ວັນຈັນ, ວັນທີ 20 ມັງກອນ 2025
ປິດຂະບວນການແຂ່ງຂັນກິລາຂຳ່ນັບຮັບຕ້ອນ ວັນສ້າງຕັ້ງ ເຫຼົ່າຮົບປືນໃຫຍ່ໜ້າດິນ ຄົບຮອບ 70 ປີ
ເວລາອອກຂ່າວ: 2024-12-10 09:20:18 | ຜູ້ຂຽນ : admin1 | ຈຳນວນຄົນເຂົ້າຊົມ: 643 | ຄວາມນິຍົມ: 
ພິທີປິດການແຂ່ງຂັນກີລາທົ່ວກອງພັນໃຫຍ່ປືນໃຫຍ່ໜ້າດິນ 619 ເພື່ອສ້າງຂະບວນການຂຳ່ນັບຮັບຕ້ອນວັນສ້າງຕັ້ງເຫຼົ່າຮົບປືນໃຫຍ່ໜ້າດິນຄົບຮອບ 70 ປີ (15-12-1954-15-15-2024) ໄດ້ຈັດຂຶ້ນໃນວັນທີ 3 ທັນວາ 2024 ນີ້, ໂດຍການເປັນປະທານຂອງສະຫາຍ ພັນໂທ ແສງວັນ ເກີດທະບູລີ ຫົວໜ້າການທະ
ຫານກອງພັນໃຫຍ່ປືນໃຫຍ່ໜ້າດິນ 619, ມີຄະນະພັກ-ຄະນະບັນຊາບັນດາພະແນກການ, ກອງພັນນ້ອຍ, ກອງຮ້ອຍເອກະລາດ, ພະນັກງານ-ນັກ
ຮົບຕະຫຼອດເຖິງບັນດາຄະນະນຳ, ແລະ ນັກກີລາທົ່ວກອງພັນໃຫຍ່ເຂົ້າຮ່ວມ.
ການຈັດຕັ້ງຂະບວນການແຂ່ງຂັນກິລາກາຍະກຳໃນຄັ້ງນີ້, ເພື່ອເປັນການສ້າງຜົນງານຂຳ່ນັບຮັບຕ້ອນວັນປະຫວັດສາດທີ່ສຳຄັນຂອງຊາດ, ຂອງພັກ, ຂອງກອງທັບ ໂດຍສະເພາະແມ່ນເພື່ອສ້າງຂະບວນການຂຳ່ນັບຮັບຕ້ອນວັນສ້າງຕັ້ງເຫຼົ່າຮົບປືນໃຫຍ່ໜ້າ ຄົບຮອບ 70 ປີ ໃຫ້ມີບັນຍາກາດຟົດຟື້ນ, ເບິກບານມ່ວນຊື່ນ ແລະ ມີເນື້ອໃນຄວາມໝາຍເລິກເຊິ່ງ. ພ້ອມກັນນີ້ກໍເປັນການພົບປະສາມັກຄີແລກປ່ຽນບົດຮຽນເຊິ່ງກັນ ແລະ ກັນລະຫວ່າງພະແນກການ, ກົມກອງພະນັກງານ- ນັກຮົບໃຫ້ຮັດແໜ້ນຄວາມສາມັກຄີທັງເປັນການຄັດເລືອກເອົານັກກີລາປະເພດຕ່າງໆ ທີ່ດີເດັ່ນປະກອບເຂົ້າເປັນທີມນັກກີລາຂອງກອງພັນໃຫຍ່. ການ
ແຂ່ງຂັນປະກອບ ມີ 7 ປະເພດກີລາ, ຄື: ກິລາບານເຕະຊາຍ, ກິລາບານສົ່ງຊາຍ, ກິລາກະຕໍ້ຊາຍ, ກິລາເປຕັງປະສົມສາຍທົ່ວໄປ, ກິລາເປຕັງສາຍການນຳ,
ກິລາດຶງເຊືອກ, ແລະ ກິລາການທະຫານ, ສຳລັບຜົນການແຂ່ງຂັນກິລາຕົວຈິງທັງໝົດ 07 ປະເພດຄື: ບານເຕະລາງວັນທີ 1 ກອງພັນທີ 3, ລາງວັນທີ 2 ກອງ ຮ້ອຍເອກະລາດ, ບານສົ່ງລາງວັນທີ 1 ພະແນກພະລາທິການ, ທີ 2 ກອງພັນທີ 2, ກະຕໍ້ຫວາຍລາງວັນທີ 1 ພະແນກເຕັກນິກ, ລາງວັນທີ 2 ກອງຮ້ອຍເອກະລາດ, ເປຕັງສາຍທົ່ວໄປລາງວັນທີ 1 ພະແນກເສນາທິການ, ລາງວັນທີ 2 ກອງພັນທີ 1, ເປຕັງສາຍການນຳລາງວັນທີ 1 ພະແນກເຕັກນິກ, ລາງວັນທີ 2 ກອງຮ້ອຍ 176, ລາງວັນທີ 3 ພະແນກເສນາທິການ, ກິລາດຶງເຊືອກລາງວັນທີ 1 ກອງພັນທີ 1, ລາງວັນທີ 2 ກອງພັນທີ 3, ກິລານັກຮົບແຂງແຮງລາງວັນທີ 1 ກອງພັນທີ 1 ວທ ຂາວພອນ ແກ້ວດວງດີ, ລາງວັນທີ 2 ພະແນກເຕັກນິກ ສຕ ສຸດຕາ ຫອມສົມບັດ.
ໂດຍ: ພອນປະເສິດ ໂຂງພູມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
