ວັນອັງຄານ, ວັນທີ 03 ທັນວາ 2024
ສປປ ລາວ ເປີດບໍລິສັດຂໍ້ມູນຂ່າວສານສິນເຊື່ອ
ເວລາອອກຂ່າວ: 2019-12-26 10:01:37 | ຜູ້ຂຽນ : admin3 | ຈຳນວນຄົນເຂົ້າຊົມ: 115 | ຄວາມນິຍົມ: 
ທ່ານ ເພັດສະຖາພອນ ແກ້ວ ວົງ ວິຈິດ ຫົວໜ້າຫ້ອງການ ທຫລ
ກ່າວວ່າ: ສູນຂໍ້ມູນຂ່າວສານສິນ ເຊື່ອ (CIB) ຮັບການສ້າງຕັ້ງຂຶ້ນ ໃນປີ 2001 ຈຸດປະສົງເພື່ອເປັນ ຖານຂໍ້ມູນທີ່ຈຳເປັນຊ່ວຍໃນການ ຄຸ້ມຄອງຄວາມໝັ້ນຄົງຂອງລະ ບົບທະນາຄານ, ປ້ອງກັນ ແລະ ຫຼຸດ
ຜ່ອນຄວາມສ່ຽງໃນການສະ ໜອງສິນເຊື່ອໃຫ້ລູກຄ້າຂອງ ລະບົບທະນາຄານ; ເບື້ອງຕົ້ນມີ ສະມາຊິກພຽງແຕ່ 10 ທະນາ ຄານທຸລະກິດທີ່ເກັບກຳຂໍ້ມູນແບບ ປະຖົມປະຖານ ເພື່ອຮັບສົ່ງຂໍ້ມູນ ສິນເຊື່ອລະຫວ່າງສູນຂໍ້ມູນຂ່າວ ສານສິນເຊື່ອ ແລະ ບັນດາສະມາ
ຊິກ. ຈາກຂະບວນວິວັດແຫ່ງການ ກຳເນີດ ແລະ ການພັດທະນາສູນ CIB ຢ່າງຕໍ່ເນື່ອງ, ສະມາຊິກ ຂອງສູນໄດ້ເພີ່ມຂຶ້ນຈາກ 30 ກວ່າ
ແຫ່ງໃນປີ 2010 ມາເປັນ 116 ແຫ່ງ ໃນປັດຈຸບັນ, ໃນນັ້ນມີທະ ນາຄານທຸລະກິດ 43 ແຫ່ງ ແລະ ສະຖາບັນການເງິນຈຸລະພາກ 73 ແຫ່ງໃນຂອບເຂດທົ່ວປະເທດ.
ປັດຈຸບັນ ໄດ້ນຳໃຊ້ລະບົບ CIB Online ທີ່ວ່ອງໄວ ແລະ ທັນສະໄໝ ເກັບກຳຂໍ້ມູນສິນເຊື່ອ ທັງໝົດທຸກປະເພດຂອງສະມາ ຊິກທີ່ເປັນທະນາຄານ ແລະ ສະຖາບັນການເງິນໄດ້ປ່ອຍໃຫ້ລູກຄ້າຂອງຕົນ ແລະ ໃຫ້ບໍລິການຂໍ້ ມູນຂ່າວສານສິນເຊື່ອໃຫ້ແກ່ພາກ ສ່ວນຕ່າງໆທີ່ມີຄວາມຕ້ອງການ ນຳໃຊ້ຂໍ້ມູນ ເພື່ອວິເຄາະຄວາມ ສ່ຽງຂອງລູກຄ້າເງິນກູ້ກ່ອນການ ອະນຸມັດສິນເຊື່ອ, ບຸກຄົນ ແລະ ນິຕິບຸກຄົນທີ່ມີຄວາມຕ້ອງການນຳໃຊ້ຂໍ້ມູນດັ່ງກ່າວ. ຂໍ້ມູນລູກຄ້າຜູ້ກູ້ຢືມຂອງທະນາຄານໃນຖານຂໍ້ມູນເປັນລາຍບຸກຄົນໄດ້ເພີ່ມຂຶ້ນ ຈາກ 64.205 ລາຍໃນປີ 2014 ມາເປັນ 711.811 ລາຍໃນປີ 2019 ຂໍ້ມູນລູກຄ້ານິຕິບຸກຄົນ ເພີ່ມຂຶ້ນຈາກ 3. 051 ລາຍໃນປີ 2014 ມາເປັນ 19.171 ລາຍ ໃນປີ 2019. ປັດຈຸບັນໃນແຕ່ລະ ເດືອນມີສະມາຊິກເຂົ້າມາຊົມໃຊ້
ບໍລິການສູນຂໍ້ມູນສິນເຊື່ອໂດຍ ສະເລ່ຍປະມານ 12.500 ລາຍ ຕໍ່ເດືອນ ແລະ ສາມາດສ້າງລາຍ ຮັບຈາກການເກັບຄ່າບໍລິການໄດ້ ປະມານ 200 ລ້ານກີບຕໍ່ເດືອນ ແລະ 2,5 ຕື້ກີບ ຕໍ່ປີ.
ພາຍຫຼັງບໍລິສັດຂໍ້ມູນຂ່າວສານສິນເຊື່ອຮັບການສ້າງຕັ້ງ ແລ້ວ, ບໍລິສັດ CIB ຈະສືບຕໍ່ເອົາ ໃຈໃສ່ໃນການປັບປຸງການເຄື່ອນ ໄຫວ ໂດຍຈະເລັ່ງປັບປຸງຖານ ຂໍ້ມູນໃຫ້ສົມບູນ, ມີການເກັບກຳ ຂໍ້ມູນສາທາລະນຸປະໂພກນຳບັນ ດາບໍລິສັດກ່ຽວຂ້ອງທີ່ໄດ້ມີການ ເຊັນ MOU ນຳກັນ ແລະ ຈະ
ມີການພັດທະນາລະບົບໂປຼແກຼມຂໍ້
ມູນຂ່າວສານສິນເຊື່ອທີ່ເປັນມາດ ຕະຖານສາກົນ, ສາມາດຕອບ ສະໜອງຂໍ້ມູນຂ່າວສານສິນເຊື່ອ ຕາມຄວາມຕ້ອງການຂອງຜູ້ຊົມ ໃຊ້ເປັນຕົ້ນແມ່ນທະນາຄານທຸລະ ກິດ, ສະຖາບັນການເງິນ, ການ ຈັດຕັ້ງພາກລັດ, ສາກົນ ແລະ ບຸກຄົນ, ນິຕິບຸກຄົນອື່ນໆ ແລະ ໄດ້ ມີພິທີເຊັນບົດບັນທຶກຄວາມເຂົ້າ ໃຈເພື່ອແລກປ່ຽນຂໍ້ມູນຂ່າວ ສານສາທາລະນຸປະໂພກລະ ຫວ່າງທ່ານຜູ້ອໍານວຍການບໍລິ ສັດຂໍ້ມູນຂ່າວສານສິນເຊື່ອກັບ ບັນດາຄະນະອໍານວຍການຈາກ ບໍລິສັດໄຟຟ້າລາວ, ບໍລິສັດນ້ຳ ປະປານະຄອນຫຼວງວຽງຈັນ, ບໍລິສັດລາວໂທລະຄົມ, ບໍລິສັດ ໂທລະຄົມລາວ ແລະ ບໍລິສັດ ຢູນິເທວ.
ໂດຍ: ຣັດສະໝີ ດວງສັດຈະ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
