ວັນອັງຄານ, ວັນທີ 03 ທັນວາ 2024
ກປທ ຈັດຕັ້ງປາຖະກະຖາວັນຄ້າຍວັນເກີດປະທານ ສຸພານຸງວົງ ຄົບຮອບ 110 ປີ
ເວລາອອກຂ່າວ: 2019-07-15 08:56:32 | ຜູ້ຂຽນ : admin3 | ຈຳນວນຄົນເຂົ້າຊົມ: 465 | ຄວາມນິຍົມ: 
ໃນວັນທີ 12 ກໍລະກົດ 2019
ນີ້, ກະຊວງປ້ອງກັນປະເທດໄດ້ ຈັດຕັ້ງປາຖະກະຖາວັນຄ້າຍ ວັນ ເກີດຂອງປະທານ ສຸພານຸວົງ ຄົບຮອບ 110 ປີ (13/7/1909-13/7/2019) ຢູ່ທີ່ສະໂມສອນ ກົມໃຫຍ່ການເມືອງກອງທັບ ໂດຍ
ການເປັນປະທານ ແລະ ປາຖະ
ກະຖາຂອງສະຫາຍ ພົນຕີ ປອ
ທອງລອຍ ສີລິວົງ ກຳມະການ
ສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວ ໜ້າກົມໃຫຍ່ການເມືອງ ກອງທັບ ມີຄະນະນຳກະຊວງ, ກົມໃຫຍ່, ຫ້ອງວ່າການກະຊວງ ແລະ ຕາງ
ໜ້າຈາກອົງການ, ກົມ-ກອງ ອ້ອມຂ້າງກະຊວງເຂົ້າຮ່ວມ.
ສະຫາຍ ພົນຕີ ປອ ທອງລອຍ ສິລິວົງ ໄດ້ຍົກໃຫ້ເຫັນຊີວິດການ ເຄື່ອນໄຫວປະຕິວັດຂອງປະທານ ສຸພານຸວົງ ໃນການນຳພາປະ ຊາຊົນລາວຕໍ່ສູ້ກູ້ຊາດໃນແຕ່ລະ ໄລຍະ ຜົນງານອັນຍິງໃຫຍ່ ແລະ ຄຸນສົມບັດສິນທໍາປະຕິວັດອັນ ຜ່ອງໃສ, ຄວາມມານະອົດທົນ, ເດັດດ່ຽວ, ເຂັ້ມແຂງ, ມີເຫດມີ ຜົນ, ມີຄວາມກ້າຫານ ແລະ ຄວາມເສຍສະຫຼະ ຍາມໃດເພິ່ນ ກໍຍົກສູງຜົນປະໂຫຍດຂອງຊາດ ຂອງປະຊາຊົນຫຼາຍກວ່າປະ ໂຫຍດສ່ວນຕົວ ແລະ ຄອບຄົວ ຕໍ່ສູ້ຢ່າງກ້າແກ່ນພິລາດອາດຫານ ບໍ່ຍອມຈຳນົນມີນໍ້າໃຈຮັກຊາດອັນດູດດື່ມ, ມີນໍ້າໃຈເສຍສະຫຼະ ເພື່ອຊາດ, ເພື່ອປະຊາຊົນ ຍ້ອນນໍ້າໃຈອັນແຮງກ້າຂອງບັນດາຜູ້ນໍາທີ່ສະຫຼາດສ່ອງໃສປີຊາສາ
ມາດ ແລະ ຄວາມສາມັກຄີເປັນ ຈິດໜຶ່ງໃຈດຽວຂອງບັນດາຜູ້ນຳ ໃນວີລະກຳເຫດການໂຕຄຸກຢ່າງມະຫັດສະຈັນໄປສູ່ເຂດທີ່ໝັ້ນປະຕິວັດຢ່າງປອດໄພ ແລະ ເຮັດສຳເລັດ ຈົນຍາດໄດ້ໄຊຊະນະອັນໃຫຍ່ ຫຼວງ. ທັງນີ້ກໍເພື່ອແນໃສ່ສຶກສາອົບຮົມໃຫ້ພະນັກງານນັກຮົບຮຸ່ນ
ສືບທອດໄດ້ຮັບຮູ້ເຊື່ອມຊຶມຕື່ມ ກ່ຽວກັບຊີວິດການເຄື່ອນໄຫວ ປະຕິວັດແບບແຜນດຳລົງຊີວິດທີ່ປອດໃສ, ຄຸນສົມບັດສິນທໍາປະ ຕິວັດຂອງປະທານສຸພານຸວົງ ເພື່ອ
ເປັນແນວທາງໃນການເຝິກຫຼໍ່ ຫຼອມຕົນເອງໃຫ້ກາຍເປັນພະນັກ ງານຮຸ່ນສືບທອດທີ່ຈົ່ງຮັກພັກດີ
ຕໍ່ພັກ, ຕໍ່ປະເທດຊາດ ແລະ ກົມ ກອງຂອງຕົນ.
ໂດຍ: ຈ່ອຍ ເພັດດາວອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
