ວັນພຸດ, ວັນທີ 19 ພະຈິກ 2025
ຫົວໜ້າກົມນະໂຍບາຍ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສູນເສຍອົງຄະ 194
ເວລາອອກຂ່າວ: 2025-10-10 13:51:27 | ຜູ້ຂຽນ : admin2 | ຈຳນວນຄົນເຂົ້າຊົມ: 1606 | ຄວາມນິຍົມ: 
ໃນວັນທີ 7 ຕຸລາ 2025 ນີ້, ສະຫາຍ ພັນເອກ ພອນມີໄຊ ສີວົງຊຳ ຫົວໜ້າກົມນະໂຍບາຍ ກົມໃຫຍ່ການເມືອງກອງທັບ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສູນເສຍອົງຄະ 194 ຄັງໄຂ ແຂວງຊຽງຂວາງ ໂດຍມີສະຫາຍ ພັນໂທ ສົມພັນ ສີບຸນຕາ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຊຽງຂວາງ ພ້ອມດ້ວຍຕາງໜ້າພະແນກການກ່ຽວຂ້ອງ, ມີຄະນະພັກ-ຄະນະບັນຊາ ແລະ ພະນັກງານ-ນັກຮົບ ທົ່ວສູນເສຍອົງຄະ 194 ເຂົ້າຮ່ວມ.
ສະຫາຍ ຮ້ອຍເອກ ນາງ ຄຳສີ ສີວັນເຮືອງ ຫົວໜ້າການເມືອງ ສູນເສຍອົງຄະ 194 ໄດ້ລາຍງານສະພາບທີ່ຕັ້ງ ແລະ ການເຄື່ອນໄຫວວຽກງານຫຍໍ້ໃນໄລຍະຜ່ານມາ. ຈາກນັ້ນ, ຕາງໜ້າພະແນກການກ່ຽວຂ້ອງ ໄດ້ຜັດປ່ຽນກັນອະທິບາຍຊີ້ແຈງແຕ່ລະໜ້າວຽກຕົວຈິງ ເປັນຕົ້ນ ວຽກງານປະກັນສັງຄົມ, ເງິນອຸດໜູນເສຍອົງຄະ ຢ່າງກົງໄປກົງມາ ໃຫ້ພະນັກງານ-ນັກຮົບ ພາຍໃນສູນເສຍອົງຄະ 194 ໄດ້ຮັບຮູ້ ແລະ ເຂົ້າໃຈແຈ້ງ.
ໃນໂອກາດນີ້, ສະຫາຍ ພັນເອກ ພອນມີໄຊ ສີວົງຊຳ ໄດ້ສະແດງຄວາມຢື້ຢາມຖາມຂ່າວ, ຄວາມສາມັກຄີຮັກແພງ ແລະ ຄວາມເປັນຫ່ວງເປັນໃຍ ມາຍັງບັນດາພະນັກງານປະຕິວັດອາວຸໂສ ກໍຄືພະນັກງານ-ນັກຮົບ ສູນເສຍອົງຄະ 194 ຕະຫຼອດຮອດຄອບຄົວຂອງເຂົາເຈົ້າ ພ້ອມທັງ, ອວຍພອນໄຊອັນປະເສີດ ຈົ່ງມີສຸຂະພາບແຂງແຮງ, ມີຄວາມສຸກກາຍສະບາຍໃຈ ພ້ອມກັນສືບຕໍ່ຮັກສາມູນເຊື້ອຄວາມສາມັກຄີພາຍໃນ ພົວພັນຊ່ວຍເຫຼືອເຊິ່ງກັນ ແລະ ກັນ, ພ້ອມກັນສ້າງສາພັດທະນາສູນເສຍອົງຄະ ໃຫ້ຈະເລີນກ້າວໜ້າຍິ່ງໆ ຂຶ້ນ. ພ້ອມນັ້ນ, ຫົວໜ້າກົມນະໂຍບາຍ ກົມໃຫຍ່ການເມືອງກອງທັບ ພ້ອມດ້ວຍຄະນະ ຍັງໄດ້ມອບຂອງຂວັນຈຳນວນໜຶ່ງ ໃຫ້ສູນເສຍອົງຄະ 194 ຕື່ມອີກ.
ພາບ-ຂ່າວ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
