POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ວາງພົວມາລາ ແລະ ວາງສະແດງຮູບພາບລະນຶກວັນຄ້າຍວັນເກີດ ປະທານສຸພານຸວົງ ຄົບຮອບ 110 ປີ
ເວລາອອກຂ່າວ: 2019-07-15 09:03:31 | ຜູ້ຂຽນ : admin3 | ຈຳນວນຄົນເຂົ້າຊົມ: 411 | ຄວາມນິຍົມ:

ວັນທີ 12 ກໍລະກົດ 2019 ນີ້, ບັນດາການນໍາ ພັກ-ລັດ ເຊິ່ງນໍາ ໂດຍ ສະຫາຍ ໄຊສົມພອນ ພົມ ວິຫານ ກໍາມະການກົມການເມືອງ ສູນກາງພັກ, ປະທານສູນກາງ ແນວລາວສ້າງຊາດ, ໄດ້ເຂົ້າວາງ ພວງມາລາຢູ່ຕໍ່ໜ້າຮູບປັ້ນຂອງ ປະທານ ສຸພານຸວົງ ທີ່ຫໍພິພິທະ ພັນ ສຸພານຸວົງ ແລະ ຈັດງານ ວາງສະແດງຮູບພາບພາຍໃຕ້ ຫົວຂໍ້ ປະທານ ສຸພານຸວົງ ກັບ ວຽກງານແນວໂຮມ ແຫ່ງຊາດ, ເນື່ອງໃນໂອກາດວັນຄ້າຍວັນ ເກີດປະທານ ສຸພານຸວົງ ຄົບຮອບ 110 ປີ ( 13/07/ 1909-13/ 072019). ສະຫາຍ ປອ ໄຊສົມພອນ ພົມວິຫານ ໄດ້ກ່າວວ່າ: ການວາງ ພວງມາລາ ແລະ ວາງສະແດງຮູບ ພາບການເຄື່ອນໄຫວຂອງ ປະ ທານ ສຸພານຸວົງ ຄັ້ງນີ້, ແມ່ນເປັນ ການລະນຶກເຖິງຄຸນງາມຄວາມ ດີຂອງ ປະທານ ສຸພານຸວົງ ຕັ້ງແຕ່ ໄວເດັກ ຈົນເຖິງໄລຍະເວລາທີ່ ເພີ່ນໄດ້ກາຍເປັນຜູ້ນຳທີ່ດີເດັ່ນ ຂອງຊາດລາວ, ເປັນວິລະຊົນ ຂອງຊາດລາວ, ເປັນການຫວນ ຄືນມູນເຊື້ອສາມັກຄີຕໍ່ສູ້ອັນພິ ລາດອາດຫານ, ເພາະເພີ່ນໄດ້ປະ ກອບສ່ວນຜົນງານຢ່າງໃຫຍ່ ຫຼວງເຂົ້າໃນວຽກງານແນວ ໂຮມແຫ່ງຊາດ, ຕັ້ງໜ້າປະຕິບັດ ພາລະກິດຕໍ່ສູ້ປົດປ່ອຍຊາດ ແລະ ພັດທະນາປະເທດຊາດ ໃຫ້ນັບມື້ ນັບຈະເລີນກ້າວໜ້າ, ເຮັດໃຫ້ຊີ ວິດການເປັນຢູ່ຂອງປະຊາຊົນ ລາວບັນດາເຜົ່າມີຄວາມຜາສຸກ ຍິ່ງໆຂຶ້ນ. ໃນນາມເປັນປະທານປະ ເທດຜູ້ທຳອິດ ແລະ ປະທານສະ ພາປະຊາຊົນສູງສຸດຜູ້ທຳອິດ ຂອງ ສປປ ລາວ, ປະທານແນວ ລາວອິດສະຫຼະ, ປະທານແນວ ລາວຮັກຊາດ, ປະທານແນວລາວ ສ້າງຊາດຜູ້ທຳອິດ ແລະ ໃນບົດ ບາດທີ່ດີເດັ່ນອື່ນໆອີກ, ປະທານ ສຸພານຸວົງ ໄດ້ເປັນແບບຢ່າງອັນ ເຫຼື້ອມໃສໃນຄວາມຈົງຮັກພັກດີ ຕໍ່ພາລະກິດປະຕິວັດ, ຕໍ່ອຸດົມການ ອັນສູງສົ່ງ, ເຊື່ອໝັ້ນຕໍ່ການນຳພາ ຂອງພັກຢ່າງສະເໝີຕົ້ນສະເໝີ ປາຍ, ເສຍສະຫຼະສິດຜົນປະໂຫຍດ ສ່ວນຕົວເພື່ອສ່ວນລວມ, ເພື່ອ ຊາດ, ເພື່ອປະຊາຊົນຢູ່ສະເໝີ, ທ່ານມີນ້ຳໃຈຮັກຊາດຮັກປະຊາ ຊົນຢ່າງດູດດື່ມ, ເປັນແວ່ນແຍງ ອັນເຫຼື້ອມໃສໃນການດຳລົງຊີ ວິດແບບລຽບງ່າຍ, ປະຢັດມັດ ທະຍັດ ແລະ ປອດໃສຂາວສະອາດ ໃນຊົ່ວຊີວິດຂອງທ່ານ. ພ້ອມກັນ ນັ້ນ, ທ່ານຍັງມີຄວາມຮັກບໍລິສຸດ ຜຸດຜ່ອງຕໍ່ຄອບຄົວ, ລູກຫຼານ ແລະ ພີ່ນ້ອງຮ່ວມຊາດຕະຫຼອດ ມາ, ທ່ານໄດ້ເປັນແບບຢ່າງໃນ ການອອກແຮງງານທີ່ດຸໝັ່ນ, ຄົ້ນ ຄວ້າຮ່ຳຮຽນສະແຫວງຫາ ຄວາມ ຮູ້ຮອບດ້ານ. ນອກນັ້ນ, ທ່ານຍັງ ມີນ້ຳໃຈເອື້ອເຟື້ອເພື່ອແຜ່ຕໍ່ເພື່ອນ ມິດທັງພາຍໃນ ແລະ ຕ່າງປະເທດ ເປັນຜູ້ທີ່ຮັກຫອມສັນຕິພາບ, ຮັກ ຄວາມເປັນທຳ ແລະ ມີນໍ້າໃຈສາ ກົນອັນສູງສົ່ງຕໍ່ເພື່ອນມິດຍຸດທະ ສາດຢ່າງເດັດດ່ຽວໜຽວແໜ້ນ. ປະທານ ສຸພານຸວົງ ຍາມໃດກໍ ເປັນໃຈກາງແຫ່ງການເຕົ້າໂຮມ ຄວາມສາມັກຄີຂອງປວງຊົນ ລາວບັນດາເຜົ່າ, ທຸກຊັ້ນຄົນ, ສາ ສະໜາ ແລະ ເພດໄວ. ປຸກລະດົມ ຂົນຂວາຍປະຊາຊົນໃຫ້ເຕົ້າໂຮມ ເປັນກ້ອນກໍາລັງສາມັກຄີເປັນອັນ ໜຶ່ງອັນດຽວກັນໃນແນວໂຮມເອ ກະພາບແຫ່ງຊາດ, ເພື່ອຕໍ່ສູ້ສັດ ຕູຜູ້ມາຮຸກຮານ ແລະ ລູກແຫ່ງຕີນ ມືຂອງພວກເຂົາ ເຊິ່ງນັ້ນແມ່ນໜຶ່ງ ໃນບັນດາປັດໄຈອັນສໍາຄັນທີ່ຮັບປະກັນໄຊຊະນະຂອງການປະຕິ ວັດເຮົາ, ຕະຫຼອດໄລຍະແຫ່ງຂະ ບວນວິວັດການຕໍ່ສູ້ກູ້ຊາດ, ປົກ ປັກຮັກສາ ແລະ ສ້າງສາພັດທະ ນາປະເທດຊາດຜ່ານມາ ປະທານ ສຸພານຸວົງ ໄດ້ສຸມໝົດສະຕິປັນຍາ ແລະ ກໍາລັງວັງຊາ ຢ່າງບໍ່ຮູ້ອິດ ເມື່ອຍປະກອບສ່ວນເຂົ້າໃນພາ ລະກິດຂອງຊາດ ເພື່ອຄວາມ ເປັນເອກະພາບ, ອິດສະຫຼະ ແລະ ຄວາມສົມບູນພູນສຸກຂອງປະຊາ ຊົນລາວບັນດາເຜົ່າ, ປະກອບ ສ່ວນຢ່າງຕັ້ງໜ້າເຂົ້າໃນການປົກ ປັກຮັກສາສັນຕິພາບໂລກ. ຕະ ຫຼອດໄລຍະແຫ່ງການຕໍ່ສູ້ກູ້ຊາດ ເພີ່ນໄດ້ຜ່ານຜ່າສິ່ງທົດສອບທີ່ ເຕັມໄປດ້ວຍຄວາມຫຍຸ້ງຍາກລໍາ ບາກ, ຄວາມເສຍສະຫຼະນາໆປະ ການ, ຍາມໃດກໍຮັກສາໄດ້ຄວາມ ບໍລິສຸດພຸດຜ່ອງປອດໃສ ຂາວສະ ອາດ ແລະ ມີຄວາມຈົງຮັກພັກດີຕໍ່ອຸດົມການຂອງພັກຢູ່ສະເໝີ. ໂດຍ: ແສງເດືອນ

news to day and hot news