ວັນເສົາ, ວັນທີ 07 ທັນວາ 2024
ທ່ານນາຍົກລັດຖະມົນຕີ ເຄື່ອນໄຫວຊຸກຍູ້ການພັດທະນາເສດຖະກິດ-ສັງຄົມ ຢູ່ແຂວງຄຳມ່ວນ
ເວລາອອກຂ່າວ: 2019-08-20 08:03:31 | ຜູ້ຂຽນ : admin3 | ຈຳນວນຄົນເຂົ້າຊົມ: 298 | ຄວາມນິຍົມ: 
ໃນວັນທີ 15 ສິງຫາ 2019
ນີ້, ທ່ານ ທອງລຸນ ສີສຸລິດ ນາ
ຍົກລັດຖະມົນຕີ, ພ້ອມດ້ວຍລັດ
ຖະມົນຕີ ແລະ ຮອງລັດຖະມົນ
ຕີກະຊວງກ່ຽວຂ້ອງໄດ້ລົງເຄື່ອນ
ໄຫວຊຸກຍູ້ວຽກງານດ້ານການ
ພັດທະນາເສດຖະກິດ-ສັງຄົມຢູ່
ແຂວງຄຳມ່ວນ ໂດຍມີ ທ່ານ ໂອໄດ
ສຸດາພອນ ເຈົ້າແຂວງໆຄຳມ່ວນ
ພ້ອມດ້ວຍຄະນະ ແລະ ພາກສ່ວນ
ທີ່ກ່ຽວຂ້ອງໃຫ້ການຕ້ອນຮັບ.
ໃນໂອກາດນີ້, ທ່ານນາຍົກ ລັດຖະມົນຕີໄດ້ເດີນທາງໄປຢ້ຽມ ຢາມທ່າຂົນສົ່ງທາງບົກ (ICD)
ໂດຍໄດ້ຊີ້ນຳຄະນະຮັບຜິດຊອບ
ຮີບຮ້ອນຮ່າງລະບຽບການໃນ ການຄຸ້ມຄອງ ແລະ ສືບຕໍ່ດຶງ ດູດການລົງທຶນເຂົ້າໃນເຂດໃຫ້
ຫຼາຍຂຶ້ນ, ພາກລັດ ແລະ ພາກ ເອກະຊົນກໍຕ້ອງປຶກສາຫາລືຮ່ວມ
ມືເຊິ່ງກັນ ແລະ ກັນ ໂດຍພາກ ລັດໃຫ້ຄວາມຊ່ວຍເຫຼືອ ແລະ ອຳນວຍຄວາມສະດວກຕາມລະ ບຽບກົດໝາຍ ແລະ ພາກເອກະ ຊົນໃຫ້ຄວາມຮ່ວມມື ແລະ ດຳ ເນີນທຸລະກິດສອດຄ່ອງຕາມລະ ບຽບກົດໝາຍ, ພ້ອມກັນນີ້ທ້ອງ ຖິ່ນກໍຕ້ອງໃຫ້ການສະໜັບສະໜູນ ຫຼັງຈາກນັ້ນ, ທ່ານນາຍົກລັດຖະ ມົນຕີໄດ້ຮັບຟັງລາຍງານຫຍໍ້ ກ່ຽວກັບສະພາບການຈັດຕັ້ງປະ ຕິບັດແຜນພັດທະນາເສດຖະກິດ- ສັງຄົມຂອງແຂວງຄຳມ່ວນໄລ ຍະ 6 ເດືອນຕົ້ນປີ 2019 ຈາກ ທ່ານ ໂອໄດ ສຸດາພອນ ເຈົ້າ ແຂວງໆຄຳມ່ວນ ແລະ ໄດ້ໃຫ້ທິດ ຊີ້ນຳ ໂດຍເນັ້ນໜັກໃຫ້ຄະນະນຳ ທຸກຂັ້ນພາຍໃນແຂວງສູ້ຊົນ ເກັບລາຍຮັບໃຫ້ໄດ້ຕາມແຜນ, ເອົາໃຈໃສ່ດຶງດູດການລົງທຶນ ຈາກພາຍໃນ ແລະ ຕ່າງປະເທດ ເຂົ້າມາໃນແຂວງໂດຍປະຕິບັດ ນະໂນບາຍ 3 ເປີດ, ເອົາໃຈໃສ່ ແກ້ໄຂຂັ້ນຂອດທີ່ເປັນອຸປະສັກ ເພື່ອອຳນວຍຄວາມສະດວກໃຫ້ ແກ່ຜູ້ລົງທຶນ. ພ້ອມນີ້, ໄດ້ຊີ້ນຳ ໃຫ້ແຂວງເອົາໃຈໃສ່ການສ້າງ ຂະບວນການຕິດພັນກັບການກະ ກຽມຮອບດ້ານໃຫ້ແກ່ການດຳ ເນີນກອງປະຊຸມໃຫຍ່ 3 ຂັ້ນຂອງ ແຂວງ ເປັນຕົ້ນດ້ານເນື້ອໃນ, ບຸກ ຄະລາກອນ, ສິ່ງສຳຄັນແມ່ນການ ສ້າງຄວາມເປັນເອກະພາບພາຍ ໃນ, ຍົກສູງຄວາມຮັບຜິດຊອບ ຄວາມເປັນເຈົ້າການຂອງການ ນຳແຕ່ລະຂັ້ນໃຫ້ສູງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
