ວັນອັງຄານ, ວັນທີ 03 ທັນວາ 2024
ຈັດຕັ້ງປາຖະກະຖາວັນສ້າງຕັ້ງ ສະຫະພັນແມ່ຍິງລາວຄົບຮອບ 64 ປີ
ເວລາອອກຂ່າວ: 2019-07-19 09:07:04 | ຜູ້ຂຽນ : admin3 | ຈຳນວນຄົນເຂົ້າຊົມ: 428 | ຄວາມນິຍົມ: 
ໃນວັນທີ 18 ກໍລະກົດ ນີ້, ຫ້ອງການສະຫະພັນແມ່ຍິງກະ ຊວງປ້ອງກັນປະເທດໄດ້ຈັດຕັ້ງພິທີປາຖະກະຖາວັນສ້າງຕັ້ງສະ ຫະພັນແມ່ຍິງລາວຄົບຮອບ 64 ປີ (20/7/1955-20/7/2019) ໂດຍການເປັນປະທານ ແລະ ປາ ຖະກະຖາຂອງ ສະຫາຍ ພົນຈັດ ຕະວາ ວົງສອນ ອິນປານພິມ ກຳ
ມະການ ຄະນະພັກກະຊວງປ້ອງ ກັນປະເທດ ຮອງຫົວໜ້າກົມໃຫຍ່ ການເມືອງ ກອງທັບ ມີບັນດາປ້າ
ພະນັກງານປະຕິວັດອາວຸໂສບໍາ ນານ, ຄອບຄົວການນຳຂັ້ນສູງ, ມີຄະນະພັກ-ຄະນະບັນຊາກົມ, ຫ້ອງ ການ, ກອງ, ຄະນະນໍາສະຫະ ພັນແມ່ຍິງພ້ອມດ້ວຍສະມາຊິກ ສະຫະພັນແມ່ຍິງອ້ອມຂ້າງກະ ຊວງເຂົ້າຮ່ວມ.
ສະຫາຍ ພົນຈັດຕະວາ ວົງສອນ ອິນປານພິມ ໄດ້ທົບທວນຫວນຄືນປະຫວັດມູນເຊື້ອການກຳເນີດ, ການກໍ່ສ້າງເຕີບໃຫຍ່ຂະຫຍາຍ ຕົວ ແລະ ຜົນງານການເຄື່ອນໄຫວຂອງອົງການຈັດຕັ້ງສະ ຫະພັນແມ່ຍິງລາວກໍຄືແມ່ຍິງ ລາວບັນດາເຜົ່າ ທີ່ໄດ້ອຸທິດຕົນ ເພື່ອພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາພັດ ທະນາປະເທດຊາດ ກໍຄືພາລະກິດ ພັດທະນາແມ່ຍິງຕະຫຼອດໄລຍະ 64 ປີ. ເຊິ່ງເອື້ອຍນ້ອງແມ່ຍິງລາວໃນເມື່ອກ່ອນແມ່ນໄດ້ປະ ກອບສ່ວນອຸທິດເຫື່ອແຮງ, ສະ ຕິປັນຍາເຂົ້າໃນພາລະກິດຕໍ່ສູ້ກູ້ຊາດຄຽງບ່າຄຽງໄຫຼ່ກັບເພດ ຊາຍດ້ວຍຄວາມອົງອາດກ້າ ຫານ,ວັນທີ 20 ກໍລະກົດ 1955 ພັກໄດ້ຈັດຕັ້ງໜ່ວຍຄົ້ນຄວ້າແມ່ ຍິງຂຶ້ນ (ຕົ້ນກໍາເນີດຂອງອົງ ການຈັດຕັ້ງສະຫະພັນແມ່ຍິງລາວ ໃນປັດຈຸບັນ) ເພື່ອນໍາພາແມ່ຍິງໃນທົ່ວປະເທດປະກອບສ່ວນເຂົ້າ ໃນພາລະກິດຕໍ່ສູ້ປົດປ່ອຍຊາດ, ແມ່ຍິງລາວຈໍານວນບໍ່ໜ້ອຍຖືກສັດຕູຈັບຄຸມຂັງ, ທຸບຕິທໍລະມານ, ຖືກບັງຄັບໃຫ້ໄຂຄວາມລັບ ແຕ່ ແມ່ຍິງເດັດຂາດບໍ່ຍອມຈໍານົນ, ບໍ່ຍອມໄຂຄວາມລັບເດັດດ່ຽວຕໍ່ສູ້ຢ່າງພິລາດອາດຫານ, ອັນໄດ້ ເຮັດໃຫ້ແມ່ປ້ານ້າອາຂອງແມ່ຍິງ ລາວໄດ້ຮັບນາມະຍົດເປັນວິລະ ຊົນແຫ່ງຊາດ, ນັກຮົບແຂ່ງຂັນ ແລະ ໄດ້ຮັບຄັດເລືອກໃຫ້ເປັນ ແບບຢ່າງທີ່ດີເດັ່ນປະກອບສ່ວນ ເຂົ້າໃນຂົງ ເຂດວຽກງານຕ່າງໆ ພ້ອມທັງໄດ້ຮັບການຍ້ອງຍໍຈາກ ພັກ ແລະ ລັດຖະບານຫຼາຍລະດັບ, ພາຍຫຼັງປະເທດຊາດໄດ້ຮັບການ ປົດປ່ອຍແມ່ຍິງລາວບັນດາເຜົ່າ
ໄດ້ສືບຕໍ່ເສີມຂະຫຍາຍທາດແທ້ມູນເຊື້ອອັນສະຫງ່າງາມ ແລະ ຕັ້ງໜ້າປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນໍາພາຂອງພັກ-ລັດແມ່ຍິງລາວໃນຂອບເຂດທົ່ວປະເທດສາມາດຈັດຕັ້ງປະ
ຕິບັດພາລະບົດບາດ ແລະ ໜ້າ ທີ່ການເມືອງຂອງຕົນ ພ້ອມທັງ ຜັນຂະຫຍາຍມະຕິກອງປະຊຸມ ໃຫຍ່ຂອງຜູ້ແທນແມ່ຍິງລາວ ແຕ່ລະຄັ້ງມາເປັນແຜນງານ, ໂຄງ ການຢ່າງລະອຽດ ແລະ ໄດ້ ຮັບຜົນສໍາເລັດໃນແຕ່ລະໄລຍະ.
ສະຫາຍຮອງຫົວໜ້າກົມໃຫຍ່ ການເມືອງກອງທັບຍັງໃຫ້ຮຽກ ຮ້ອງໃຫ້ອົງການຈັດຕັ້ງສະມາຊິກ
ສະຫະພັນແມ່ຍິງກອງທັບກໍຄືສະ ຫະພັນແມ່ຍິງແຕ່ລະສະຫາຍຈົ່ງ ກຳແໜ້ນພາລະບົດບາດ, ໜ້າທີ່ ແລະ ເສີມຂະຫຍາຍທາດແທ້ມູນ ເຊື້ອຜົນງານການເຄື່ອນໄຫວ ຂອງບັນດາແມ່ຍິງຮຸ່ນກ່ອນສ້າງ ມາເຂົ້າໃນການເຄື່ອນໄຫວປະ ຕິບັດໜ້າທີ່ປັດຈຸບັນຢ່າງມີວິທະ ຍາສາດ, ປະດິດສ້າງເຮັດໃຫ້ບົດ
ບາດຊື່ສຽງຂອງແມ່ຍິງລາວກໍຄື
ແມ່ຍິງກອງທັບສູງເດັ່ນຂຶ້ນ.
ໂດຍ: ນາງ ຈ່ອຍ ເພັດດາວອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
