ວັນອັງຄານ, ວັນທີ 03 ທັນວາ 2024
ສະຫວັນຄືຄວາມສຸກທາງໃຈ
ເວລາອອກຂ່າວ: 2019-12-23 14:33:50 | ຜູ້ຂຽນ : admin3 | ຈຳນວນຄົນເຂົ້າຊົມ: 129 | ຄວາມນິຍົມ: 
ສະຫວັນຕົວຈິງ ແມ່ນຄວາມ ສຸກທີ່ຈັບຕ້ອງໄດ້ ມັນມີຢູ່ໃນໂລກ ມະນຸດຂອງເຮົານີ້ ແລະ ບໍ່ຢູ່ໄກ ໄປເຖິງຊັ້ນຟ້າ ແລະ ບໍ່ຕ້ອງລໍຖ້າ ວ່າຕາຍແລ້ວຈິ່ງໄດ້ໄປເກີດສະ ເຫວີຍສຸກເອົາຊາດໜ້າ ເພາະຖ້າ ເບິ່ງໃຫ້ຄັກຈາກປະກົດການຕົວ ຈິງແລ້ວ ບາບ ບຸນ ແລະ ຜົນຂອງ ມັນຈະຕາມສະໜອງ ຢູ່ໃນຊາດນີ້ ເອງຕ່າງແຕ່ວ່າຊ້າ ຫຼື ໄວເທົ່ານັ້ນ.
ຕົ້ນກຳເນີດຄວາມເຊື່ອເລື່ອງ ສະຫວັນຢູ່ເທິງຊັ້ນຟ້ານັ້ນ ມາຈາກ ຄຳພີຂອງສາສະໜາ ຮິນດູ ເຊິ່ງ ເປັນສາສະໜາທີ່ເກົ່າແກ່ຖັດມາ ຈາກລັດທິຄວາມເຊື່ອ ເລື່ອງຜີ, ວິນຍານ ແລະ ອຳນາດພິເສດ ຫຼື ເທວະດາ. ຄຳພີທຸກປະເພດບໍ່ວ່າ ຈະເປັນຄຳພີໄຕເພດຂອງຮິນດູ, ພະໄຕປີດົກຂອງພຸດ (ສາສະ ໜາພຸດ), ໄບເບິນຂອງຄຣິສຕ໌, ອານໂກຣະອານຂອງອິດສະ ລາມ, ຂົງຈື້, ເຕົ໋າ ແລະ ອື່ນໆ ລ້ວນແຕ່ແມ່ນຝີມືມະນຸດຂຽນ ຂຶ້ນທັງນັ້ນ ຄຳພີເຫຼົ່ານັ້ນຂຽນ ຂຶ້ນໃນຍຸກທີ່ສັກດີນາ ຫຼື ກະສັດ ເຮືອງອຳນາດມັນຈິ່ງໄດ້ຮັບອິດ ທິພົນຈາກສະພາບແວດລ້ອມ ທາງສັງຄົມ ຂອງສັກດີນາຢ່າງ ເຕັມຮູບແບບ. ບໍ່ວ່າຈະເປັນເລື່ອງ ສັບພາສາທີ່ໃຊ້, ວິຖີຊີວິດຂອງ ເທບພະເຈົ້າ. ຈິ່ງບໍ່ແມ່ນເລື່ອງ ແປກປະຫຼາດທີ່ແດນສະຫວັນ ແລະ ເຫຼົ່າເທບພະບຸດເທບພະ ທິດາຈະຖືກຈິນຕະນາການໃຫ້ ມີສະພາບແວດລ້ອມ ແລະ ວິຖີຊີ ວິດຄືກັບລາຊາມະຫາກະສັດ ໃນໂລກມະນຸດ.
ຄຳພີທີ່ເວົ້າເຖິງສະຫວັນຢ່າງ ລະອຽດພິດສະດານແມ່ນ ຄຳພີ ໄຕເພດຂອງຮິນດູ ເຊິ່ງມີມາແຕ່ ກ່ອນການກຳເນີດຂອງເຈົ້າຊາຍ ສິທັດຖະ ຜູ້ໄດ້ຕັດສະຮູ້ມາເປັນພະ ພຸດທະເຈົ້າ. ຕຳນານພື້ນຂຸນບູລົມ ຂອງລາວກໍເວົ້າເລື່ອງສະຫວັນ ເຊິ່ງຂ້າພະເຈົ້າເຊື່ອວ່າໄດ້ຮັບອິດ ທິພົນມາຈາກຄຳພີໄຕເພດຂອງ ຮິນດູ. ເພິ່ນວ່າແຕ່ກ່ອນຜູ້ມີອິດທິລິດສາມາດໄປເຖິງສະຫວັນໄດ້.
ຄຳພີຂອງຮິນດູຂຽນວ່າສະ ຫວັນມີຫົກຊັ້ນ ຊັ້ນທີໜຶ່ງເອີ້ນ ວ່າຈາຕຸມະຫາຣາຊິກາ ຫຼື ເວົ້າ ສັ້ນໆ ວ່າຊັ້ນຈາຕຸມ ເຊິ່ງມີທ້າວ ທັງສີ່ເປັນໃຫຍ່ ສອງທ້າວ ຢູ່ໃນນັ້ນ ເປັນໃຫຍ່ແກ່ພວກນາກ ແລະ ຍັກ ເຊິ່ງຢູ່ຮ່ວມໂລກດຽວກັບມະນຸດ. ສະນັ້ນສະຫວັນຊັ້ນຈາຕຸມກໍແມ່ນໂລກມະນຸດຂອງເຮົານີ້ເອງ.
ຄຳພີໄຕເພດຂອງຮິນດູເວົ້າ ວ່າຈາກຊັ້ນຈາຕຸມຂຶ້ນໄປມີພູເຂົາ ສະເມັນ ຫຼື ເຂົາສິເນໂລລາດ (ສິ ເນລຸ) ເຊິ່ງຄຳພີເວົ້າວ່າ ຢູ່ໃນປ່າ ຫິມະພານ. ເຂົາສະເມັນມີພູເຂົາ ເຈັດຊັ້ນອ້ອມຮອບ ແຕ່ລະຊັ້ນມີ ຄວາມສູງຫຼຸດລັ່ນກັນລົງມາຄື ລູກແຄນໜຶ່ງໃນນັ້ນມີພູເຂົາໄກ ລາດ ຫຼື ພູເງິນບ່ອນເປັນຖິ່ນທີ່ຢູ່ ຂອງພວກກິນນາລອນ ກິນນາລີ ທີ່ຖືກຈິນຕະນາການໃຫ້ເປັນເຄິ່ງ ຄົນເຄິ່ງນົກ ເຊິ່ງກ່ຽວພັນໄປເຖິງ ວັນນະຄະດີເລື່ອງສີທົນ ມະໂນລາ. ນາງມະໂນລາແມ່ນໜຶ່ງໃນສາວ ກິນນາລີ ທີ່ມັກບິນມາອາບນ້ຳ ຫຼິ້ນຢູ່ສະອະໂນດາດ ໄດ້ແກ່ໜອງ ໃຫຍ່ຢູ່ຍອດນ້ຳຂອງເທິງພູຫິມະ ໄລໃນແຄວ້ນທິເບດຂອງຈີນ. ດັ່ງນັ້ນປ່າຫິມະພານກໍຄື ບໍລິ ເວນພູຫິມະໄລ ເຂົາສະເມັນເປັນ ໃຈກາງບ່ອນຍອດພູຫິມະໄລຢູ່ ເທິງຍອດເຂົາສະເມັນ ແມ່ນສະ ຫວັນຊັ້ນຕາວະຕິງສາ ບ່ອນທີ່ພະ ອິນອາໄສຢູ່ພ້ອມກັບເມຍສີ່ຄົນ ແລະ ເຫຼົ່າເທບ ທັງຫຼາຍ.
ດຽວນີ້ພູຫິມະໄລບໍ່ມີຄວາມ ເລິກລັບຄືແຕ່ກ່ອນແລ້ວ ເພາະ ມະນຸດໄດ້ປີນຂຶ້ນໄປຈົນເຖິງຍອດ ຂອງມັນໂດຍບໍ່ປາກົດເຫັນພະອິນ ແລະ ເຫຼົ່າເທບທັງຫຼາຍບໍ່ເຫັນ ວິມານຜາສາດ ບໍ່ເຫັນຫີນບັນດຸກຳ ພົນສິລາອາດບ່ອນພະອິນນັ່ງ ນອກຈາກຍອດດອຍທີ່ປົກຄຸມ ໄປດ້ວຍຫິມະ ແລະ ນ້ຳກ້າມເປັນ ກ້ອນ. ສ່ວນສະຫວັນອີກສີ່ຊັ້ນຄຳ ພີວ່າຢູ່ສູງໆຖັດຂຶ້ນໄປນັ້ນ, ຂ້າພະ ເຈົ້າຈະບໍ່ຍົກມາ ກ່າວເຖິງເພາະ ມັນຈະຍາວເກີນຄວາມຈຳເປັນ.
ໃນຕຳນານພື້ນຂຸນບູລົມກົກເຄົ້າຂອງພົງສາວະດານລາວ ໄດ້ເວົ້າເຖິງຖິ່ນທີ່ຢູ່ຂອງຄົນລາວ ແຕ່ກ່ອນໆ ມີຊື່ວ່າ ທົ່ງນານ້ອຍ ອ້ອຍໜູ ທີ່ເມືອງແຖນຕັ້ງຢູ່ໃນປະ ເທດຫວຽດນາມ ມີເຄືອເຂົາກາດ ສາມາດປີນໄຕ່ຂຶ້ນໄປສູ່ເມືອງໄທ້ ເມືອງແຖນ (ສະຫວັນ) ໄດ້.
ຄວາມກ້າວໜ້າທາງດ້ານ ວິທະຍາສາດເຕັກໂນໂລຊີມາ ເຖິງປັດຈຸບັນມັນໄດ້ພິຊິດຄວາມ ລີ້ລັບທີ່ຄົນບູຮານຄິດວ່າມັນອາດຈະເປັນໄປໄດ້ຢ່າງຈະແຈ້ງໝົດ ແລ້ວ. ສະຫວັນຊັ້ນເທິງຖ້າເຂົ້າໃຈ ວ່າແມ່ນດາວດວງອື່ນນັກວິທະ ຍາສາດກໍພວມສືບຕໍ່ຄົ້ນຄວ້າ ໄປສູ່ດາວເຄາະດວງອື່ນໆ ໃນສຸ ລິຍະຈັກກະວານກ້າວໄປສູ່ຈັກ ກະວານອື່ນ ທ່າມກາງຂ່າວເລົ່າ ລືທີ່ຍັງພິສູດບໍ່ໄດ້ ກ່ຽວກັບເລື່ອງ ຈານບິນຂອງມະນຸດ ຕ່າງດາວ ເຊິ່ງຕ້ອງຕິດຕາມກັນຕໍ່ໄປ.
ພະພຸດທະເຈົ້າອາດຮູ້ເລື່ອງນີ້ ແຕ່ເພິ່ນບໍ່ໄດ້ເວົ້າກົງໆ ອາດເປັນ ເພາະວ່າມັນຍັງບໍ່ເຖິງເວລາ ຄວາມຈິງທີ່ຍັງບໍ່ທັນເຖິງເວລາທີ່ ຈະເວົ້າ ເມື່ອເວົ້າອອກໄປອາດຖືກ ກະແສຄັດຄ້ານ, ພະພຸດທະເຈົ້າ ເວົ້າວ່າສະຫວັນບໍ່ແມ່ນບ່ອນຫຼຸດ ພົ້ນຈາກຄວາມທຸກ ໃນຄຳເທດສະ ໜາຂອງເພິ່ນໄດ້ຍົກເອົາກະສັດ ເປັນສົມມຸດຕິເທວະດາ ຫຼື ມະ ນຸດສະເທໂວ ຄືມະນຸດຊັ້ນເທບ ເພາະດຳລົງຊີວິດເພີດເພີນສະ ໜຸກສະໜານຢູ່ໃນກາມາລົມ ຄື: ຮູບ, ສຽງ, ກິ່ນ, ລົດ, ສຳຜັດ ແລະ ຍັງເຕັມໄປດ້ວຍກິເລດ.
ພະພຸດທະເຈົ້າຈິ່ງບໍ່ໄດ້ສອນ ໃຫ້ສາວົກຂອງເພິ່ນມຸ່ງໄປສູ່ສະ ຫວັນ ແຕ່ເພິ່ນສອນໃຫ້ສ້າງ ຄວາມດີເພື່ອເຂົ້າເຖິງນິພານອັນ ເປັນຄວາມດັບທຸກ ໂດຍການ ພຽນພະຍາຍາມ ເພື່ອດັບຕົ້ນ ເຫດຂອງຄວາມທຸກຄືຄວາມທະ ເຍີທະຍານຢາກ ທີ່ບໍ່ຮູ້ຈັກພໍເຊິ່ງ ພາສາທຳເອີ້ນວ່າລາຄະ ຕັນຫາ ເມື່ອດັບຄວາມທະເຍີທະຍານຄື ດັບຕົ້ນເຫດຂອງຄວາມທຸກໄດ້ ແລ້ວຄວາມທຸກກໍບໍ່ເກີດຂຶ້ນອີກ.
ດັ່ງທີ່ກ່າວມາແລ້ວວ່າ ສະ ຫວັນບໍ່ແມ່ນເປົ້າໝາຍຂອງ ຊາວພຸດ ເພາະເທວະດາກໍບໍ່ຕ່າງ ໄປຈາກມະນຸດ ຄືຍັງເປັນປຸຖຸຊົນທີ່ ມີກິເລດຕັນຫາ ແມ່ນແຕ່ພະອິນ ທີ່ ຊາວຮິນດູເຄີຍເຄົາລົບກໍໃຊ້ເວ ລາໃຫ້ສະໜຸກສະໜານເພີດເພີນ ໄປກັບ ເມຍທັງສີ່ນາງ ຊື່ວ່າ ນາງ ສຸຊາດາ, ນາງສຸຈິດຕາ, ນາງສຸ ນັນທາ ແລະ ນາງສຸທຳມາ ໃຊ້ຊີ ວິດ ແລະ ເວລາແບບຟູມເຟືອຍຢູ່ ໃນສວນອຸດທິຍານ ເທິງສະຫວັນ ຊັ້ນຕາວະຕິງສາ ຫຼື ດາວະດິງ.
ສະຫວັນເປັນພຽງທາງຜ່ານ ຊົ່ວຄາວ, ໃນຄວາມໝາຍຂອງ ພະພຸດ ທະເຈົ້າສະຫວັນຄົງໝາຍ ເຖິງຄວາມສຸກ ຄວາມປີຕິຍິນດີ ທີ່ໄດ້ກະທຳບຸນ. ການທຳບຸນທຸກຢ່າງພະພຸດທະເຈົ້າສອນໃຫ້ມຸ່ງໄປສູ່ການຂັດເກົາກິເລດຕັນຫາໃຫ້ເບົາບາງ ເຊັ່ນການໃຫ້ທານ ເພິ່ນກໍໃຫ້ຄວາມໝາຍວ່າ ທານ ຄືການແບ່ງປັນຄວາມສຸກທີ່ຕົນ ມີ ໃຫ້ແກ່ຜູ້ອື່ນເພື່ອການເອົາຊະ ນະຄວາມຂີ້ຖີ່ຫວງແຫນ ແລະ ເຫັນແກ່ຕົວ. ການຮັກສາສີນ ກໍ ຄືຮັກສາກາຍ ໝາຍເຖິງການກະ ທຳທາງກາຍ ແລະ ຮັກສາວາຈາ ໝາຍເຖິງ ການເວົ້າໃຫ້ຢູ່ໃນ ຄວາມຮຽບຮ້ອຍ, ການຟັງ (ທຳ ມະເທດສະໜາ) ກໍເພື່ອກຳຈັດ ຄວາມບໍ່ຮູ້, ຄວາມຫຼົງມົວເມົາ ແລະ ຄວາມລັງເລສົງໄສ, ການ ນັ່ງສະມາທິ ກໍເພື່ອເຝິກຈິດໃຫ້ ຕັ້ງໝັ້ນຈິດທີ່ຕັ້ງໝັ້ນຈະພາໃຫ້ ເກີດປັນຍາ. ປັນຍາເກີດຈາກ ສະມາທິ ຄືການມີຈິດທີ່ຕັ້ງໝັ້ນ ບໍ່ແລ່ນໄປຕາມອາລົມຈົນເກີດ ຄວາມວຸ່ນວາຍ, ສະມາທິເກີດມາ ຈາກການມີສິນ ຜູ້ບໍ່ມີສີນໄປນັ່ງ ສະມາທິກໍຈະບໍ່ສະຫງົບ ເພາະຈິດ ຍັງມີຄວາມວິຕົກກັງວົນມີຄວາມ ຢ້ານກົວ ແລະ ມີໂອກາດເກີດປະ ສາດຫຼອນ ທີ່ພາສາທຳເອີ້ນວ່າ ຈິດວິປະລາດ ເກີດອາການປ່ວງເພີ້ຂຶ້ນກໍເປັນໄປໄດ້.
ເຖິງເວລາແລ້ວທີ່ຊາວພຸດ ຄວນຈະເຂົ້າໃຈສະພາວະຄວາມ ເປັນຈິງ ຢຸດຄວາມໄຝ່ຝັນງົມ ງວາຍ ພ້ອມກັນທຳບຸນສັ່ງສົມ ປາລະມີເພື່ອໄປສູ່ນິບພານ, ພະ ສົງກໍຄວນເທດສະນາໃຫ້ອອກ ຕົນຍາດໂຍມ ເຂົ້າໃຈແກ່ນແທ້ ຂອງສາສະໜາພຸດ ບໍ່ໃຫ້ເຂົາ ຍຶດຕິດໃນຕົວຕົນຂອງຕົນ. ມີ ພະສົງ ຈຳນວນຫລາຍອົງໄດ້ໄປ ສຶກສາມາຈາກປະເທດເພື່ອນບ້ານທີ່ນັບຖືສາສະໜາພຸດບາງ ອົງກໍຈົບປະລິນຍາໂທ ປະລິນ ຍາເອກ ເຊື່ອວ່າມີຄວາມສາມາດ ພໍທີ່ຈະກ້າເຜີຍແຜ່ຄວາມຈິງ ແລະ ຊໍາລະບົດເທດສະໜາໃຫ້ສອດ ຄ່ອງກັບຄວາມກ້າວໜ້າຂອງ ໂລກປັດຈຸບັນໄດ້.
ໂດຍ: ຊ. ວົງພູທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
