ວັນອັງຄານ, ວັນທີ 18 ພະຈິກ 2025
ກອງພັນໃຫຍ່ 644 ເປີດຂະບວນການ ແຂ່ງຂັນກິລາມວນຊົນ ປະຈຳປີ 2025
ເວລາອອກຂ່າວ: 2025-10-16 09:15:29 | ຜູ້ຂຽນ : admin1 | ຈຳນວນຄົນເຂົ້າຊົມ: 434 | ຄວາມນິຍົມ: 
ພິທີເປີດຂະບວນການແຂ່ງຂັນກິລາມວນຊົນ, ກິລາການທະຫານ ປະຈຳປີ 2025 ຢູ່ກອງພັນໃຫຍ່ 644 ໄດ້ຈັດຂື້ນ ວັນທີ 10 ຕຸລາ 2025 ນີ້, ເພື່ອຂໍ່ານັບຮັບຕ້ອນວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ເວົ້າລວມ
ເວົ້າສະເພາະ ວັນຊາດທີ 2 ທັນວາ ຄົບຮອບ 50 ປີ, ວັນຄ້າຍວັນເກີດ
ປະທານ ໄກສອນ ພົມວິຫານຄົບຮອບ 105 ປີ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ທີ່ຈະມາເຖິິງນີ້ ໂດຍການເປັນປະທານຂອງ ສະຫາຍ ພັນເອກ ຄຳຕັ້ງ ມຸກສະຫວັນ ຮອງເລຂາຄະນະພັກ, ຫົວໜ້າການທະຫານ ກອງພັນໃຫຍ່ 644 ພ້ອມຄະນະ, ມີບັນດາ ສະຫາຍ ຄະນະພັ- ຄະນະບັນຊາ ພະແນກການ, ກອງພັນ, ກອງຮ້ອຍ , ຄະນະຮັບຜິດຊອບ, ອານຸກຳມະການ ຕະຫຼອດຮອດພະນັກງານ-ນັກຮົບ ແລະ ນັກກິລາທົ່ວກອງພັນໃຫຍ່ 644 ເຂົ້າຮ່ວມ.
ສະຫາຍ ພັນໂທ ຄຳໃສ ແກ້ວວິໄລ ຄະນະພັກ ກອງພັນໃຫຍ່ 644, ຫົວໜ້າພະແນກເສນາທິການ ໄດ້ຂຶ້ນຜ່ານຂໍ້ຕົກລົງ-ແຜນການຈັດຕັ້ງ ແຂ່ງຂັນກິລາມວນຊົນ, ກິລາການທະຫານ ປະຈຳປີ 2025 ເພື່ອຂ່ຳນັບຮັບຕ້ອນ ວັນປະຫວັດສາດ ສຳຄັນຕາ່ງໆ ຂອງຊາດ, ຂອງພັກ, ຂອງກອງທັບ ເຊິ່ງປະກອບມີ: ກິລາບານເຕະ, ກິລາບານສົ່ງ, ກິລາກະຕໍ້ຫວາຍ, ກິລາເປຕັງ ແລະ ກິລາການທະຫານ, ສ່ວນເວລາການແຂ່ງຂັນ ແມ່ນເລີ່ມຕົ້ນແຕ່ວັນທີ 10 ຕຸລາ 2025 ຈົນກວ່າຈະສຳເລັດຕາມແຜນການ, ທັງນີ້ກໍເພື່ອສ້າງໃຫ້ກົມກອງມີບັນຍາ
ກາດເບີກບານມ່ວນຊື່ນ, ທັງເປັນການຮັດແໜ້ນຄວາມສາມັກຄີລະຫວ່າງ ຄະນະພັກ-ຄະນະບັນຊາພະນັກ ງານ-ນັກຮົບ ໃນກົມກອງໃຫ້ມີຄວາມສາມັກຄີຢ່າງແໜ້ນແຟ້ນ, ມີສຸຂະພາບຮ່າງກາຍທີ່ສົມບູນແຂງແຮງ ກຽມພ້ອມເຮັດສຳເລັດໜ້າທີ່ການເມືອງຂອງຕົນທີ່ໄດ້ຮັບມອບໝາຍ.
ໂດຍ: ບຸນຫຼາຍ ໄຊປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
