ວັນພະຫັດ, ວັນທີ 05 ທັນວາ 2024
ຖ້ຳຜາກ້າອີກແຫຼ່ງ ໜຶ່ງທີ່ສວຍງາມ
ເວລາອອກຂ່າວ: 2019-01-17 09:58:15 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 339 | ຄວາມນິຍົມ: 
ຖ້າຫາກທ່ານໃດກຳລັງ ຊອກຫາສະຖານທີ່ທ່ອງທ່ຽວເພື່ອ ພັກຜ່ອນທີ່ເຕັມໄປດ້ວຍທຳມະ ຊາດບັນຍາກາດທີ່ເຢັນສະບາຍ ທ່າມກາງສຽງນໍ້າຕົກນົກຮ້ອງທີ່ ດັງກ້ອງສະນັ່ນຫວັ່ນໄຫວບວກ ກັບສາຍລົມທີ່ຜັດຜ່ານເຢັນສະ ບາຍ, ແນມໄປທາງໃດກໍເຫັນແຕ່ ທຳມະຊາດແບບສົດໆຢູ່ຮອບຕົວ ທ່ານ, ບໍ່ວ່າຈະເປັນຕົ້ນໄມ້ໃບຫຍ້າ ພູຜາປ່າດົງອັນຕຶບໜາຂຽວງາມ ແລະ ສາຍນໍ້າຕ້ອງຄິດເຖິງສະ ຖານທີ່ນີ້ນັ້ນຄື"ຖໍ້າຜາກ້າ"ແຫຼ່ງ ທ່ອງທ່ຽວທາງທຳມະຊາດເຊິ່ງ ຈະສາມາດຊ່ວຍໃຫ້ທ່ານຜ່ອນ ຄາຍໄດ້ບໍ່ຫລາຍກໍໜ້ອຍ.
ຖໍ້າຜາກ້າຕັ້ງຢູ່ບ້ານນໍ້າ ເຟືອງ, ເມືອງ ແມດ, ແຂວງວຽງ ຈັນ, ຫ່າງຈາກເທສະບານເມືອງ ໄປທາງທິດຕາເວັນຕົກປະມານ 33 ກິໂລແມັດ, ການເຂົ້າຫາແຫຼ່ງ ທ່ອງທ່ຽວດັ່ງກ່າວສາມາດເຂົ້າ ໄດ້ທັງສອງເສັ້ນທາງຄືທາງບົກ ແລະ ທາງນໍ້າ, ເຊິ່ງໄປມາສະດວກ ສະບາຍຖໍ້າຜາກ້າເປັນຜາຫີນປູນ ທີ່ປະກອບດ້ວຍ 3 ໜ່ວຍຕິດຕໍ່ກັນ, ເຊິ່ງເປັນຖໍ້າທີ່ໃຫຍ່ທີ່ສຸດໃນຂອບ ເຂດເມືອງແມດ, ພາຍໃນຖໍ້າມີ ຄວາມຍາວປະມານ 5 ກິໂລ ແມັດເປັນຫຼາຍຫຼືບຫຼາຍຊັ້ນພ້ອມ ທັງມີສາຍນໍ້າໄຫລຫຼອດ ພື້ນລັກ ສະນະຄ້າຍຄືຖໍ້າກອງລໍຢູ່ ເມືອງ ຄູນຄຳ ແຂວງຄຳມ່ວນ.
ຖໍ້າດັ່ງກ່າວນອກຈາກຈະ ເປັນສະຖານທີ່ທ່ອງທ່ຽວທາງ ທຳມະຊາດແລ້ວຍັງມີພະພຸດທະ ຮູບປະດິດສະຖານຢູ່ຫຼາຍອົງສົມ ຄວນ ເຊິ່ງເປັນສະຖານທີ່ກາບ ໄຫວ້ ແລະ ສັກກະລະບູຊາຂອງ ມວນຊົນໂດຍສະເພາະແມ່ນຊາວ ພຸດທັງພາຍໃນ ແລະ ຕ່າງປະເທດ ພ້ອມນັ້ນຢູ່ບໍລິເວນດ້ານນອກຍັງ ເຕັມໄປດ້ວຍປ່າໄມ້ທີ່ຕຶບໜາຂຽວ ງາມມີອາກາດເຢັນສົດຊື່ນບວກ ກັບສຽງໂຮ່ຮ້ອງຂອງສັດ ໃຫຍ່- ນ້ອຍສົ່ງສຽງເນືອງນັນກ້ອງລະ ງົມໄປທົ່ວປ່າດົງພົງໄພສ້າງ ຄວາມເບີກບານມ່ວນຊື່ນ ແລະ ເຮັດໃຫ້ທ່ານຫຼົງລືມຄວາມອິດ ເມື່ອຍຢ່າງແນ່ນອນ.
ເອົາເປັນວ່າຖ້າທ່ານໃດມີ ຄວາມສົນໃຈ ແລະ ມັກຮັກໃນ ການທ່ອງທ່ຽວກໍຢ່າລືມຊອກຫາ ໂອກາດໄປທ່ອງທ່ຽວ ແລະ ພັກ ຜ່ອນຢ່ອນອາລົມຢູ່ທີ່ຖໍ້າຜາກ້າ ໄດ້ເຊິ່ງຊາວເມືອງແມດຍິນດີ ຕ້ອນຮັບທຸກໆທ່ານຢູ່ສະເໝີ ແລະ ເມື່ອມາເຖິງແລ້ວຮັບຮອງຈະປະ ທັບອົກປະທັບໃຈຢ່າງແນ່ນອນ.
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
