ວັນສຸກ, ວັນທີ 06 ທັນວາ 2024
ສາມອົງການຈັດຕັ້ງມະຫາຊົນກະຊວງປ້ອງກັນປະເທດ ມອບເຄື່ອງອຸປະໂພກໃຫ້ຄະນະສະເພາະກິດ
ເວລາອອກຂ່າວ: 2020-04-24 15:46:25 | ຜູ້ຂຽນ : admin2 | ຈຳນວນຄົນເຂົ້າຊົມ: 130 | ຄວາມນິຍົມ: 
 copy.png)
ວັນທີ 24 ເມສາ2020 ນີ້ ສາມອົງການຈັດຕັ້ງມະຫາຊົນກະຊວງປ້ອງກັນປະເທດໄດ້ນໍາເອົາເຄື່ອງອຸປະໂພກ ມາມອບໃຫ້ຄະນະສະເພາະກິດກະຊວງປ້ອງກັນປະເທດ ໃນນັ້ນ ຫ້ອງການຊາວໜຸມນໍາໂດຍ ສະຫາຍ ພັນໂທ ອໍາພອນ ສຸກວິໄຊ ຮອງຫົວໜ້າຫ້ອງການຊາວໜຸ່ມກະຊວງປ້ອງກັນປະເທດນໍາເອົາມາມອບມີ ນໍ້າດຶມ 80 ແກັດ ເຊິ່ງມີມູນຄ່າ 2.800.000 ກີບ, ຫ້ອງການກໍາມະບານ ນໍາໂດຍ ສະຫາຍ ບຸນຄ້ອງ ອຸດທະຈັນດີ ຮອງຫົວໜ້າຫ້ອງການກໍາມະບານກະຊວງປ້ອງກັນປະເທດ ເຄື່ອງທີ່ນໍາມາມອບມີ ໝີ່ 42 ແກັດ ມີມູນຄ່າ 2.100.000 ກີບ, ຫ້ອງການແມ່ຍິງເຊິ່ງນໍາໂດຍ ສະຫາຍ ພັນໂທ ຄໍາມີ ບົດນາລີ ຮອງຫົວໜ້າຫ້ອງການແມ່ຍິງກະຊວງປ້ອງກັນປະເທດເຄື່ອງທີ່ນໍາມາມອບມີ ກາເຟ 100 ຖົງເຊິ່ງມີມູນຄ່າ 2.700.000 ກີບລວມມູນຄ່າທັງໝົດ 7.600.000 ກີບ ມອບໃຫ້ຄະນະສະເພາະກິດກະຊວງປ້ອງກັນປະເທດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19, ຢູ່ທີ່ກະຊວງປ້ອງກັນປະເທດ, ເຊິ່ງຕາງໜ້າກ່າວຮັບ ໂດຍ ສະຫາຍ ພັນເອກ ວົງມະນີຈັນ ສາມາວົງ ຄະນະສະເພາະກິດ ຕ້ານ ແລະ ປ້ອງກັນພະຍາດໂຄວິດ 19.
ໂອກາດນີ້ສະຫາຍ ພັນໂທ ອໍາພອນ ສຸກວິໄຊ ໄດ້ກ່າວວ່າ: ການມອບເຄື່ອງອຸປະໂພກ ໃຫ້ແກ່ຄະນະສະເພາະກິດ ໃນຄັ້ງນີ້ ແມ່ນເປັນສ່ວນໜຶ່ງໃນການປະກອບ ສ່ວນເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ແລະ ເປັນການໃຫ້ກຳລັງໃຈພະນັກງານ-ນັກຮົບທີ່ປະຕິບັດໜ້າທີ່ດ້ວຍຄວາມຫ້າວຫັນອົດທົນ
ຂະນະດຽວກັນນັ້ນ ສະຫາຍ ພັນເອກ ວົງມະນີຈັນ ສາມາວົງ ກໍໄດ້ຂອບໃຈນຳ ສາມອົງການຈັດຕັ້ງມະຫາຊົນ ກະຊວງປ້ອງກັນປະເທດ ທີ່ເປັນສ່ວນໜຶ່ງໃນການປະກອບສ່ວນໃນ ການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19, ຈະນຳເຄື່ອງຈໍານວນດັ່ງກ່າວນີ້ສ່ວນປະກອບໃນວຽກງານການປ້ອງກັນ, ຄວບຄຸມ ແລະ ແກ້ໄຂການລະບາດຂອງ ພະຍາດໂຄວິດ-19, ເພື່ອເຮັດໃຫ້ ສປປ ລາວ ຂອງພວກເຮົາຜ່ານວິກິດຄັ້ງນີ້ຜ່ານໄປດ້ວຍດີ.
ໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
