ວັນສຸກ, ວັນທີ 06 ທັນວາ 2024
ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ຕອ້ນຮັບ ເອກອັກຄະລັດຖະທູດ ສ.ອິນເດຍ ປະຈຳ ສປປ ລາວ
ເວລາອອກຂ່າວ: 2023-08-25 16:10:52 | ຜູ້ຂຽນ : admin2 | ຈຳນວນຄົນເຂົ້າຊົມ: 1661 | ຄວາມນິຍົມ: 
ໃນວັນທີ 18 ສິງຫາ 2023 ນີ້, ສະຫາຍ ພົນຕີ ຄຳຫຼ້າ ພັນໄຊຍະສຸກ ກຳມະການຄະນະພັກ ກະຊວງປ້ອງກັນປະເທດ, ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ພ້ອມດ້ວຍຄະນະ ໄດ້ໃຫ້ກຽດຕ້ອນຮັບການເຂົ້າພົບປະ ແລະ ຢ້ຽມຢາມ ຂອງ ທ່ານ ປຣາຊານ ອັງກຣາວາ ເອກອັກຄະລັດຖະທູດ ສ.ອິນເດຍ ປະຈຳ ສປປ ລາວ.
ໂອກາດນີ້, ສະຫາຍ ພົນຕີ ຄຳຫຼ້າ ພັນໄຊຍະສຸກ ກໍໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາສູງການມາປະຕິບັດໜ້າທີ່ດຳລົງຕຳແໜ່ງເປັນເອກອັກຄະລັດຖະທູດຄົນໃໝ່ ປະຈຳ ສປປ ລາວ ພ້ອມທັງຍົກໃຫ້ເຫັນສາຍພົວພັນຮ່ວມມືທີ່ດີລະຫວ່າງສອງ ປະເທດ ລາວ-ອິນເດຍ ໃນໄລຍະທີ່ຜ່ານມາ ແລະ ຫວັງຢ່າງຍິ່ງວ່າການມາປະຕິບັດໜ້າທີ່ໃນຄັ້ງນີ້ ຈະເປັນອີກບາດກ້າວໜຶ່ງໃນການເສີມຂະຫຍາຍການພົວພັນຮ່ວມມືການຊ່ວຍເຫຼືອເຊິ່ງກັນ ແລະ ກັນ ໂດຍສະເພາະຂົງເຂດວຽກງານການພັດທະນາສ້າງບຸກຄະລາກອນ ແລະ ວຽກງານການທະຫານລະຫວ່າງສອງກອງທັບ ລາວ-ອິນເດຍ ໃຫ້ນັບມື້ນັບເຂັ້ມແຂງ.
ທ່ານ ປຣາຊານ ອັງກຣາວາ ກໍໄດ້ກ່າວສະແດງຄວາມຂອບໃຈຕໍ່ ສະຫາຍ ພົນຕີ ຄຳຫຼ້າ ພັນໄຊຍະ ທີ່ໃຫ້ການ ຕ້ອນຮັບຢ່າງອົບອຸ່ນ ແລະ ໃຫ້ຄໍາໝັ້ນສັນຍາວ່າຈະເປັນຂົວຕໍ່ທີ່ດີໃນການພັດທະນາສາຍພົວພັນມິດຕະພາບ ແລະ ການຮ່ວມມືເພື່ອການພັດທະນາຂອງສອງປະເທດ ສອງກອງທັບ ແລະ ສອງວິທະຍາຄານໃຫ້ຈະເລີນງອກງາມຍິ່ງໆ ຂຶ້ນ
ໂດຍ: ພິດະໄໝ ແກ້ວມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
