ວັນອັງຄານ, ວັນທີ 03 ທັນວາ 2024
ທ່ານນາຍົກລັດຖະມົນຕີ ລົງຊຸກຍູ້ການພັດທະນາເສດຖະກິດ-ສັງຄົມ ຢູ່ແຂວງຫຼວງພະບາງ
ເວລາອອກຂ່າວ: 2019-07-18 09:53:10 | ຜູ້ຂຽນ : admin3 | ຈຳນວນຄົນເຂົ້າຊົມ: 394 | ຄວາມນິຍົມ: 
ໃນວັນທີ 15 ກໍລະກົດ 2019 ນີ້
ທ່ານ ທອງລຸນ ສີສຸລິດ ນາຍົກລັດ
ຖະມົນຕີ ພ້ອມດ້ວຍຄະນະ ໄດ້ລົງ ເຄື່ອນໄຫວເຮັດວຽກ ແລະ ຊຸກຍູ້ ການພັດທະນາເສດຖະກິດ-ສັງ ຄົມຢູ່ແຂວງຫຼວງພະບາງ, ມີ ທ່ານ ຄຳຂັນ ຈັນທະວີສຸກ ເຈົ້າ ແຂວງໆຫຼວງພະບາງ ພ້ອມດ້ວຍ ອົງການປົກຄອງແຂວງ ແລະ ພາກສ່ວນທີ່ກ່ຽວຂ້ອງໃຫ້ການ ຕ້ອນຮັບຢ່າງອົບອຸ່ນ.
ທ່ານນາຍົກລັດຖະມົນຕີພ້ອມ
ດ້ວຍຄະນະ ໄດ້ເດີນທາງໄປຢ້ຽມ
ຢາມແຫຼ່ງທ່ອງທ່ຽວຕາດກວາງ ຊີ, ເຊິ່ງຕັ້ງຢູ່ຫ່າງຈາກນະຄອນ ຫຼວງພະບາງ ໄປທາງທິດຕາເວັນ ຕົກສ່ຽງໃຕ້ ປະມານ 32 ກິໂລ ແມັດ, ເປັນນໍ້າຕົກຕາດທີ່ສວຍ ງາມທີ່ສຸດຂອງແຂວງຫຼວງພະ ບາງ ແລະ ມີຄວາມສູງປະມານ 75 ແມັດ, ເປັນນໍ້າຕົກຫີນປູນເຮັດ
ໃຫ້ນໍ້າທີ່ໄຫຼຜ່ານເປັນສີຂຽວມໍລະ ກົດ, ພ້ອມກັນນັ້ນ ກໍຍັງໄດ້ຍ່າງ ທ່ຽວຊົມສະຖານທີ່ຕ່າງໆ ທີ່ຢູ່ບໍ ລິເວນແຫຼ່ງທ່ອງທ່ຽວຕາດກວາງ ຊີ, ໃນໂອກາດນີ້ ທ່ານນາຍົກລັດ
ຖະມົນຕີໄດ້ເນັ້ນໃຫ້ຄະນະຮັບຜິດ ຊອບຈົ່ງເພີ່ມທະວີຄວາມເອົາໃຈ ໃສ່ໃນການປົກປັກຮັກສາສິ່ງ ແວດລ້ອມ, ປ່າໄມ້ຕົ້ນນ້ຳ ແລະ ຂອບເຂດທ່ອງທ່ຽວ ເພື່ອເຮັດໃຫ້ ບໍລິເວນນ້ຳຕົກຕາດມີຄວາມເປັນ ທຳມະຊາດ ໃຫ້ຫຼາຍທີ່ສຸດ, ມີ ຄວາມອຸດົມສົມບູນ ແລະ ຊຸ່ມຊື່ນ
ຕະຫຼອດ, ຈາກນັ້ນ ຄະນະຂອງ ທ່ານນາຍົກລັດຖະມົນຕີໄດ້ເດີນ ທາງໄປຢ້ຽມຢາມຟາມຄວາຍນົມ ແລະ ສະຖານທີ່ຜະລິດກາເຟຂີ້ ເຫງັນ ທີ່ຕັ້ງ ຢູ່ບ້ານເມືອງຂາຍ ນະຄອນຫຼວງພະບາງ. ສະເພາະ ຟາມຄວາຍນົມເປັນການລົງທຶນ ຂອງຕ່າງປະເທດ ແລະ ໄດ້ນຳເອົາ ນົມຄວາຍມາປຸງແຕ່ງເປັນອາ ຫານ ເປັນຕົ້ນ ຜະລິດເປັນເນີຍ, ກະແລັມ, ເຂົ້າໜົມເຄັກ ແລະ ອື່ນໆ ເພື່ອສົ່ງຂາຍທັງພາຍໃນ ແລະ ຕ່າງປະເທດ, ຟາມແຫ່ງນີ້ ໄດ້ເປີດບໍລິການໃຫ້ນັກທ່ອງທ່ຽວ ເຂົ້າທ່ຽວຊົມຕັ້ງແຕ່ ເວລາ 9:30-17:00 ໂມງ.
ໃນໂອກາດດຽວກັນ, ຄະນະ ຂອງທ່ານນາຍົກລັດຖະມົນຕີຍັງ ໄດ້ໄປຢ້ຽມຢາມຈຸດກໍ່ສ້າງສະຖາ
ນີລົດໄຟ ຢູ່ບ້ານພິກນ້ອຍນະຄອນ
ຫຼວງພະບາງ ແລະ ຈຸດຈະກໍ່ສ້າງ
ຂົວຂ້າມນໍ້າຂອງ ລະຫວ່າງເມືອງ
ຈອມເພັດ ຫານະຄອນ ຫຼວງພະ ບາງ, ເຊິ່ງໂຄງການກໍ່ສ້າງເສັ້ນ ທາງລົດໄຟ ລາວ-ຈີນ ຜ່ານແຂວງ ຫຼວງພະບາງມີຄວາມຍາວທັງ ໝົດ 80 ກິໂລແມັດ, ໂດຍຜ່ານ 2 ເມືອງ, 01 ນະຄອນ, ລວມມີ 28 ບ້ານ, ໃນນັ້ນ: ເມືອງຈອມເພັດ ຜ່ານ 7 ບ້ານ, ນະຄອນຫຼວງພະ ບາງ ຜ່ານ 5 ບ້ານ ແລະ ເມືອງ ຊຽງເງິນ ຜ່ານ 16 ບ້ານ, ໂຄງ ການກໍ່ສ້າງທາງລົດໄຟຜ່ານ ແຂວງ ຫຼວງພະບາງ ມີສະຖານີ ທັງໝົດ 6 ແຫ່ງ, ໃນນີ້: ມີສະຖານີ
ໃຫຍ່ 1 ແຫ່ງ ຢູ່ນະຄອນຫຼວງ ພະບາງ; ມີຂົວທັງໝົດ 30 ແຫ່ງ, ໃນນີ້: ມີຂົວຂ້າມນໍ້າຂອງ 2 ແຫ່ງ
ແລະ ຂົວຂ້າມນໍ້າຄານ 3 ແຫ່ງ; ມີອຸໂມງທັງໝົດ 22 ແຫ່ງ; ອັດ ຕາສ່ວນຂົວ ແລະ ອຸໂມງກວມເອົາ 78,93% ຂອງໄລຍະທາງທັງ ໝົດ. ມາຮອດປະຈຸບັນສາມາດ ມອບພື້ນທີ່ໃຫ້ບໍລິສັດລົງມືກໍ່ສ້າງ
ແລ້ວ 79 ກິໂລແມັດ, ເທົ່າກັບ 99,94% ຂອງຄວາມຍາວທັງ ໝົດ, ສຳເລັດວຽກກໍ່ສ້າງພື້ນຖານ ເຊັ່ນ: ການຖົມດິນ, ກໍ່ສ້າງລະບົບ ລະບາຍນ້ໍາ, ກໍ່ສ້າງກັນເຈື່ອນ ແລະ
ອື່ນໆ. ໂອກາດນີ້ ທ່ານນາຍົກລັດ
ຖະມົນຕີ ໄດ້ເນັ້ນໜັກໃຫ້ຄະນະ ຮັບຜິດຊອບໂຄງການກໍ່ສ້າງສະຖານີລົດໄຟຮີບຮ້ອນແກ້ໄຂບັນ ຫາຜົນກະທົບເປັນຕົ້ນການທົດ ແທນຜົນເສຍຫາຍໃຫ້ປະຊາຊົນ ທີ່ຖືກຜົນກະທົບ, ການປັບປຸງຮູບ ແບບການກໍ່ສ້າງສະຖານີ, ສ່ວນ ການກໍ່ສ້າງຂົວ ແລະ ອື່ນໆ ເພື່ອ
ໃຫ້ສາມາດດຳເນີນການກໍ່ສ້າງ ສຳເລັດຕາມແຜນການທີ່ວາງ ໄວ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
