POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ໂຮງງານປະສານເຫຼົ່າຫຼວງພະບາງ ສະຫຼຸບຖອດຖອນບົດຮຽນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ
ເວລາອອກຂ່າວ: 2025-05-21 14:54:18 | ຜູ້ຂຽນ : admin2 | ຈຳນວນຄົນເຂົ້າຊົມ: 2387 | ຄວາມນິຍົມ:

ວັນທີ 20 ພຶດສະພາ 2025 ນີ້, ຄະນະພັກຮາກຖານໂຮງງານປະສານເຫຼົ່າຫຼວງພະບາງ ໄດ້ຈັດກອງປະຊຸມສະຫຼຸບຖອດຖອນບົດຮຽນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ໂດຍການເປັນປະທານຂອງ ສະຫາຍ ພົນຈັດຕະວາ ສາຍສະໝອນ ໄຊພູບານ ກໍາມະການຄະນະປະຈຳພັກກົມໃຫຍ່, ຮອງຫົວໜ້າກົມໃຫຍ່ເຕັກນິກກອງທັບ, ມີ ສະຫາຍ ພັນໂທ ຈັນທະວີ ພົງສຸທິ ຫົວໜ້າພະແນກຈັດຕັ້ງພັກ ຫ້ອງການເມືອງກົມໃຫຍ່ເຕັກນິກກອງທັບ, ມີຄະນະພັກ-ຄະນະອໍານວຍການໂຮງງານ, ມີບັນດາສະຫາຍເລຂາຄະນະໜ່ວຍພັກ, ຈຸພັກ ຕະຫຼອດຮອດພະນັກງານສະມາຊິກພັກສົມບູນ ແລະ ສໍາຮອງເຂົ້າຮ່ວມ. ສະຫາຍ ພັນໂທ ແສງອາລຸນ ທໍາມະສຸດສະດາ ເລຂາຄະນະພັກຮາກຖານ, ຮອງຫົວໜ້າອໍານວຍການໂຮງງານປະສານເຫຼົ່າຫຼວງພະບາງ ໄດ້ຜ່ານບົດສະຫຼຸບລາຍງານ ແລະ ຕີລາຄາຄືນການນໍາພາປັບປຸງກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ແລະ ຜ່ານທິດທາງແຜນການ ປີ 2026, ເຊິ່ງຄະນະພັກຮາກຖານໂຮງງານປະສານເຫຼົ່າຫຼວງພະບາງ ແມ່ນຄະນະພັກຮາກຖານໜຶ່ງທີ່ຂຶ້ນກັບອົງຄະນະພັກກົມໃຫຍ່ເຕັກນິກກອງທັບ ຢູ່ພາຍໃຕ້ການນໍາພາ-ຊີ້ນໍາໂດຍກົງຮອບດ້ານຈາກຄະນະພັກອົງການກົມໃຫຍ່ເຕັກນິກກອງທັບ ມີໜ້າທີ່ຮັບຜິດຊອບໃນການ ນຳພາ-ຊີ້ນຳ, ປັບປຸງກໍ່ສ້າງພັກ, ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ກໍ່ສ້າງພະນັກງານສະມາຊິກພັກ, ກຳມະກອນໃນທົ່ວໂຮງງານ, ເຮັດວຽກວິຊາສະເພາະໃນການຜະລິດເຄື່ອງປະດັບຍົດ, ຜະລິດເຄື່ອງເຮືອນຄົວ, ສ້ອມແປງພາຫະນະລົດທາງການທະຫານ, ສ້ອມແປງອາວຸດຍຸດໂທປະກອນ ແລະ ການບໍລິການ ເພື່ອຮັບໃຊ້ໃຫ້ແກ່ກອງທັບ ແລະ ສັງຄົມອີກຈໍານວນໜຶ່ງ. ໃນໄລຍະ 1 ປີຜ່ານມາຄະນະພັກຮາກຖານ ໄດ້ເປັນເຈົ້າການນໍາພາຈັດຕັ້ງປະຕິບັດ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ ຄັ້ງທີ ll ຂອງອົງຄະນະພັກກົມໃຫຍ່ເຕັກນິກກອງທັບ ກໍ່ຄືແຜນການຄາດໝາຍສູ້ຊົນຂອງຄະນະພັກຮາກຖານໂຮງງານປະສານເຫຼົ່າຫຼວງພະບາງ ແລະ ບັນດາໜ່ວຍພັກທີ່ຂຶ້ນກັບຄະນະພັກຮາກຖານ ໃນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ບົນພື້ນຖານຖືເອົາການດໍາເນີນຊີວິດການເມືອງພາຍໃນພັກຕິດພັນກັບການເຮັດວຽກງານສຶກສາອົບຮົມການເມືອງ-ນໍາພາແນວຄິດ, ແນໃສ່ເຮັດໃຫ້ພະນັກງານ, ສະມາຊິກພັກ ແລະ ນັກຮົບໃນກົມກອງມີແນວຄິດອຸ່ນອຽນທຸ່ນທ່ຽງ, ເຊື່ອມຊຶມກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ, ມີຄວາມເຂົ້າໃຈຕໍ່ອຸດົມການຂອງພັກ, ພາຍໃນພັກມີຄວາມສະຫງົບ. ຜ່ານການຈັດຕັ້ງປະຕິບັດໃນບັ້ນດໍາເນີນຊີວິດການເມືອງສໍາຫຼວດກວດກາການຄັດເລືອກຕີລາຄາແບ່ງປະເພດຄຸນນະພາບຂອງສະມາຊິກພັກ, ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025, ໂຮງງານປະສານເຫຼົ່າຫຼວງພະບາງມີ 1 ຄະນະພັກຮາກຖານ, ມີ 6 ໜ່ວຍພັກຂຶ້ນກັບ, ມີສະມາຊິກພັກທັງໝົດ 130 ສະຫາຍ, 40 ສະຫາຍ. ມີສະມາຊິກພັກ ປະເພດແຂງ ມີທັງໝົດ 125 ສະຫາຍ, ຍິງ 38 ສະຫາຍ, ປະເພດກາງ 3 ສະຫາຍ, ຍິງ 2 ສະຫາຍ, ສະເລ່ຍສະມາຊິກພັກປະເພດແຂງກວມເອົາ 96,15%. ນໍາສະເໜີຄະນະພັກຂັ້ນເທິງຄົ້ນຄ້ວາຮັບຮອງ ແລະ ຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 7 ມີ 2 ໜ່ວຍພັກ, ນໍາສະເໜີຄະນະພັກຂັ້ນເທິງຄົ້ນຄ້ວາຮັບຮອງ ແລະ ຢັ້ງຢືນເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ຄັ້ງທີ 5 ມີ 1 ໜ່ວຍພັກ, ຄົ້ນຄ້ວາຮັບຮອງ ແລະ ຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 3 ມີ 3 ໜ່ວຍພັກ. ສະຫາຍ ພັນໂທ ຈັນທະວີ ພົງສຸທິ ຫົວໜ້າພະແນກຈັດຕັ້ງພັກ ຫ້ອງການເມືອງກົມໃຫຍ່ເຕັກນິກກອງທັບ ໄດ້ຜ່ານມະຕິຕົກລົງ ຂອງຄະນະພັກກະຊວງປ້ອງກັນປະເທດ ວ່າດ້ວຍການຮັບຮອງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ບັນດາກອງທີ່ຂຶ້ນກັບກົມໃຫຍ່ເຕັກນິກກອງທັບ ປະຈໍາປີ 2024, ໃນນັ້ນ, ຄະນະພັກຮາກຖານໂຮງງານປະສານເຫຼົ່າຫຼວງພະບາງ ມີ ຈໍານວນ 6 ໜ່ວຍພັກ ທີ່ໄດ້ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2024. ໃຫ້ກຽດຂຶ້ນມອບ ໃບຢັ້ງຢືນໃຫ້ກັບບັນດາໜ່ວຍພັກໂດຍ ສະຫາຍ ພົນຈັດຕະວາ ສາຍສະໝອນ ໄຊພູບານ. ສະຫາຍ ພົນຈັດຕະວາ ສາຍສະໝອນ ໄຊພູບານ ໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນສໍາເລັດທີ່ບັນດາສະຫາຍສາມາດຍາດມາໄດ້ໃນໄລຍະຜ່ານມາ ພ້ອມທັງ ເນັ້ນໜັກ ໃຫ້ບັນດາສະຫາຍໃນຄະນະພັກຮາກຖານ, ຄະນະໜ່ວຍພັກ, ສະມາຊິກພັກແຕ່ລະຂັ້ນ ຕ້ອງເຂົ້າໃຈເຖິງຄວາມໝາຍ, ຄວາມສຳຄັນ, ເນື້ອໃນ, ຈິດໃຈ ຂອງການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ, ກຳແໜ້ນບັນດາມາດຖານເງື່ອນໄຂໃນການກໍ່ສ້າງໜ່ວຍພັກຖືເອົາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ເພື່ອສະຫຼຸບການກວດກາຄຸນທາດການເມືອງຂອງສະມາຊິກພັກ, ຖືສໍາຄັນການສຶກສາອົບຮົມການເມືອງ-ແນວຄິດ ເພື່ອສ້າງໃຫ້ໄດ້ພະນັກງານ ມີຄຸນທາດການເມືອງ, ຄຸນສົມບັດສິນທໍາປິຕິວັດ, ຍົກສູງຄວາມຮັບຜິດຊອບໜ້າທີ່ການເມືອງ, ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ແບ່ງຄວາມຮັບຜິດຊອບໃຫ້ລະອຽດ, ມີການລົງຕິດຕາມກວດກາ, ຊຸກຍູ້ຢ່າງໃກ້ສິດຕິດແທດ, ມີການເກັບກໍາສ່ອງແສງລາຍງານໃຫ້ເປັນປົກກະຕິ, ຖືເອົາການດໍາເນິນຊີວິດການເມືອງພາຍໃນໜ່ວຍພັກ, ຈຸພັກ ເພື່ອຕໍານິສົ່ງຂ່າວຊຸກຍູ້ສົ່ງເສີມຊ່ວຍເຫຼືອເຊີ່ງກັນ ແລະ ກັນ ພ້ອມກັນເຮັດສໍາເລັດໜ້າທີ່ການເມືອງຂອງຕົນທີ່ການຈັດຕັ້ງຂັ້ນເທິງມອບໝາຍໃຫ້ໄດ້ຕາມຄາດໝາຍທີ່ວາງໄວ້. ໂດຍ: ອຸ່ນຄໍາ ດວງປະເສີດ

news to day and hot news