POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສຳເລັດກອງປະຊຸມເປີດກວ້າງອົງຄະນະພັກ ວິທະຍາຄານປ້ອງກັນຊາດ ໄກສອນ ພົມວິຫານ
ເວລາອອກຂ່າວ: 2019-07-11 08:27:22 | ຜູ້ຂຽນ : admin3 | ຈຳນວນຄົນເຂົ້າຊົມ: 239839193 | ຄວາມນິຍົມ:

ໂດຍອີງຕາມແບບແຜນການ ນຳພາຂອງພັກ, ຂໍ້ກຳນົດວ່າ ດ້ວຍລະບອບປະຊຸມ ແລະ ກວດ ກາ, ສະຫຼຸບຖອດຖອນບົດຮຽນ ຂອງຄະນະພັກແຕ່ລະຂັ້ນ, ອີງ ໃສ່ສະພາບການເຄື່ອນໄຫວຊີ້ ນຳ-ນໍາພາຂອງຄະນະພັກ ວປກ ໃນໄລຍະ 6 ເດືອນຕົ້ນປີ. ໃນວັນ ທີ 9 ກໍລະກົດ 2019 ນີ້, ວິທະຍາ ຄານປ້ອງກັນຊາດ ໄກສອນ ພົມ ວິຫານ ຈຶ່ງໄດ້ເປີດກອງປະຊຸມ ເປີດກວ້າງຄະນະພັກວິທະຍາ ຄານປ້ອງກັນຊາດ ໄກສອນ ພົມວິຫານຂຶ້ນຢ່າງເປັນທາງ ການ ໂດຍພາຍໃຕ້ການເປັນປະ ທານຂອງ ສະຫາຍ ພົນຕີ ຄຳຫຼ້າ ພັນໄຊຍະສຸກ, ກຳມະການ ຄະນະພັກກະຊວງປ້ອງກັນປະ ເທດ, ເລຂາຄະນະພັກ, ຫົວໜ້າ ການເມືອງ ວປກ, ມີສະຫາຍ ພົນ ຈັດຕະວາ ປອ ແກ້ວສຸວັນ ອິນທະ ວົງສາ, ຮອງເລຂາຄະນະພັກ, ຫົວໜ້າການທະຫານ ວປກ ພ້ອມ ດ້ວຍຄະນະພັກ-ຄະນະບັນຊາ ຈາກ 12 ຫົວໜ່ວຍເຂົ້າຮ່ວມ. ໂອກາດດັ່ງກ່າວ ສະຫາຍ ພັນເອກ ປອ ຄຳຜາຍ ສະພັງເໜືອ, ຄະນະປະຈຳພັກ, ຮອງຫົວໜ້າ ການເມືອງ, ຫົວໜ້າກົມການ ເມືອງ ວປກ ກໍໄດ້ຂຶ້ນຜ່ານບົດສະຫຼຸບການນຳພາຂອງຄະນະພັກ ວິທະຍາຄານປ້ອງກັນຊາດ ໄກສອນ ພົມວິຫານ ປະຈຳ 6 ເດືອນຕົ້ນປີ 2019 ແລະ ທິດທາງ ແຜນການນຳພາ 6 ເດືອນທ້າຍປີ 2019 ເຊິ່ງສະຫາຍໄດ້ຍົກໃຫ້ ເຫັນເຖິງຜົນງານທີ່ສາມາດ ຍາດມາໄດ້ໃນຕະຫຼອດໄລຍະ ທີ່ຜ່ານມາ. ໂດຍສະເພາະກໍແມ່ນ ການຈັດຕັ້ງສະຫຼຸບຖອດຖອນບົດຮຽນການເຝິກຊ້ອມກ້ອນ ກຳລັງກອງທັບລາວອິດສະຫຼະເຂົ້າຮ່ວມສວນສະໜາມສະເຫຼີມ ສະຫຼອງວັນສ້າງຕັ້ງກອງທັບ ຄົບຮອບ 70 ປີ, ຈັດຕັ້ງສະເຫຼີມສະຫຼອງວັນບຸນປີໃໝ່ລາວ , ຈັດ ຕັ້ງສະຫຼຸບວຽກງານແຂ່ງຂັນ ພາຍໃຕ້ຄຳຂວັນ (ຮັກຊາດ ແລະ ພັດທະນາ) ປະຈຳປີ 2018 ແລະ ເປີດຂະບວນການແຂ່ງຂັນປະຈຳ ປີ 2019, ຈັດຕັ້ງຄະນະນຳ ວປກ ນຳພານັກສຶກສາການນຳພັກ- ລັດ ຊຸດທີ 16 ແລະ 17 ໄປທັດສະ ນະສຶກສາຢູ່ຄັງວຽງ, ກົມກອງ ຕົວແບບໃນກອງທັບ, ຈັດຕັ້ງ ເຜີຍແຜ່ເຊື່ອມຊຶມມະຕິຄົບຄະ ນະບໍລິຫານງານສູນກາງພັກ ຄັ້ງທີ 7 ສະໄໝທີ X, ການມາພົບ ປະໂອ້ລົມຂອງ ສະຫາຍ ພົນໂທ ໄອ່ ສຸລິຍະແສງ, ຮັບຟັງການ ເຜີຍແຜ່ກົດໝາຍນາຍທະຫານ ສະບັບປັບປຸງ, ເອກະສານແກ້ ໄຂຄຳຮ້ອງຟ້ອງ, ຮ້ອງທຸກ, ຈັດ ຕັ້ງປາຖະກະຖາວັນສຳຄັນຂອງ ຊາດ, ຂອງພັກ, ຂອງກອງທັບ ແລະ ຂອງອົງການຈັດຕັ້ງມະ ຫາຊົນ ຈຳນວນ 9 ຄັ້ງ ເທົ່າກັບ 1.833 ເທື່ອຄົນ, ຈັດຕັ້ງເປີດ ແລະ ຍູ້ຂະບວນການເພື່ອຕ້ອນຮັບວັນສໍາຄັນຕ່າງໆທົ່ວກອງທັບເຊັ່ນ: ຈັດຕັ້ງການແຂ່ງຂັນສິລະປະ-ວັນນະຄະດີ, ກີລາກາຍະກຳ, ໂຄ ສະນາຂຽນຂ່າວ-ອອກຂ່າວ ທັງ ພາຍໃນ ແລະ ພາຍນອກ ມີທັງ ໝົດ 281 ຂ່າວ, ຂະຫຍາຍມະ ຫາຊົນເຂົ້າພັກ 52 ສະຫາຍ, ຍິງ 6 ສະຫາຍ, ເລື່ອນສະມາຊິກພັກ ສຳຮອງຂຶ້ນ ສົມບູນ 21 ສະຫາຍ, ໄດ້ປັບປຸງການຈັດຕັ້ງບັນຊາຂັ້ນ ກົມ, ທຽບເທົ່າ ຈຳນວນ 15 ສະ ຫາຍ, ຂັ້ນຫົວໜ້າ - ຮອງຫົວໜ້າ ພະແນກ ມີ 41 ສະຫາຍ, ພະນັກ ງານໄດ້ຮັບການເລື່ອນ ຊັ້ນທັງ ໝົດ 123 ສະຫາຍ, ໃນນັ້ນມີພົນຕີ 01 ສະຫາຍ, ພົນຈັດຕະວາ 01 ສະ ຫາຍ, ພັນເອກ 04 ສະຫາຍ, ພັນ ໂທ 34 ສະຫາຍ, ພັນຕີ 19 ສະຫາຍ, ຮ້ອຍເອກ 13 ສະຫາຍ, ຮ້ອຍໂທ 25 ສະຫາຍ ແລະ ຮ້ອຍ ຕີ 02 ສະຫາຍ, ສຳເລັດການ ຈັດຕັ້ງຫັດແອບຊ້ອມຮົບສອງຂັ້ນ ຝ່າຍດຽວໃຫ້ນັກສຶກສາ, ການ ປ້ອງກັນບົດວິທະຍານິພົນຈົບ ຊັ້ນ, ສອບເສັງຈົບຊັ້ນ, ເລື່ອນ ຊັ້ນ ສົກປີ 2018-2019 ສຳເລັດ ຕາມແຜນການ, ມີນັກສຶກສາ ຮຽນຈົບ ຈຳນວນ: 216 ສະຫາຍ, ຍິງ 04 ສະຫາຍ, ສອບເສັງບັນ ລຸຄາດໝາຍ 100%, ໃນນັ້ນໄດ້ ເກຼດ A ມີ 10 ສະຫາຍເທົ່າກັບ 4,63%, ເກຼດ B+ ມີ 134 ສະ ຫາຍ ເທົ່າກັບ 62.04%, ເກຼດ B ມີ 03 ສະຫາຍເທົ່າກັບ 1.39%, ເກຼດ C+ ມີ 51 ສະຫາຍເທົ່າກັບ 23.61%, ເກຼດ C ມີ 14 ສະຫາຍ ເທົ່າກັບ 6,48%, ເກຼດ D+ ມີ 04 ສະຫາຍ ເທົ່າກັບ 1,85%, ຊີ້ນຳ ການປັບປຸງໂຄງການຫຼັກສູດ ກອງພັນໃຫຍ່, ກອງພັນນ້ອຍ, ໂຄງການຫຼັກສູດໃໝ່ປະລິນຍາ ເອກ, ພາສາຣັດເຊຍ ແລະ ໂຄງ ການການຮຽນ-ການສອນໃຫ້ ສອດຄ່ອງອີກຈຳນວນໜຶ່ງ, ຊີ້ນຳ ເປີດກອງປະຊຸມສະພາວິທະຍາ ສາດຂັ້ນວິຊາການ, ຂັ້ນ ວປກ ເພື່ອຜ່ານ ແລະ ກວດແກ້ເອກະ ສານຕຳລາຮຽນຕ່າງໆທັງໝົດ 05 ຄັ້ງ ຈຳນວນ 05 ຫົວ, ຊຳ ລະຄ່າປຶ້ມປະຫວັດສາດ ຈຳນວນ 500 ຫົວ ມູນຄ່າ 50.000.000 ກີບ, ຈັດພິມປຶ້ມວາລະສານວິ ທະຍາສາດການທະຫານ-ການ ເມືອງ ລາຍ 6 ເດືອນ ສະບັບທີ 17 ຈຳນວນ 1.000 ຫົວ, ວປກ ສ້າງແຫຼ່ງລາຍຮັບເຂົ້າກົມກອງ ຈາກການປູກຝັງ-ລ້ຽງສັດ ແລະ ບໍລິການອື່ນໆໄດ້ທັງໝົດ 89.249.100 ກີບ, ປັດຈຸບັນ ວປກ ມີງົວທັງໝົດ 60 ໂຕ. ສະຫາຍ ພົນຕີ ຄຳຫຼ້າ ພັນ ໄຊຍະສຸກ ຍັງໄດ້ເນັ້ນໜັກບາງ ບັນຫາດັ່ງນີ້: ເພີ່ມທະວີການສຶກສາ ອົບຮົມການເມືອງແນວຄິດໃຫ້ ເລິກເຊິ່ງເຖິງຖອງ, ສອດຫ້ອຍ ເຂົ້າກັບທຸກຂົງເຂດວຽກງານ, ຕິດ ພັນແໜ້ນກັບການແກ້ໄຂ ແລະ ປະຕິບັດນະໂຍບາຍຢ່າງສົມເຫດ ສົມຜົນ, ສຸມໃສ່ການສ້າງພັກ, ພະນັກງານ ແລະ ອົງການຈັດຕັ້ງ ມະຫາຊົນຮຸ່ນສືບທອດປ່ຽນແທນ ໃຫ້ໄດ້ທັງປະລິມານ, ຄຸນນະພາບ ແລະ ເປັນຫຼັກແຫຼ່ງແກນນຳໃນ ທຸກຂະບວນການວຽກງານ, ສຸມ ໃສ່ຄຸ້ມຄອງນັກສຶກສາໃຫ້ຮັດ ກຸມຕາມຂໍ້ກຳນົດ ຕິດພັນກັບການ ສຶກສາອົບຮົມການເມືອງແນວ ຄິດຢ່າງແຂງແຮງ, ເອົາໃຈໃສ່ປັບ ປຸງສ້າງຫຼັກສູດ, ຕຳລາຮຽນ ໃຫ້ສອດຄ່ອງກັບແນວທາງ ຄວາມຕ້ອງການໃນການສ້າງ ກຳລັງກອງທັບໃນແຕ່ລະໄລຍະ. ຊອກແຫຼ່ງທີ່ມາຂອງການກໍ່ສ້າງ ຄູ, ສຸມໃສ່ບຳລຸງຄູໃຫ້ໄດ້ທັງປະ ລິມານ ແລະ ຄຸນນະພາບ, ເອົາ ໃຈໃສ່ຄົ້ນຄວ້າປັບປຸງ, ແປ, ຮຽບຮຽງເອກະສານຮັບໃຊ້ໃຫ້ ແກ່ການຮຽນ-ການສອນ, ຍົກ ສູງຄຸນນະພາບທາງດ້ານການ ຜະລິດກະສິກຳ ແລະ ການຊອກ ແຫຼ່ງລາຍຮັບ ຕິດພັນກັບການ ສ້າງກົມກອງປອດໃສ, ເຂັ້ມແຂງ, ໜັກແໜ້ນ ທັງນີ້ກໍເພື່ອເຮັດໃຫ້ ກົມກອງປະສົບຜົນສຳເລັດ ແລະ ມີບາດກ້າວໃໝ່ຂຶ້ນເລື້ອຍໆ. ໂດຍ: ດາວວິນ ໂສພາພອນ

news to day and hot news