແລະ ມີຄວາມສະຫງົບໂດຍພື້ນຖານ, ບົນຈິດໃຈບຸກທະລຸ ໄປຄຽງຄູ່ກັນນັ້ນ ຍັງປະຕິບັດນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ກະຕຸກຊຸກ ຍູ້ສ້າງເງື່ອນໄຂໃນການປູກຝັງ-ລ້ຽງສັດຕາມເງື່ອນໄຂທ່າແຮງບົ່ມຊ້ອນຂອງກົມກອງ. ກອງປະຊຸມໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ ໂດຍໄດ້ເລືອກເອົາ ສະຫາຍ ພັນໂທ ໄມໄຊ ແກ້ວແກນຈັນ ເປັນເລຂາຄະນະພັກຮາກຖານ, ສະຫາຍ ພັນໂທ ຄຳຜາຍ ແກ່ນບົວຈັນ ເປັນຮອງເລຂາ, ສະຫາຍ ພັນຕີ ຄຳຈັນ ລັດທະພອນ, ສະຫາຍ ພັນຕີ
ບຸນປະເສີດ ຄຳສະຫວາດ ແລະ ສະຫາຍ ຮ້ອຍເອກ ບິກ ກັນທະວົງ ເປັນກຳມະການ.
ໂດຍ: ບິກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
