ວັນສຸກ, ວັນທີ 06 ທັນວາ 2024
ນາງງາມລາວຈະໃສ່ຊຸດຊົນເຜົ່າມົ້ງເປັນຊຸດປະຈຳຊາດ ໃນການຄັດເລືອກ Miss Intercontinental 2019 ທີ່ຟີລິບປິນ
ເວລາອອກຂ່າວ: 2019-01-10 10:11:59 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 326 | ຄວາມນິຍົມ: 
ຕ້ອງບອກເລີຍວ່າອະລັງ ການ ແລະ ງົດງາມ ຫຼູຫຼາ ທີ່ສຸດ ສຳລັບຊຸດປະຈໍາຊາດຂອງຢາດ ຟ້າ ພົມມະວົງໄຊ ຕົວແທນນາງ ງາມລາວ ໃນເວທີການຄັດເລືອກ Miss Intercontinental 2019 ທີ່ປະເທດ ຟິລິບປິນ ເຊິ່ງຈະຈັດຂຶ້ນ ໃນທ້າຍເດືອນມັງກອນ 2019 ນີ້.
ຊຸດປະຈຳຊາດທີ່ຈະນຳໃຊ້ເຂົ້າ ໃນການປະກວດໃນຄັ້ງນີ້ເປັນຊຸດ ຂອງຊົນເຜົ່າມົ້ງທີ່ອອກແບບ ໄດ້ຢ່າງງົດງາມ ແລະ ເປັນທີ່ຈັບ ຕາຂອງຫຼາຍໆຄົນ ແລະ ປີນີ້ ເປັນປີທຳອິດທີ່ລາວຖືກເຊີນເຂົ້າ ຮ່ວມປະກວດໃນງານດັ່ງກ່າວ.
ນາງ ຢາດຟ້າ ພົມມະວົງໄຊ ປັດຈຸບັນອາຍຸ 18 ປີ, ເປັນນັກຮ້ອງ ແລະ ກຳລັງຮຽນທີ່ໂຮງຮຽນ ມັດທະຍົມສຶກສາສົມບູນສາລາ ຄຳຊັ້ນມັດທະຍົມສຶກສາປີທີ 7 ເຊິ່ງເປັນຜູ້ທີ່ມີຜົນງານດີເດັ່ນ ທາງດ້ານການຮຽນ ແລະ ການ ຮ່ວມກິດຈະກຳຂອງໂຮງຮຽນ.
ກ່ອນທີ່ຈະໄດ້ເປັນຕົວແທນ ນາງງາມລາວ ໄປຄັດເລືອກ Miss
Intercontinental 2019, ຢາດຟ້າ ເຄີຍເຂົ້າຮ່ວມການປະ ກວດນາງງາມໃນເວທີໃຫຍ່ເຖິງ 2 ເວທີຄື: Miss World 2018 ແລະ Miss International Laos 2018.
ສຳລັບການຄັດເລືອກ Miss Intercontinental 2019 ນີ້ຖື ວ່າເປັນຄັ້ງທີ 47 ທີ່ຈັດຂຶ້ນ ໂດຍ
ປະເທດຟິລິບປິນເປັນເຈົ້າພາບ ແລະ ມີສາວງາມຈາກ 80 ກວ່າ
ປະເທດຈະເຂົ້າຮ່ວມຮອບຕັດ ສິນໃນວັນທີ 26 ມັງກອນ 2019 ນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
