ວັນສຸກ, ວັນທີ 06 ທັນວາ 2024
ບໍລິສັດ 68 ມອບອຸປະກອນປ້ອງກັນພະຍາດໂຄວິດ-19ໃຫ້ທະຫານແຂວງຫຼວງພະບາງ.
ເວລາອອກຂ່າວ: 2020-04-24 14:04:53 | ຜູ້ຂຽນ : admin2 | ຈຳນວນຄົນເຂົ້າຊົມ: 123 | ຄວາມນິຍົມ: 
 copy.png)
ວັນທີ 24 ເມສາ 2020 ນີ້ ທ່ານ ນາງ ສຸກສະຫວັນ ພູມີລະວາຍ ປະທານບໍລິສັດ 68 ໄດ້ນໍາເອົາອຸປະກອນປ້ອງກັນພະຍາດໂຄວິດ - 19 ມາມອບໃຫ້ກອງບັນຊາການທະຫານແຂວງຫຼວງພະບາງ ໂດຍການຕ້ອນຮັບອັນອົບອຸ່ນຈາກ ທ່ານ ພົນຈັດຕະວາ ຄໍາຫຼ້າ ວົງວິໄລ ກໍາມະການພັກແຂວງ ຫົວໜ້າການທະຫານກອງບັນຊາການທະຫານແຂວງຫຼວງພະບາງໂດຍຊ່ອງໜ້າຄະນະທັງສອງຝ່າຍເຂົ້າຮ່ວມ. ອຸປະກອນທີ່ໄດ້ນໍາມາມອບໃຫ້ໃນຄັ້ງນີ້ ປະກອບມີຜ້າອັດປາກຈໍານວນ 9 ແກັດ, ມີ 8.500 ຜືນ ເປັນມູນຄາ 24.300.000 ກີບ ໂດຍແມ່ນ ສະຫາຍ ພົນຈັດຕະວາ ຄໍາຫຼ້າ ວົງວິໄລ ເປັນຜູ້ຕາງໜ້າຄະນະຮັບ ພ້ອມທັງສະແດງຄວາມຂອບໃຈເປັນຢ່າງສູງມາຍັງບໍລິສັດ 68 ທີ່ໄດ້ໃຫ້ຄວາມເປັນຫ່ວງເປັນໄຍ ແລະ ເຫັນໄດ້ຄວາມໝາຍສໍາຄັນຕໍ່ການເຄື່ອນໄຫວປະຕິບັດໜ້າທີ່ ຂອງວຽກງານປ້ອງກັນຊາດ, ທີ່ໄດ້ນໍາເອົາວັດຖຸອຸປະກອນມາມອບໃຫ້ ເພື່ອປະກອບສ່ວນຊ່ວຍເຫຼືອໃນການເຄື່ອນໄຫວຄວບຄຸມ ແລະ ປ້ອງກັນ ແກ້ໄຂພະຍາດໂຄວິດ -19 ຢູ່ກອງບັນຊາການທະຫານແຂວງຂອງພວກເຮົາໃນຄັ້ງນີ້ ພ້ອມທັງກ່າວຕື່ມອີກວ່າ ຈະນໍາເອົາວັດຖຸອຸປະກອນດັ່ງກ່າວໄປນໍາໃຊ້ໃຫ້ເກີດປະໂຫຍດສູງສຸດ ແລະ ຈະສືບຕໍ່ເຄື່ອນໄຫວປະຕິບັດໜ້າທີ່ເຮັດວຽກງານ ເຮັດໃຫ້ສະພາບມີຄວາມສະຫງົບໃນຮາກຖານທ້ອງຖິ່ນ ກໍ່ຄືການເຄື່ອນໄຫວປົກປັກຮັກສາເຂດນໍ້າແດນດິນ ໃນຂອບເຂດທົ່ວແຂວງຫຼວງພະບາງໃຫ້ມີຄວາມສະຫງົບປອດໄພ 100%.
ໂດຍ: ສົມພອນ ສຸວັນທອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
