ວັນຈັນ, ວັນທີ 20 ມັງກອນ 2025
ກອງພັນ 614 ກອງພົນທີ 2 ຈັດຕັ້ງຫັດແອບ ຍິງເປົ້າໝາຍດ້ວຍລູກປືນແທ້ ປະຈຳປີ 2024
ເວລາອອກຂ່າວ: 2024-12-11 08:56:17 | ຜູ້ຂຽນ : admin1 | ຈຳນວນຄົນເຂົ້າຊົມ: 1678 | ຄວາມນິຍົມ: 
ໃນວັນທີ 5 ທັນວາ 2024, ກອງພັນ 614 ເຫຼົ່າຮົບລົດຕັງ-ຍານເກາະ ກອງພົນທີ 2 ໄດ້ຈັດຕັ້ງຫັດແອບຍິງເປົ້າໝາຍດ້ວຍລູກປືນແທ້ ປະຈຳປີ 2024. ໂດຍມີ ສະຫາຍ ພັນເອກ ທອງນູ ເຊັ່ງຫວ່າງ ຫົວໜ້າຫ້ອງເຕັກນິກ ກອງພົນທີ 2, ສະຫາຍ ພັນໂທ ອຸ່ນເຕົ່າ ໄຊຍະຄຸນ ຮອງຫົວໜ້າເສນາທິການກອງພົນທີ 2, ຄະນະພັກ-ຄະນະບັນຊາ, ພະແນກການທີ່ກ່ຽວຂ້ອງ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ພັນຕີ ຈັນທະວີ ວົງພັກດີ ຮອງຫົວໜ້າການທະຫານ ກອງພັນ 614 ໄດ້ຜ່ານແຜນການຫັດແອບຍິງເປົ້າໝາຍດ້ວຍລູກແທ້ເທິງລົດຫຸ້ມເກາະ ປະຈຳປີ 2024. ໂດຍອີງຕາມຄຳສັ່ງແນະນຳຂອງກົມລົດຕັງ-ຍານເກາະ ແລະ ຄຳສັ່ງແນະນຳຂອງຫ້ອງເສນາທິການ ກອງພົນທີ 2 ກ່ຽວກັບ ການອົບຮົມ-ຫັດແອບປັບປຸງລະບຽບແບບແຜນ ແລະ ເຝິກຝົນກຳລັງແຮງກາຍປະຈຳປີ 2024 ເພື່ອຍົກສູງຄວາມຮູ້ຄວາມສາມາດດ້ານສິລະປະຍຸດ-ຍຸດທະວິທີ ໃຫ້ນາຍ ແລະ ພົນທະຫານພາຍໃນກົມກອງ. ໃນການນຳໃຊ້ອາວຸດໃຫ້ມີຄວາມຊຳນິຊຳນານເຂົ້າໃນການກຽມພ້ອມສູ້ຮົບ ແລະ ເຄື່ອນໄຫວສູ້ຮົບໃຫ້ທັນກັບຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ ເພື່ອໃຫ້ພະນັກງານ-ນັກຮົບ ກຳແໜ້ນໄດ້ທາງທິດສະດີ, ຫຼັກການ ໃນການບັນຊາຈັງຫວະຂຶ້ນລົດ, ລົງລົດ ຮູ້ໝູນໃຊ້ເຂົ້າໃນການປະຕິບັດຕົວຈິງກັບພາຫະນະອາວຸດແຕ່ລະຊະນິດ. ຜ່ານການຫັດແອບຕົວຈິງ ເຫັນໄດ້ວ່າມີຜົນສຳເລັດສາມາດບັນລຸໄດ້ຕາມແຜນການ ແລະ ຄາດໝາຍທີ່ວາງໄວ້; ຮັບປະກັນຄວາມປອດໄພໄດ້ 100%.
ໂດຍ: ສຸວັນໂນ ທະລັງສິ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
