ວັນອັງຄານ, ວັນທີ 08 ກໍລະກົດ 2025
ອິນເດຍ ເຕືອນໄພຄື້ນຄວາມຮ້ອນລະດັບສີແດງ
ເວລາອອກຂ່າວ: 2025-06-13 09:19:25 | ຜູ້ຂຽນ : admin3 | ຈຳນວນຄົນເຂົ້າຊົມ: 170 | ຄວາມນິຍົມ: 
ສຳນັກຂ່າວຫວຽດນາມລາຍງາຍວັນທີ 11 ມິຖຸນາວ່າ: ອິນເດຍ ປະກາດເຕືອນໄພລະດັບ “ສີແດງ” ເພື່ອຮັບມືກັບຄື້ນ ຄວາມຮ້ອນຮຸ່ນແຮງ ແລະ ດັດ ສະນີຄວາມຮ້ອນສູງ, ເຊິ່ງນະຄອນຫຼວງນິວເດລີ ກຳລັງປະເຊີນກັບຄື້ນຄວາມຮ້ອນຮຸ່ນແຮງ, ໂດຍອຸນຫະພູມວັດແທກໄດ້ລະ ຫວ່າງ 40-45 ອົງສາ ໃນຫຼາຍຂົງເຂດ. ໂດຍສະຖານີວັດແທກອຸນຫະພູມທີ່ຮ້ອນທີ່ສຸດໃນໄລຍະຕອນບ່າຍຄື: ເຂດອາຍານາການ ວັດແທກໄດ້ 45 ອົງສາ ຂະນະທີ່ດັດສະນີຄວາມຮ້ອນສູງເຖິງ 51 ອົງສາ ໂດຍປະສົມປະສານຄວາມຮ້ອນ ແລະ ຄວາມຊຸ່ມ.
ກົມອຸຕຸນິຍົມວິທະຍາອິນເດຍ ປະກາດເຕືອນໄພລະດັບ “ສີແດງ” ເຊິ່ງເປັນລະດັບສູງສຸດ ແລະ ແນະນຳໃຫ້ປະຊາຊົນຫຼີກລ່ຽງກິດຈະກຳກາງແຈ້ງ, ດື່ມນ້ຳຫຼາຍໆ ແລະ ລະວັງສຸຂະພາບ ໃນໄລຍະຕອນບ່າຍອາກາດຮ້ອນອົບເອົ້າ. ໂດຍຄາດວ່າສະພາບອາກາດຮ້ອນແຮງນີ້ຈະແກ່ຍາວເຖິງວັນທີ 12 ມິຖຸນາ ແລະ ຈະເລີ່ມຜ່ອນຄາຍລົງຫຼັງຈາກວັນທີ 13 ມິຖຸນາ ເມື່ອຝົນຕົກ ແລະ ລົມພາຍຸເຂົ້າມາ ແລະ ຈາກນັ້ນ, ໃນວັນທີ 14-17 ມິຖຸນາ ອຸນຫະພູມຈະຫຼຸດລົງເຫຼືອປະມານ 37-42 ອົງສາ ພ້ອມມີີຝົນຕົກເລັກໜ້ອຍ ແລະ ລົມພັດແຮງ ຊ່ວຍຫຼຸດຜ່ອນຄວາມຮ້ອນ.
ໃນຂະນະດຽວກັນ, ຄຸນນະພາບອາກາດໃນນະຄອນຫຼວງນິວເດລີ ຢູ່ໃນລະດັບ “ບໍ່ດີ” ໂດຍມີຄ່າດັດສະນີຄຸນນະພາບອາກາດ ຢູ່ທີ່ 245 ເຊິ່ງສູງເກີນມາດຕະຖານ ແລະ ສົ່ງຜົນກະທົບຕໍ່ສຸຂະພາບຂອງປະຊາຊົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
