ວັນສຸກ, ວັນທີ 06 ທັນວາ 2024
ນ້ຳຕົກຕາດສະເຫຼີ້ຍກັບແຂວງຫົວພັນ ຄວາມງົດງາມທີ່ທຸກຄົນຄວນໄປສຳຜັດ
ເວລາອອກຂ່າວ: 2019-01-10 10:16:42 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 322 | ຄວາມນິຍົມ: 
ແຂວງຫົວພັນເປັນແຂວງ ທີ່ຂຶ້ນຊື່ດ້ານສະຖານທີ່ທ່ອງ ທ່ຽວໃນ ສປປ ລາວ ໂດຍສະ ເພາະສະຖານທີ່ທ່ອງທ່ຽວທາງ ປະຫວັດສາດເຊິ່ງມີຖໍ້າຕ່າງໆ ທີ່ບັນດາຜູ້ນໍາໃຊ້ເຂົ້າໃນການປະ ຕິວັດໃນເມື່ອກ່ອນຈົນເຖິງປະ ເທດຊາດໄດ້ຮັບການປົດປ່ອຍ. ນອກຈາກນັ້ນ, ຄຽງຄູ່ກັບສະ ຖານທີ່ທ່ອງທ່ຽວທີ່ຕິດພັນກັບ ປະຫວັດສາດແລ້ວ ຍັງມີສະຖານ ທີ່ທ່ອງທ່ຽວທາງທໍາມະຊາດທີ່ ຂຶ້ນຊື່ ແລະ ໄດ້ຮັບຄວາມນິຍົມ
ຫຼາຍ ເຊິ່ງຫຼາຍຄົນທີ່ໄດ້ໄປຮອດ ແຂວງຫົວພັນຕ້ອງຖາມຫານໍ້າ ຕົກຕາດສະເຫຼີ້ຍ ດັ່ງຄໍາເວົ້າທີ່ວ່າ: “ບໍ່ໄດ້ໄປຕາດສະເຫຼີ້ຍຊໍ່າກັບບໍ່ ໄດ້ໄປແຂວງຫົວພັນ”, ກ່ອນທີ່ຈະ ໄປຮູ້ຈັກກັບນໍ້າຕົກຕາດດັ່ງກ່າວ, ອັນດັບທຳອິດທີ່ນັກທ່ອງທ່ຽວ ຕ້ອງຮູ້ໄວ້ວ່າ: ແຂວງຫົວພັນເປັນ ແຂວງທີ່ຕັ້ງຢູ່ເຂດພູດອຍທາງ ທິດຕາເວັນອອກສ່ຽງເໜືອຂອງ ສປປ ລາວ, ເປັນແຂວງທີ່ມີ ສະພາບແວດລ້ອມທຳມະຊາດ ທີ່ສວຍສົດງົດງາມເຕັມໄປ ດ້ວຍທິວທັດທຳມະຊາດເຊັ່ນ: ຜາປ່າໄມ້, ແມ່ນໍ້າລຳເຊ, ນໍ້າ ຕົກຕາດຖໍ້າອື່ນໆທີ່ສໍາຄັນເປັນ ແຂວງທີ່ມີອາກາດເຢັນຢູ່ໃນພາກ ເໜຶອຂອງລາວ.
ສ່ວນນໍ້າຕົກຕາດສະເຫຼີ້ຍ ຫຼື
ຕາດໂພນໄຊ ( ຊື່ຕາດໂພນໄຊ ແມ່ນຍ້ອນ ຕາດສະເຫຼີ້ຍແມ່ນຢູ່ ບ້ານໂພນໄຊ. ສະນັ້ນ, ປະຊາຊົນ
ຈຶ່ງເອີ້ນງ່າຍໆວ່າ: ຕາດໂພນໄຊ ແຕ່ຊື່ທາງການແມ່ນຕາດສະ ເຫຼີ້ຍ ) ເປັນນໍ້າຕົກຕາດທີ່ຖືວ່າ ໃຫຍ່ພໍສົມຄວນ ໂດຍຕາດນີ້ຢູ່ ບ້ານໂພນໄຊ ເມືອງຊໍາເໜືອ ເມືອງເອກຂອງແຂວງຫົວພັນ ເຊິ່ງຢູ່ຕິດກັບເສັ້ນທາງລະຫວ່າງ
ຊໍາເໜືອ-ຊຽງຂວາງຫ່າງຈາກ ຕົວເມືອງຊໍາເໜືອ 30 ກວ່າກິໂລ
ແມັດ ໂດຍສິ່ງທີ່ນັກທ່ອງທ່ຽວ ຈະໄດ້ພົບ ເວລາໄປຕາດແຫ່ງນີ້ ກໍຄືທາງເຂົ້າໄປຫານໍ້າຕົກຕາດມີຕົ້ນໄມ້ເປັນຮົ່ມເຢັນດີ ແລະ ທໍາ ມະຊາດອຸດົມສົມບູນດີ, ນໍ້າຕົກ ຕາດສູງປະມານ 100 ແມັດທີ່ສໍາ ຄັນນໍ້າຕົກຕາດນີ້ເປັນ 3 ຊັ້ນ, ແຕ່ ລະຊັ້ນຈະມີວັງນໍ້າທີ່ນັກທ່ອງ ທ່ຽວສາມາດລົງຫຼິ້ນນໍ້າພັກຜ່ອນ ໄດ້ຕາມສະບາຍ, ຕາມເສັ້ນທາງ ມີຮ້ານຫານອາຫານທີ່ໃຫ້ບໍລິ ການແກ່ຜູ້ທີ່ມາທ່ຽວຊົມ ແລະ ມີຊາວບ້ານນໍາສິນຄ້າຕ່າງໆມາ ຈໍາໜ່າຍໃຫ້ນັກທ່ອງທ່ຽວທີ່ເດີນ
ທາງ ເພື່ອຊື້ໄປເປັນທີ່ລະນຶກ.
ທ່ານ ຄໍາພອນ ໄຊສະຫວັນ ຫົວໜ້າຂະແໜງທ່ອງທ່ຽວພະ ແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງຫົວພັນ ໄດ້ລາຍງານຕໍ່ມວນຊົນວ່າ: ນ້ຳ ຕົກຕາດສະເຫຼີ້ຍ ຕັ້ງຢູ່ລະຫວ່າງ ບ້ານສະເຫຼີ້ຍ ແລະ ບ້ານໂພນໄຊ ແຄມເສັ້ນທາງເລກທີ 6 ລະຫວ່າງ ທາງຈາກຊຽງຂວາງ ແລະ ລະ ຫວ່າງຫຼວງພະບາງຫາແຂວງ ຫົວພັນ, ຫ່າງຈາກຕົວເມືອງຊຳ ເໜືອປະມານ 36 ກິໂລ ແມັດ, ຕາດ
ດັ່ງກ່າວມີລັກສະນະເປັນເນີນສູງ, ມີ ຄວາມຍາວ ປະ ມານ 100 ແມັດ
ແລະ ບ່ອນກວ້າງທີ່ສຸດ 10 ແມັດ ເຊິ່ງຖືວ່າເປັນນໍ້າຕົກຕາດຂະ ໜາດໃຫຍ່ໃນທ້ອງຖິ່ນນີ້.
ເຫດຜົນ ແລະ ຈຸດພິເສດທີ່ ຫຼາຍຄົນມັກໄປຕາດນີ້ເພາະວ່າ ຕາດສະເຫຼີ້ຍ ເປັນແຫຼ່ງທ່ອງທ່ຽວ ທຳມະຊາດທີ່ໄດ້ຮັບຄວາມນິຍົມ ຫຼາຍ ເນື່ອງຈາກວ່າເປັນຕາດທີ່ ມີຄວາມສວຍງາມ ແລະ ຕັ້ງຢູ່ ແຄມທາງໃຫຍ່, ຄົນທີ່ເດີນທາງ ຜ່ານ ແລະ ຫຼຽວເຫັນຕາດດັ່ງກ່າວ
ກໍອົດໃຈບໍໄດ້ທີ່ຈະແວ່ຊົມ, ລົງ ຫຼິ້ນ, ຍ່າງ ແລະ ນັ່ງພັກຜ່ອນກິນ ລົມຊົມວິວ. ນອກນັ້ນ, ຢູ່ບໍລິເວນ
ນໍ້າຕົກຕາດຍັງມີສິ່ງອໍານວຍ ຄວາມສະດວກຕ່າງໆບໍ່ວ່າຈະ ເປັນຮ້ານອາຫານ, ຫ້ອງນ້ຳ, ຂົວ ອູ່ໃຊ້ຍ່າງເລາະໄປ-ມາແຕ່ຕີນ ຕາດຮອດຫົວຕາດລວມທັງຍັງມີ ຂອງທີ່ລະນຶກໃຫ້ກັບນັກທ່ອງ ທ່ຽວ ຕິດມືກັບບ້ານນໍາອີກດ້ວຍ, ຫົວໜ້າຂະແໜງທ່ອງທ່ຽວ ພະ ແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງຫົວພັນ ກ່າວ.
ທ່ານ ຄໍາພອນ ໃຫ້ຮູ້ອີກວ່າ: ນໍ້າຕົກຕາດສະເຫຼີ້ຍ ໄດ້ເປີດໃຫ້ ນັກທ່ອງທ່ຽວເຂົ້າທ່ຽວຊົມແຕ່ປີ 2005 ເປັນຕົ້ນມາຈົນມາໃນລະ ຫວ່າງປີ 2009 -2013 ແຫຼ່ງ ທ່ອງທ່ຽວແຫ່ງນີ້ໄດ້ຮັບທຶນພັດ ທະນາພື້ນຖານໂຄງລ່າງຈຳນວນ
ໜຶ່ງຈາກໂຄງການພັດທະນາ ການ
ທ່ອງທ່ຽວແບບຍືນຍົງ ( ADB )
ເປັນຕົ້ນແມ່ນ: ຂຽນແຜນພັດທະ ນາ ແລະ ຄຸ້ມຄອງ, ກໍ່ສ້າງນ້ຳລິນ, ຫ້ອງນ້ຳ, ຂົວເບຕົງຂ້າມໄປຫາ
ຕາດ, ຂົວສະລິງ2 ແຫ່ງ ຢູ່ຫົວ ຕາດ ແລະ ຕີນຕາດ, ອ່າງອາບ ນ້ຳອຸ່ນ 2 ອ່າງ, ອ່າງອາບນ້ຳເຢັນ
4 ອ່າງ, ປັບປັງສະຖານທີ່ຈອດ ລົດ, ເຮືອນຂາຍປີ້ 1 ຫຼັງ ແລະ
ເຮືອນວາງສະແດງຜະລິດຕະພັນ
ແລະ ຂາຍສິນຄ້າຂອງຊາວບ້ານ 1 ຫຼັງ.
ສ່ວນໜຶ່ງຂອງແຜນພັດທະນາ
ເສດຖະກິດ -ສັງຄົມຂອງແຂວງ ການທ່ອງທ່ຽວແມ່ນຖືກຈັດເຂົ້າ ເປັນໜຶ່ງໃນບັນດາເຄື່ອງມືອັນ ສຳຄັນໃນການສ້າງລາຍຮັບ ແລະ ການຫຼຸດຜ່ອນຄວາມທຸກ ຍາກເຊັ່ນດຽວກັບ ນ້ຳຕົກຕາດ ສະເຫຼີ້ຍ ໄດ້ຖືກກຳນົດເຂົ້າໃນ ແຜນຍຸດທະສາດພັດທະນາການ ທ່ອງທ່ຽວຂອງແຂວງຫົວພັນ ສຳລັບປີ 2007 -2020 ເຊິ່ງ ເປັນ
ແຫຼ່ງທ່ອງທ່ຽວອັນສໍາຄັນອີກ ແຫ່ງໜຶ່ງຂອງແຂວງ, ແຜນດັ່ງ
ກ່າວກໍໄດ້ຄຳນຶງເຖິງບັນຫາການ ພັດທະນາແບບຍືນຍົງ ແລະ ການ ຄຸ້ມຄອງສະຖານທີ່ເພື່ອສ້າງລາຍ ຮັບ ແລະ ໂອກາດໃນການສ້າງ ວຽກເຮັດງານທຳໃຫ້ແກ່ປະຊາ ຊົນທ້ອງຖິ່ນ. ຫົວໜ້າຂະແໜງ ທ່ອງ ທ່ຽວພະແນກຖະແຫຼງຂ່າວ, ວັດທະນາທໍາ ແລະ ທ່ອງທ່ຽວ ແຂວງຫົວພັນເປີດເຜີຍຕົວເລກ ນັກທ່ອງທ່ຽວທີ່ເຂົ້າທ່ຽວຊົມ ຕາດສະເຫຼີ້ຍນັບມື້ເພີມຂຶ້ນ.
ໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
