POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ກອງທັບລາວ-ຈີນ ເຝິກຊ້ອມກູ້ໄພພິບັດດ້ານການແພດຊ່ວຍເຫຼືອມະນຸດສະທຳ
ເວລາອອກຂ່າວ: 2019-08-16 08:48:51 | ຜູ້ຂຽນ : admin3 | ຈຳນວນຄົນເຂົ້າຊົມ: 325 | ຄວາມນິຍົມ:

ວັນທີ 15 ສິງຫາ 2019 ຢູ່ທີ່ ກອງຮ້ອຍກວດກູ້ລະເບີດເພື່ອ ມະນຸດສະທໍາ 58 ກົມຊ່າງແສງ ກົມໃຫຍ່ເສນາທິການກອງທັບປະ ຊາຊົນລາວ, ຄະນະແພດກອງ ທັບປະຊາຊົນລາວ ແລະ ກອງ ທັບປົດປ່ອຍປະຊາຊົນຈີນ ໄດ້ເປີດ ການຫັດແອບຮ່ວມໃນການກອບ ກູ້ໄພພິບັດຊ່ວຍເຫລືອມະນຸດສະ ທຳດ້ານການແພດ ແລະ ກິດຈະກຳ ບໍລິການດ້ານການແພດ “ຂະ ບວນລົດໄຟສັນຕິພາບ 2019” ໃນລະຫວ່າງວັນທີ 15-26 ສິງ ຫາ 2019 ໂດຍການເປັນປະ ທານຮ່ວມຂອງ ສະຫາຍ ພົນຈັດຕະວາ ບົວສິງ ອິນທະວົງ ຫົວ ໜ້າກົມເສນາຮັກ ກົມໃຫຍ່ພະລາ ທິການກອງທັບປະຊາຊົນລາວ ແລະ ປະທານຮ່ວມຝ່າຍຈີນສະ ຫາຍ ພັນເອກພິເສດ ຊົງຢູຍ ຮອງ ກົມປະຕິບັດກົດໝາຍກົມໃຫຍ່ ພະລາທິການ, ຄະນະກຳມະ ການທະຫານສູນກາງກອງທັບ ປົດປ່ອຍປະຊາຊົນຈີນ, ເຂົ້າຮ່ວມ ພິທີ ມີ ສະຫາຍ ພົນຕີ ພູວົງ ວົງ ພົມ ຄະນະປະຈຳພັກກະຊວງ,ຮອງລັດຖະມົນຕີກະຊວງປ້ອງ ກັນປະເທດ ແຫ່ງ ສປປ ລາວ, ສະ ຫາຍ ພັນເອກພິເສດ ເສິນ ຍົ່ງ ຈິງ ທີ່ປຶກສາທູດປ້ອງກັນຊາດ ສປ ຈີນ ປະຈຳ ສປປ ລາວ, ສະຫາຍ ພົນຕີ ວົງຄຳ ພົມມະກອນ ຄະນະ ປະຈຳພັກກະຊວງປ້ອງກັນປະ ເທດ, ຫົວໜ້າກົມໃຫຍ່ພະລາ ທິການກອງທັບປະຊາຊົນລາວ, ບັນດາຮອງລັດຖະມົນຕີ ກະຊວງ ສາທາລະນະສຸກ, ກະຊວງແຮງ ງານສະຫວັດດີການສັງຄົມ, ກອງ ເລຂາຄະນະກຳມະການຄວບຄຸມ ໄພພິບັດແຫ່ງ ສປປ ລາວ, ຄະ ນະພັກ-ຄະນະບັນຊາກົມກອງອ້າງຂ້າງນະຄອນຫລວງວຽງ ຈັນ, ພ້ອມດ້ວຍຄະນະທີມແພດ ສອງກອງທັບ ລາວ-ຈີນ ເຂົ້າ ຮ່ວມ. ສະຫາຍ ພົນຈັດຕະວາ ບົວ ສິງ ອິນທະວົງ ຂຶ້ນກ່າວລາຍ ງານການຈັດຕັ້ງປະຕິບັດການຫັດ ແອບຮ່ວມກອບກູ້ໄພພິບັດຊ່ວຍ ເຫຼືອມະນຸດສະທໍາດ້ານການແພດ ແລະ ກິດຈະກໍາບໍລິການດ້ານການ ແພດຂະບວນລົດໄຟ ສັນຕິພາບ ປີ 2019 ລະຫວ່າງ ແພດກອງທັບ ໂດຍການຮ່ວມຫັດແອບການ ເຝິກຊ້ອມກູ້ໄພພິບັດທໍາມະຊາດ ເພື່ອມະນຸດສະທໍາດ້ານການແພດ ໃນຄັ້ງນີ້ເປັນຄັ້ງທີສອງ ເພື່ອເປັນ ການສືບຕໍ່ເສີມຂະຫຍາຍການພົວພັນຮ່ວມມືອັນເປັນມູນເຊື້ອ ລະຫວ່າງສອງຊາດ, ສອງກອງ ທັບ ແລະ ປະຊາຊົນລາວ-ຈີນ ເວົ້າລວມ, ເວົ້າສະເພາະ ເປັນ ການຍົກລະດັບຂີດຄວາມສາ ມາດໃນການແກ້ໄຂເຫດການໄພ ພິບັດທໍາມະຊາດຮ່ວມກັນລະ ຫວ່າງສອງເຫລົ່າຮົບເສນາຮັກ ກອງທັບລາວ-ຈີນ ໂດຍສະເພາະ ວຽກງານການອົບ- ຮົມຫັດແອບ ຮ່ວມໃນການຊ່ວຍເຫຼືອຜູ້ຖືກຜົນກະທົບໄພພິບັດທາງທຳມະຊາດ, ເປັນການຍົກລະດັບໃນການກູ້ໄພ, ການແກ້ໄຂສຸກເສີນ ໃນເຫດການ ໄພພິບັດທາງທຳມະຊາດຂອງພະ ນັກງານແພດໝໍ ໃຫ້ສູງຂຶ້ນສາ ມາດຕອບສະໜອງ ໄດ້ຕາມ ຄວາມຮຽກຮ້ອງຕ້ອງການໃນສະ ພາບສຸກເສີນ ແລະ ຕໍ່ກັບໄພພິບັດຕ່າງໆທີ່ນັບມື້ເກີດຂຶ້ນຫຼາຍ ພ້ອມທັງມີແນວໂນ້ມຮຸນແຮງຂຶ້ນ, ທັງເປັນການທົດສອບຄວາມສາ ມາດໃນການນຳໃຊ້ພາຫະນະເຕັກ ນິກທາງການແພດຊະນິດຕ່າງໆ ເຂົ້າໃນພາລະກິດກອບກູ້ຊີວິດ ຂອງຜູ້ບາດເຈັບ ໃນເຫດການໄພ ພິບັດ ແລະ ສຸກເສີນຕ່າງໆ ໃຫ້ ທັນການ ເພື່ອກຳແໜ້ນການຈັດ ຕັ້ງຊີ້ນຳ-ນຳພາ ການວາງແຜນ ນຳໃຊ້ກຳລັງຕົວຈິງຂອງການກອບກູ້ຜູ້ບາດເຈັບ ໃນເຫດການ ສຸກເສີນ ແລະ ໄພພິບັດຕ່າງໆ, ຈັດ ຕັ້ງກະກຽມລົງເກັບກໍາຂໍ້ມູນຢູ່ພື້ນທີ່ຈະຫັດແອບເຝິກຊ້ອມຕົວຈິງ, ກະກຽມສະຖານທີ່,ວັດຖຸອຸປະ ກອນຮັບໃຊ້ໃຫ້ແກ່ການການຫັດ ແອບເຝິກຊ້ອມ, ຫັດແອບການ ຮຽນຮູ້ກັບອຸປະກອນການແພດ ທີ່ນໍາໃຊ້ໃນການຫັດແອບຊ່ວຍ ເຫຼືອຜູ້ຖືກຜົນກະທົບໄພພິບັດທໍາ ມະຊາດແລະຫັດແອບເປັນທີມ ຍ່ອຍ, ລາຍງານວຽກຕົວຈິງ, ວິທີແກ້ໄຂຄົນເຈັບ ແລະ ຊ່ວຍ ເຫຼືອຜູ້ບາດເຈັບ ໃນພາກສະໜາມ ແລະ ການເຄື່ອນຍ້າຍຜູ້ບາດເຈັບ, ແບ່ງປະເພດຜູ້ບາດເຈັບ ແລະ ນໍາ ສົ່ງ, ການກໍາຈັດຕໍ່ສານເຄມີຮົ່ວໄຫຼອອກຈາກໂຮງງານ, ປ້ອງ ກັນ ແລະ ຄວບຄຸມພະຍາດອະ ຫິວາ ແລະ ພະຍາດອື່ນໆ, ການ ເຄື່ອນຍ້າຍຜູ້ບາດເຈັບທາງອາ ກາດ, ການປ້ອງກັນພະຍາດ ການຈັດການຕໍ່ຊາກສົບຂອງຄົນ ແລະ ສັດ, ການເກັບຕົວຢ່າງ ແລະ ວິໄຈໃນພາກສະໜາມ,ການຕິດ ຕາມກວດກາແຫຼ່ງນໍ້າ ແລະ ຄຸນ ນະພາບຂອງນໍ້າ, ການກໍາຈັດສະ ພາບແວດລ້ອມທີ່ປົນເປື້ອນເຊື້ອ ໂລກຕ່າງໆໃຫ້ໄດ້ຮັບໜາກຜົນ ເປັນຢ່າງດີ. ພາຍຫຼັງການຮ່ວມ ຫັດແອບເຝິກຊ້ອມສໍາເລັດແລ້ວ ແມ່ນຈະໄດ້ສົ່ງທີມແພດກອງທັບ ລາວ-ຈີນດໍາເນີນການບໍລິການ ດ້ານການແພດຢູ່ແຂວງຊຽງ ຂວາງ (ໂຮງໝໍ 101), ແຂວງ ຈຳປາສັກ (ກອງພົນທີ 5), ແຂວງອັດຕະປື ( ເມືອງສະໜາມ ໄຊ)ແລະ ນະຄອນຫຼວງວຽງ ຈັນ (ໂຮງໜໍ 103) ຈາກນັ້ນ, ຄະ ນະແພດກອງທັບ ລາວ-ຈີນກໍໄດ້ ພ້ອມກັນລົງກວດກາສະຖານທີ່ ແລະ ວັດຖຸອຸປະກອນກການແພດ ໃນການຕິດຕັ້ງ ເພື່ອຮັບປະກັນ ການຫັດແອບຮ່ວມໃນການຊ່ວຍ ເຫຼືອມະນຸດສະທໍາດ້ານການ ແພດ ແລະ ກິດຈະກໍາບໍລິການ ດ້ານການແພດ “ຂະບວນລົດໄຟ ສັນຕິພາບ ປີ 2019” ກອງທັບ ລາວ-ຈີນ ຄັ້ງນີ້ໄດ້ຮັບຫມາກ ຜົນສູງ.

news to day and hot news