ວັນເສົາ, ວັນທີ 07 ທັນວາ 2024
ການພັດທະນາເຂດເສດຖະກິດພິເສດ ແລະ ເຂດເສດຖະກິດສະເພາະໃນ ສປປ ລາວ
ເວລາອອກຂ່າວ: 2019-12-20 10:18:21 | ຜູ້ຂຽນ : admin3 | ຈຳນວນຄົນເຂົ້າຊົມ: 159 | ຄວາມນິຍົມ: 
ລັດຖະບານ ແຫ່ງ ສປປ ລາວ ໄດ້ສ້າງ ແລະ ພັດທະນາບັນດາ ເຂດເສດຖະກິດພິເສດ ແລະ ເຂດ ເສດຖະກິດສະເພາະ ເພື່ອສ້າງສະ ພາບແວດລ້ອມທີ່ເອື້ອອໍານວຍ ໃນການດຶງດູດນັກລົງທຶນຕ່າງປະ ເທດເຂົ້າມາລົງທຶນໃນ ສປປ ລາວ. ຜ່ານການຈັດຕັ້ງປະຕິບັດ ຕົວຈິງໃນໄລຍະຜ່ານມາ ໂດຍ ລວມແລ້ວເຫັນວ່າ ສະພາບການ ພັດທະນາມີທ່າອ່ຽງດີຂຶ້ນເລື້ອຍໆ ເຊິ່ງມີນັກລົງທຶນຈາກຕ່າງປະ ເທດສົນໃຈລົງທຶນເປັນຈໍານວນ ຫຼາຍສົມຄວນ, ບັນດາບໍລິສັດທີ່ ລົງທຶນໃນເຂດເສດຖະກິດໄດ້ເພີ່ມ ຂຶ້ນຄຽງຄູ່ກັບການສ້າງວຽກເຮັດ ງານທໍາໃຫ້ແກ່ປະຊາຊົນໄດ້ມີທ່າ ຂະຫຍາຍຕົວດີຂຶ້ນກວ່າຊຸມປີ ຜ່ານມາ.
ມາຮອດປັດຈຸບັນ, ສປປ ລາວ ມີເຂດເສດຖະກິດທັງໝົດ 13 ແຫ່ງ, ໃນນັ້ນ ເຂດເສດຖະກິດ ພິເສດ 5 ແຫ່ງ ແລະ ເຂດເສດຖະ ກິດສະເພາະ 8 ແຫ່ງ ຄື:
1. ເຂດເສດຖະກິດພິເສດ ສະ ຫວັນ-ເຊໂນ: ຕັ້ງຢູ່ແຂວງສະ ຫວັນນະເຂດ; ສ້າງປີ 2003; ເນື້ອທີ່ໂຄງການ 954 ເຮັກຕາ, ມູນຄ່າການລົງທຶນທັງໝົດ 74 ລ້ານໂດລາສະຫະລັດ; ລັດຖະ ບານແຫ່ງ ສປປ ລາວ ເປັນຜູ້ພັດ ທະນາ 100%; ກິດຈະການການ ລົງທຶນ: 1) ການບໍລິການ: ທະ ນາຄານ, ສະຖາບັນການເງິນ ແລະ ປະກັນໄພ, ການທ່ອງທ່ຽວ, ໂຮງແຮມ, ຣີສອດ, ຮ້ານອາຫານ, ສວນສະໜຸກ, ສູນບັນເທີງ, ສູນ ກີລາ,ໂຮງຮຽນ, ໂຮງໝໍ, ຂົນ ສົ່ງໂດຍສານ ແລະ ສິນຄ້າ. 2). ການຄ້າ: ຮ້ານຄ້າປອດພາສີ,ການຄ້າຜ່ານແດນປອດພາສີ, ການນໍາເຂົ້າສິນຄ້າເພື່ອສົ່ງອອກ, ຮ້ານສັບພະສິນຄ້າຂາຍຍົກ-ຂາຍຍ່ອຍ. 3) ອຸດສາຫະກໍາ: ໂຮງງານສາຍໄຟຟ້າ; ແປຮູບສະ ບຽງອາຫານ; ຜະລິດຕະພັນ ກ່ຽວກັບໄມ້; ຕໍ່າແຜ່ນ, ຕັດຫຍິບ, ເກີບ, ກະເປົາ ແລະ ປະກອບພາ ຫະນະ, ຊິ້ນສ່ວນເອເລັກໂຕຼນິກ.
2. ເຂດເສດຖະກິດສະເພາະ ບໍ່ເຕ່ນແດນງາມ: ຕັ້ງຢູ່ແຂວງ ຫຼວງນໍ້າທາ; ສ້າງປີ 2003; ເນື້ອທີ່ໂຄງການ 1.640 ເຮັກຕາ, ມູນຄ່າການລົງທຶນ 500 ລ້ານ ໂດລາສະຫະລັດ; ເອກະຊົນ ສປ ຈີນ ເປັນຜູ້ພັດທະນາ; ກິດຈະການ ການລົງທຶນ:1) ກະສິກໍາ, ລ້ຽງ ສັດ, ອຸດສາຫະກໍາປຸງແຕ່ງ. 2) ສູນວັດທະນະທໍາ, ສະຖານທີ່ທ່ອງ ທ່ຽວ, ໂຮງແຮມ, ຣີສອດ. 3) ສະ ໜາມກ໊ອຟ. 4) ສູນການສຶກສາ, ວັດທະນະທໍາ ແລະ ສຸຂະພິບານ. 5) ສູນກາງທຸລະກິດການຄ້າ, ການເງິນ, ທະນາຄານຕະຫຼາດ ຫຼັກຊັບ ແລະ ປະກັນໄພ. 6) ການ ພັດທະນາອະສັງຫາລິມະຊັບ 7) ໄປສະນີ, ໂທລະຄົມ ແລະ ການສື່ ສານ. 8) ລະບົບສາງ ແລະ ຄ່ຽນ ຖ່າຍສິນຄ້າ.
3. ເຂດເສດຖະກິດພິເສດ ສາມ ຫຼ່ຽມຄໍາ: ຕັ້ງຢູ່ເມືອງຕົ້ນເຜິ້ງ ແຂວງບໍ່ແກ້ວ; ສ້າງປີ 2007; ເນື້ອທີ່ໂຄງການ 3.000 ເຮັກຕາ, ມູນຄ່າການລົງທຶນ 86,6 ລ້ານ ໂດລາສະຫະລັດ; ລັດຖະບານ ສປປ ລາວ ຮ່ວມກັບເອກະຊົນ ສປ ຈີນ ເປັນຜູ້ພັດທະນາ; ກິດຈະ ການການລົງທຶນ:1) ການກໍ່ສ້າງ ໂຄງລ່າງພື້ນຖານເສດຖະກິດ. 2) ກະສິກໍາ, ລ້ຽງສັດ, ອຸດສາຫະ ກໍາປຸງແຕ່ງຄົບວົງຈອນ. 3) ໂຮງ ແຮມທີ່ພັກອາໄສ, ການທ່ອງ ທ່ຽວ ແລະ ການບັນເທີງຄົບວົງ ຈອນ. 5) ສະໜາມກ໊ອຟ. 6) ສູນການສຶກສາ ແລະ ປິ່ນປົວສຸ ຂະພາບ. 7) ສູນການຄ້າສາກົນ. 8) ການພັດທະນາເຄຫາສະຖານ. 9) ທະນາຄານ, ປະກັນໄພ ແລະ ສະຖາບັນການເງິນ. 10) ໄປສະ ນີ, ໂທລະຄົມ ແລະ ການສື່ສານ, ອິນເຕີເນັດ,ໂຄສະນາ ແລະ ການ ພິມ. 11) ການຂົນສົ່ງໂດຍສານ ແລະ ສິນຄ້າ.12) ລະບົບສາງ ຮ້ານຄ້າປອດພາສີ ແລະ ເຂດ ປອດພາສີ.
4. ເຂດເສດຖະກິດສະເພາະ ນິຄົມອຸດສາຫະກໍາການຄ້າວຽງ ຈັນ-ໂນນທອງ: ຕັ້ງຢູ່ເມືອງໄຊ ທານີ ນະຄອນຫຼວງວຽງຈັນ (ນວ); ສ້າງປີ 2009; ເນື້ອທີ່ ໂຄງການ 110 ເຮັກຕາ, ມູນຄ່າ ການລົງທຶນ 12,9 ລ້ານໂດລາສະ ຫະລັດ; ລັດຖະບານ ສປປ ລາວ ຮ່ວມກັບເອກະຊົນ ສປ ຈີນ (ໄຕ້ຫວັນ) ເປັນຜູ້ພັດທະນາ; ກິດຈະການ ການລົງທຶນ: 1) ອຸດ ສາຫະກໍາ: ຕໍ່າແຜ່ນ, ຜະລິດເກີບ, ເຄື່ອງນຸ່ງຫົ່ມ, ລົດຖີບ, ຊິ້ນສ່ວນ ເຄື່ອງຄອມພິວເຕີ. 2) ການຄ້າ: ຮ້ານຂາຍຍ່ອຍ ແລະ ສູນການຄ້າ 3) ການບໍລິການ: ໂຮງຮຽນ, ໂຮງໝໍ, ໂຮງແຮມ ແລະ ສິ່ງປຸກ ສ້າງ.
5. ເຂດເສດຖະກິດສະເພາະ ພັດທະນາກວມລວມ ໄຊເຊດຖາ: ຕັ້ງຢູ່ເມືອງໄຊທານີ ນວ; ສ້າງປີ 2010; ເນື້ອທີ່ໂຄງການ 1.000 ເຮັກຕາ, ມູນຄ່າການລົງທຶນ128 ລ້ານໂດລາສະຫະລັດ; ລັດຖະ ບານ ສປປ ລາວ ຮ່ວມກັບເອກະ ຊົນ ສປ ຈີນ ເປັນຜູ້ພັດທະນາ; ກິດ ຈະການ ການລົງທຶນ: 1) ອຸດສາ ຫະກໍາປຸງແຕ່ງຜະລິດຕະພັນກະສິກໍາສົ່ງອອກ. 2) ປຸງແຕ່ງໄມ້. 3) ອຸດສາຫະກໍາເບົາ. 4) ທ່ອງ ທ່ຽວ ແລະ ບໍລິການ. 5) ປຸງແຕ່ງ ຜະລິດຕະພັນເອເລັກໂຕຼນິກ. 6) ອຸດສາຫະກໍາປະກອບກົນຈັກ. 7) ອຸດສາຫະກໍາພະລັງງານໃໝ່.
6. ເຂດເສດຖະກິດສະເພາະ ພູຂຽວ: ຕັ້ງຢູ່ເມືອງທ່າແຂກ ແຂວງຄໍາມ່ວນ; ສ້າງປີ 2010; ເນື້ອທີ່ໂຄງການ 4.850 ເຮັກຕາ, ມູນຄ່າການລົງທຶນ 708 ລ້ານ ໂດລາສະຫະລັດ; ເອກະຊົນ ສປປ ລາວ ເປັນຜູ້ພັດທະນາ; ການລົງ ທຶນ: 1) ການຄ້າ ແລະ ອຸດສາຫະ ກໍາ. 2) ອາຄານ ແລະ ທຸລະກິດ. 3) ສະໜາມກ໊ອຟ, ສູນກີລາສາ ກົນຄົບວົງຈອນ. 4) ບໍລິການຂົນ ສົ່ງ ສິນຄ້າ ແລະ ຜູ້ໂດຍສານ. 5) ການສຶກສາ ແລະ ສາທາລະນະສຸກ, ຫໍພິພິທະພັນ, ສູນສະແດງສິລະ ປະ-ວັນນະຄະດີ. 6) ທ່ອງທ່ຽວ, ໂຮງແຮມ ແລະ ການບັນເທີງຄົບ ວົງຈອນ.
7. ເຂດເສດຖະກິດສະເພາະ ບຶງທາດຫຼວງ: ຕັ້ງຢູ່ເມືອງໄຊເຊດ ຖາ ນວ; ສ້າງປີ 2011; ເນື້ອທີ່ ໂຄງການ 365 ເຮັກຕາ, ມູນຄ່າ ການລົງທຶນ 1,6 ຕື້ໂດລາສະ ຫະລັດ; ເອກະຊົນ ສປ ຈີນ ເປັນ ຜູ້ພັດທະນາ; ກິດຈະການການ ລົງທຶນ: 1) ເຂດສໍານັກງານສະ ຖານທູດ, ຮ້ານສັບພະສິນຄ້າ, ສູນ ກາງການບັນເທີງ ແລະ ການສະ ແດງ. 2) ເຂດການເງິນ ແລະ ທຸ ລະກິດ. 3) ເຂດພັກອາໄສຮູບ ແບບປະສົມປະສານ: ໂຮງໝໍ, ໂຮງຮຽນ ແລະ ເຮືອນພັກອາໄສ ແບບວັດທະນະທໍາລາວ. 5) ເຂດການທ່ອງທ່ຽວ: ຖະໜົນ ຄົນຍ່າງ, ຣີສອດ ແລະ ໂຮງແຮມ. 6) ສະໜາມກ໊ອຟ.
8. ເຂດເສດຖະກິດສະເພາະ ລອງແທ່ງ-ວຽງຈັນ: ຕັ້ງຢູ່ເມືອງ ຫາດຊາຍຟອງ ນວ; ສ້າງປີ 2008; ເນື້ອທີ່ໂຄງການ 557,75 ເຮັກຕາ, ມູນຄ່າການລົງທຶນ 1 ຕື້ໂດລາ ສະຫະລັດ; ເອກະຊົນ ສສ ຫວຽດນາມ ເປັນຜູ້ພັດທະ ນາ; ກິດຈະການ ການລົງທຶນ: ສະໜາມກ໊ອຟ 36 ຂຸມ, ສູນກີລາ ຄົບວົງຈອນ, ໂຮງແຮມ, ຣີສອດ, ສູນການຄ້າ,ໂຮງຮຽນ, ໂຮງໝໍ ແລະ ສະຖານທີ່ຈອດລົດ.
9. ເຂດເສດຖະກິດສະເພາະ ດົງໂພສີ: ຕັ້ງຢູ່ເມືອງຫາດຊາຍ ຟອງ ນວ; ສ້າງປີ 2009; ເນື້ອທີ່ ໂຄງການ 53.947 ເຮັກຕາ, ມູນ ຄ່າການລົງທຶນ 50 ລ້ານ ໂດລາ ສະຫະລັດ; ເອກະຊົນ ມາເລເຊຍ ເປັນຜູ້ພັດທະນາ 100%; ກິດຈະ ການ ການລົງທຶນ: 1) ການຄ້າ. 2) ອຸດສາຫະກໍາ. 3) ສະຖານທີ່ພັກ ອາໄສ. 4) ສູນກາງສະຖາບັນຕ່າງໆ.
10. ເຂດເສດຖະກິດສະເພາະ ທ່າແຂກ: ຕັ້ງຢູ່ເມືອງທ່າແຂກ ແຂວງຄໍາມ່ວນ; ສ້າງປີ 2010; ເນື້ອທີ່ໂຄງການ 1.035 ເຮັກຕາ, ມູນຄ່າການລົງທຶນ 80 ລ້ານ ໂດລາ ສະຫະລັດ; ລັດຖະບານ ສປປ ລາວ ເປັນຜູ້ພັດທະນາ; ກິດຈະການ ການລົງທຶນ: 1) ການຄ້າ ແລະ ບໍລິການ. 2) ການທ່ອງທ່ຽວ, ໂຮງແຮມ, ຮ້ານ ອາຫານ ແລະ ການບັນເທີງ. 3) ສາງສິນຄ້າ, ສູນບໍລິການຂົນສົ່ງ ແລະ ສ້ອມແປງ. 4) ສະຖານີ ຂົນສົ່ງໂດຍສານ. 5) ສູນກາງ ການປະຊຸມ. 6) ສະຖານທີ່ເຮືອນ ພັກອາໄສ. 7) ສູນກີລາຄົບວົງ ຈອນ ແລະ ໜອງນໍ້າ. 8) ສູນ ກາງການສຶກສາ ແລະ ສາທາ ລະນະສຸກ. 9) ສໍານັກງານອົງ ການຈັດຕັ້ງ. 10) ເຂດສະຫງວນ ແລະ ເຂດຂຽວ: ສວນສາທາລະ ນະ ແລະ ຈຸດຊົມທິວທັດ.
11. ເຂດເສດຖະກິດພິເສດ ຈໍາປາສັກ: ຕັ້ງຢູ່ເມືອງປາກເຊ ແຂວງຈໍາປາສັກ; ສ້າງປີ 2015; ເນື້ອທີ່ໂຄງການ 995 ເຮັກຕາ.
12. ເຂດເສດຖະກິດພິເສດ ຫຼວງພະບາງ: ຕັ້ງຢູ່ແຂວງຫຼວງ ພະບາງ; ສ້າງປີ 2016; ເນື້ອ ທີ່ໂຄງການ 4.850 ເຮັກຕາ.
13. ເຂດເສດຖະກິດພິເສດ ມະຫານະທີສີພັນດອນ: ຕັ້ງຢູ່ ເມືອງໂຂງ ແຂວງຈໍາປາສັກ; ສ້າງປີ 2018; ເນື້ອທີ່ໂຄງການ 9.800 ເຮັກຕາ.
ໂດຍ: ບຸນທະວີ ອິນທະມິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
