POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 05 ທັນວາ 2024

ກອງປະຊຸມສ້າງແຜນກໍານົດພະນັກງານນໍາພາ-ບັນຊາ ຂັ້ນກະຊວງປ້ອງກັນປະເທດຄຸ້ມຄອງ ຢູ່ຫ້ອງວ່າການກະຊວງປ້ອງກັນປະເທດ
ເວລາອອກຂ່າວ: 2023-08-08 15:59:32 | ຜູ້ຂຽນ : admin2 | ຈຳນວນຄົນເຂົ້າຊົມ: 727 | ຄວາມນິຍົມ:

ໃນວັນທີ 8 ສິງຫາ 2023 ນີ້, ຫ້ອງວ່າການກະຊວງປ້ອງກັນປະເທດ ໄດ້ເປີດກອງປະຊຸມ ສ້າງແຜນກໍານົດພະນັກງານນຳພາ-ບັນຊາ ຂັ້ນກະຊວງປ້ອງກັນປະເທດຄຸ້ມຄອງ ໂດຍການເປັນປະທານຂອງ ສະຫາຍ ພົນຕີ ສາຍໃຈ ກົມມະສິດ ກໍາມະການຄະນະປະຈຳພັກກະຊວງ, ຫົວໜ້າຫ້ອງວ່າການ ກະຊວງປ້ອງກັນປະເທດ, ມີຄະນະພັກ-ຄະນະບັນຊາ, ບັນດາກົມ, ຫ້ອງການ ແລະ ກົມກອງເຂົ້າຮ່ວມ. ສະຫາຍ ພົນຈັດຕະວາ ຄໍາມ່ວນ ເລືອງວັນຫຼ້າ ຄະນະປະຈຳພັກຫ້ອງວ່າການ, ຮອງຫົວໜ້າຫ້ອງ ວ່າການກະຊວງປ້ອງກັນປະເທດ ໄດ້ຂຶ້ນຜ່ານບົດສະຫຼຸບວ່າ: ການດຳເນີນກອງປະຊຸມທາບທາມສ້າງແຜນ ກໍານົດພະນັກງານນໍາພາ-ບັນຊາ ເປັນການເລືອກເຟັ້ນເປົ້າໝາຍເພື່ອຈັດວາງເຂົ້າໃນໂຄງປະກອບຕຳແໜ່ງງານຂັ້ນຕ່າງໆຢູ່ຫ້ອງວ່າການກະຊວງປ້ອງກັນປະເທດ ທີ່ຂັ້ນກະຊວງປ້ອງກັນປະເທດຄຸ້ມຄອງ ແນໃສ່ ຮັບປະກັນລັກສະນະສືບທອດປ່ຽນແທນຕໍ່ເນື່ອງໃນສະເພາະໜ້າ ແລະ ຍາວນານ, ພ້ອມກັນນີ້ກໍເພື່ອເປັນ ການສໍາຫຼວດກວດກາ ແລະ ສະຫຼຸບຕີລາຄາຄືນຜ່ານການຈັດຕັ້ງປະຕິບັດແຜນກຳນົດພະນັກງານນຳພາ- ບັນຊາ ຂັ້ນກະຊວງປ້ອງກັນປະເທດຄຸ້ມຄອງ ຢູ່ຫ້ອງວ່າການກະຊວງປ້ອງກັນປະເທດ ໃນຊຸມປີຜ່ານມາ, ວຽກງານສ້າງແຜນກໍານົດພະນັກງານ-ນຳພາບັນຊາແມ່ນມີຄວາມສຳຄັນ ພາະເປັນການປະຕິບັດແນວທາງຈັດຕັ້ງຂອງພັກ, ເປັນຂອດຕັດສິນໃນການຈັດຕັ້ງປະຕິບັດແນວທາງແຜນນະໂຍບາຍລວມຂອງພັກ ແລະ ວຽກງານພະນັກງານການນຳພາຂອງພັກຕໍ່ພາລະກິດປະຕິວັດກໍຄືຜົນສຳເລັດວຽກງານຕົວຈິງຂອງອົງຄະນະ ພັກຫ້ອງວ່າການກະຊວງປ້ອງກັນປະເທດ ຍາມໃດຄະນະພັກ-ຄະນະບັນຊາແຕ່ລະຂັ້ນກໍໄດ້ເອົາໃຈໃສ່ຊີ້ ນໍາ-ນໍາພາເປັນພິເສດ ໃນການສ້າງແຜນກໍານົດພະນັກງານເພື່ອຊອກໃຫ້ໄດ້ບັນດາເປົ້າໝາຍທີ່ມີເງື່ອນໄຂ ມາດຖານຄົບຖ້ວນ, ຮັບປະກັນດ້ານປະລິມານ ແລະ ຄຸນນະພາບ ທັງຈະເປັນພື້ນຖານໃຫ້ແກ່ການກໍ່ສ້າງ ພະນັກງານລຸ້ນສືບທອດໃນສະເພາະໜ້າ ແລະ ຍາວນານ ພ້ອມນັ້ນ ສະຫາຍ ຍັງໄດ້ຮຽກຮ້ອງມາຍັງ ບັນດາສະຫາຍຜູ້ແທນເຂົ້າຮ່ວມກອງປະຊຸມຄັ້ງນີ້ຈົ່ງພ້ອມກັນເຊີດຊູຄວາມຮັບຜິດຊອບການເມືອງຂອງຕົນ, ໃນການໃຊ້ສິດປະຊາທິປະໄຕເຕັມສ່ວນ, ສຸມສະຕິປັນຍາໃສ່ໃນການຄົ້ນຄວ້າ, ຄັດເລືອກເອົາເປົ້າໝາຍຜູ້ທີ່ ມີເງື່ອນໄຂມາດຖານຄົບຖ້ວນເຂົ້າໃນແຜນກຳນົດພະນັກງານນໍາພາ-ບັນຊາ ຂັ້ນກະຊວງປ້ອງກັນປະເທດ ຄຸ້ມຄອງ ຢູ່ຫ້ອງວ່າການກະຊວງປ້ອງກັນປະເທດເພື່ອໃຫ້ໄດ້ຜົນສຳເລັດຈົບງາມຕາມຄາດໝາຍທີ່ວາງໄວ້. ໂດຍ: ສົມຄິດ ພູມມີຈິດ

news to day and hot news