ວັນສຸກ, ວັນທີ 06 ທັນວາ 2024
ທະຫານແຂວງໄຊຍະບູລີ ເປັນເຈົ້າພາບຈັດກອງປະຊຸມເຜີຍແຜ່ຄໍາສັ່ງຂອງກະຊວງປ້ອງກັນປະເທດ
ເວລາອອກຂ່າວ: 2023-08-09 12:05:45 | ຜູ້ຂຽນ : admin2 | ຈຳນວນຄົນເຂົ້າຊົມ: 783 | ຄວາມນິຍົມ: 
ໃນວັນທີ 7 ສິງຫາ 2023 ນີ້, ກອງບັນຊາການທະຫານແຂວງໄຊຍະບູລີ ໄດ້ເປັນເຈົ້າພາບຈັດກອງປະຊຸມເຜີຍແຜ່ຄໍາສັ່ງ ຂອງກະຊວງປ້ອງກັນປະເທດ ວ່າດ້ວຍການເພີ່ມທະວີການນໍາພາປັບປຸງວຽກງານກຽມພ້ອມສູ້ຮົບທົ່ວກອງທັບຢູ່ທີ່ສະໂມສອນຂອງກົມກອງ ໂດຍການເປັນປະທານຂອງ ສະຫາຍ ພົນຈັດຕະວາ ສົມພອນ ມິດຕະພອນ, ຮອງຫົວໜ້າກົມໃຫຍ່ເສນາທິການກອງທັບ, ມີສະຫາຍ ພັນເອກ ດາວນ້ອຍ ບຸດບົວທອງ, ຄະນະປະຈຳພັກແຂວງ, ຫົວໜ້າການເມືອງ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາທີ່ມາຈາກກໍາລັງຫຼວງ ແລະ ກໍາລັງທ້ອງຖິ່ນເຂດພາກເໜືອ ເຂົ້າຮ່ວມ.
ໃນວາລະດໍາເນີນກອງປະຊຸມຜູ້ເຂົ້າຮ່ວມໄດ້ຮັບຟັງການເຜີຍແຜ່ເອກະສານ ຄື: ຄໍາສັ່ງຂອງກະຊວງປ້ອງກັນປະເທດ ວ່າດ້ວຍການເພີ່ມທະວີການນໍາພາປັບປຸງວຽກງານກຽມ ພ້ອມສູ້ຮົບ, ເອກະສານຄໍາສັ່ງຮົບຮົມອັດແອບ ແລະ ບາງມາດຕະການກ່ຽວກັບການປັບປຸງລະບຽບແບບແຜນຂອງກອງທັບ, ເອກະ ສານວຽກງານຈັດຕັ້ງພັກ, ເອກະສານວຽກງານພະນັກງານ, ເອກະສານວຽກໂຄສະນາອົບຮົມ, ເອກະສານວຽກງານເສນາພະລາ, ເອກະສານວຽກງານເຕັກນິກ ແລະ ເອກະສານອື່ນໆ ຈໍານວນໜຶ່ງ.
ຈຸດປະສົງໃນການເຜີຍແຜ່ເອກະສານໃນຄັ້ງນີ້ ກໍ່ເພື່ອເປັນການຍົກສູງສະຕິໃນການເພີ່ມທະວີການນໍາພາປັບປຸງວຽກງານດ້ານຕ່າງຂອງກອງທັບແບບໃໝ່ໃຫ້ສູງຂຶ້ນ, ພ້ອມເຮັດໜ້າທີ່ການເມືອງທີ່ພັກ-ລັດ ແລະ ການຈັດຈັ້ງມອບໝາຍໃຫ້ ມີຄວາມເປັນເອກະພາບກັບໃນທົ່ວກອງທັບຮັບປະກັນໄດ້ໃນເງື່ອນໄຂສະພາບການໃໝ່ໃຫ້ທັນເວລາ ກອງປະຊຸມຄັ້ງນີ້ຈະດໍາເນີນໄປເປັນເວລາ 3 ວັນຈິ່ງຈະສໍາເລັດລົງ.
ຂ່າວ-ພາບ: ນາງ ບົວລິວັນ ໂສພາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
