ວັນພະຫັດ, ວັນທີ 12 ທັນວາ 2024
ຈັດການແຂ່ງຂັນກິລາລະຫວ່າງຫ້ອງວ່າການກະຊວງປ້ອງກັນປະເທດ ກັບ ຫ້ອງວ່າການສູນກາງພັກ
ເວລາອອກຂ່າວ: 2019-07-16 09:46:32 | ຜູ້ຂຽນ : admin3 | ຈຳນວນຄົນເຂົ້າຊົມ: 434 | ຄວາມນິຍົມ: 
ການແຂ່ງຂັນກີລາມິດຕະ ພາບລະຫວ່າງຫ້ອງວ່າການກະ ຊວງປ້ອງກັນປະເທດກັບຫ້ອງ ວ່າການສູນກາງພັກໄດ້ຈັດຂຶ້ນ ໃນວັນທີ 12 ກໍລະກົດ 2019 ນີ້, ຢູ່ທີ່ເດ່ີນກີລາສະຖາປັດ ໂດຍມີ ສະຫາຍ ພົນຕີ ຄໍາສີ ວົງ ຄໍາຊາວ ຫົວໜ້າຫ້ອງວ່າການ ກະຊວງປ້ອງກັນປະເທດ, ສະ ຫາຍ ຄໍາຜາ ພິມມະສອນ ຮອງ ຫົວໜ້າຫ້ອງວ່າການສູນກາງ ພັກ, ມີພະນັກງານ-ນັກກີລາ ທັງ ສອງຝ່າຍເຂົ້າຮ່ວມ.
ຈຸດປະສົງຂອງການຈັດກິດຈະ ກຳແຂ່ງຂັນກີລາໃນຄັ້ງນີ້ກໍເພື່ອ ເປັນການສ້າງບັນຍາກາດຟົດ ຟື້ນມ່ວນຊື່ນຂໍ່ານັບຮັບຕ້ອນວັນປະຫວັດສາດຂອງຊາດ, ຂອງ ພັກ ແລະ ຂອງກອງທັບ ໂດຍ ສະເພາະວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 110
ປີ (13/7/1909-13/7/2019)
ແລະ ວັນສ້າງຕັ້ງສະຫະພັນແມ່ ຍິງລາວ ຄົບຮອບ 64 ປີ ໃຫ້ເປັນ ຂະບວນຟົດຟື້ນກວ້າງຂວາງ ແລະ ມີເນື້ອໃນຄວາມໝາຍອັນ ເລິກເຊິ່ງ. ທັງເປັນການເຕົ້າ ໂຮມຄວາມສາມັກຄີຮັກແພງ ລະຫວ່າງກົມກອງຕໍ່ກົມກອງ, ລະຫວ່າງບຸກຄົນຕໍ່ບຸກຄົນທີ່ມີຢູ່ ແລ້ວໃຫ້ເພີ່ມທະວີຄູນຂຶ້ນກວ່າ ເກົ່າ, ທັງເປັນການເສີມສ້າງສຸ ຂະພາບພະລານາໄມຂອງພະນັກ ງານ-ນັກຮົບໃຫ້ມີສຸຂະພາບ ແຂງແຮງ ກຽມພ້ອມຮັບໃຊ້ໜ້າ ທີ່ວຽກງານທີ່ຂັ້ນເທິງມອບ ໝາຍໃຫ້ປະສົບຜົນສຳເລັດ. ເຊິ່ງ ກີລາທີ່ນຳມາແຂ່ງຂັນໃນຄັ້ງນີ້ມີ ເຕະບານຊາຍ, ເປຕັງຄະນະພັກ- ຄະນະບັນຊາ ແລະ ເປຕັງຊາວ ໜຸ່ມ-ແມ່ຍິງ. ການແຂ່ງຂັນແມ່ນ ດຳເນີນໄປດ້ວຍບັນຍາກາດຟົດ ຟື້ນເຕັມໄປດ້ວຍສຽງຊົມສຽງ ເຊຍຕະຫຼອດງານການແຂ່ງຂັນ.
ໂອກາດດັ່ງກ່າວຫ້ອງວ່າ ການສູນກາງພັກ ຍັງໄດ້ມອບ ເງິນສົດ 5 ລ້ານກີບໃຫ້ຫ້ອງວ່າ ການກະຊວງປ້ອງກັນປະເທດ ຕື່ມອີກ.
ໂດຍ: ສົມພອນ ສີສຸມັງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
