POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ການນຳພາກຳລັງປະກອບອາວຸດປະຕິວັດຂອງສະຫາຍກິມ ເຈິງ ອິນ
ເວລາອອກຂ່າວ: 2023-08-25 17:41:48 | ຜູ້ຂຽນ : admin2 | ຈຳນວນຄົນເຂົ້າຊົມ: 1737 | ຄວາມນິຍົມ:

ສະຫາຍກິມ ເຈິງ ອິນ ໄດ້ເດີນທາງເພື່ອກວດກາກອງທະຫານລົດຕັງເຊອຸນ ຣິວ ກຽງ ຊຸ 105 ຂອງກອງທັບປະຊາຊົນເກົາຫຼີໃນວັນທີ 25 ສິງຫາປີ 1960,ໄດ້ເປັນຈຸດເລີ່ມຕົ້ນແຫ່ງການນຳພາກຳລັງປະກອບອາວຸດປະຕິວັດຂອງເພິ່ນ.ສະຫາຍ ກິມ ເຈິງ ອິນ ໄດ້ເກັບກຳບົດຮຽນທາງປະຫວັດສາດໄວ້ໃນໃຈວ່າ: ປະເທດຊາດຈະຕົກເປັນເຫຍື່ອຈາກການຮຸກຮານຂອງຕ່າງຊາດຢ່າງບໍ່ຍຸດຕິທຳ ຖ້າຫາກວ່າປະເທດ ບໍ່ມີກຳລັງປ້ອງກັນຊາດທີ່ເຂັ້ມແຂງພຽງພໍແລະເພິ່ນຍັງໄດ້ມີບຸລິມະສິດໃຫ້ສ້າງແບບແຜນການເມືອງແກ່ວຽກງານການທະຫານໃນທຸກວຽກງານ ຕະຫຼອດໄລຍະແຫ່ງການນຳພາພາລະກິດປະຕິວັດ ເກົາຫຼີ. ໂດຍການສຶບຕໍ່ປະຕິບັດຕາມແນວຄິດທີ່ໃຫ້ຄວາມສຳຄັນກ່ວາໝູ່ແກ່ວຽກງານການທະຫານ ຂອງປະທານ ກິມ ອິນ ຊຸງ, ບິດາຜູ້ກໍ່ຕັ້ງສັງຄົມນິຍົມເກົາຫຼີນັ້ນ ຕະຫຼອດໃນໄລຍະຫຼາຍກວ່າເຄິ່ງສະຕະວັດຜ່ານມາ, ການນຳພາກຳລັງປະກອບອາວຸດຂອງສະຫາຍ ກິມ ເຈິງ ອິນໄດ້ຕັ້ງໜ້າສ້າງຄວາມເຂັ້ມແຂງທາງດ້ານການທະຫານຂອງຕົນເພື່ອໃຫ້ກາຍເປັນໜຶ່ງໃນບັນດາກອງທັບທີ່ມີຄວາມເຂັ້ມແຂງທີ່ສຸດ. ທຸກມື້ນີ້ ກອງທັບປະຊາຊົນເກົາຫຼີ ແມ່ນບໍ່ມີກອງທັບໃດເທົ່າທຽມໄດ້ທາງດ້ານຄວາມເຂັ້ມແຂງຄຸນທາດການເມືອງ ແລະ ແນວຄິດ. ກາຍເປັນກອງກໍາລັງທີ່ຖືກກຳນົດມາເພື່ອປ້ອງກັນຄວາມໝັ້ນຄົງຜືນແຜ່ນດິນປິຕິພູມຂອງພວກເຂົາເຈົ້າຈາກການຮຸກຮານຂອງພວກຈັກກະພັດຕ່າງດ້າວ, ພວກເຂົາ ຍອມເສຍສະຫຼະຊີວິດເພື່ອປະເທດຊາດ, ຜູ້ນຳ ແລະ ປະຊາຊົນຂອງຕົນ. ການນຳພາກຳລັງປະກອບອາວຸດປະຕິວັດຂອງສະຫາຍ ກິມ ເຈິງ ອິນ ໄດ້ສືບຕໍ່ສ້າງຄວາມແຂງແກ່ນ ເປັນເອກະພາບ ເປັນຈິດໜຶ່ງໃຈດຽວໃນທົ່ວສັງຄົມເກົາຫຼີ. ຄວາມເປັນເອກະພາບທາງດ້ານແນວຄິດ ແລະ ອຸດົມການ ລະຫວ່າງ ຜູ້ນຳ, ທະຫານ ແລະ ປະຊາຊົນ ແມ່ນລັກສະນະພິເສດໜຶ່ງຂອງສັງຄົມເກົາຫຼີ. ສະຫາຍ ກິມ ເຈິງ ອິນຍາມໃດກໍຖືເອົາກອງທັບປະຊາຊົນເກົາຫຼີ ເປັນກຳລັງສຳຄັນໃນການຈັດຕັ້ງປະຕິບັດພາລະກິດສັງຄົມນິຍົມແລະຊຸກຍູ້ສົ່ງເສີມໃຫ້ພວກເຂົາເຈົ້າສ້າງນ້ຳໃຈທະຫານປະຕິວັດທີ່ມານະອົດທົນເພື່ອຜູກສຳພັນຄວາມສາມັກຄີແລະຄວາມເປັນເອກະພາບຂອງທົ່ວສັງຄົມທາງດ້ານແນວຄິດແລະອຸດົມການ. ນອກຈາກນີ້ ສະຫາຍ ກິມ ເຈິງ ອິນ ຍັງໄດ້ສະເໜີແນວທາງແຫ່ງການສ້າງສາເສດຖະກິດໂດຍໃຫ້ບຸລິມະສິດຕໍ່ການພັດທະນາອຸດສາຫະກຳປ້ອງກັນຊາດ ແລະ ພ້ອມໆກັບການພັດທະນາອຸດສາຫະກຳເບົາແລະວຽກງານກະສິກຳ. ເຊິ່ງເປັນແນວທາງຄ້ຳປະກັນຕໍ່ການພັດທະນາເສດຖະກິດຂອງປະເທດ ເຖິງແມ່ນວ່າຈະປະເຊີນໜ້າຕໍ່ການກະທຳອັນຮ້າຍແຮງທີ່ສຸດຂອງບັນດາຈັກກະພັດເພື່ອຮຸກຮານ, ຂວໍ້າບາດ ແລະ ບີບຮັດ ສປປເກົາຫຼີກໍ່ຕາມ. ດາວທຽມ 4 ດວງ ທີ່ໄດ້ຜະລິດເອງ100%ກໍ່ໄດ້ຮັບການຍິງຂຶ້ນສູ່ວົງໂຄຈອນຢ່າງມີຜົນສຳເລັດ.ສ່ວນ ອຸດສາຫະກຳການກໍ່ສ້າງເຄື່ອງຈັກກໍ່ໄດ້ມີການນຳໃຊ້ເຕັກໂນໂລຊີຊັ້ນສູງຂອງລະບົບ CNC ແລະ ທຸກໆ ໂຮງງານກໍ່ກຳລັງເດີນໜ້າໃນການຜະລິດທີ່ທັນສະໄໝ ໂດຍອີງໃສ່ ເຕັກໂນໂລຊີ CNC. ຈຸດມຸ້ງໝາຍ ເພື່ອຄວາມເປັນທັນສະໄໝໃນທົ່ວປະເທດ ມີການນຳໃຊ້ອຸປະກອນເຄື່ອງຈັກ ທີ່ນຳໃຊ້ເຕັກໂນໂລຊີ ຂອງໂຮງງານ ເຊິ່ງຈະເຮັດໃຫ້ອາຄານ ໂຮງງານຂອງພວກເຂົາເຈົ້າ ກາຍເປັນຮູບແບບເສດຖະກິດສີຂຽວແລະຕິດຕັ້ງສາຍການຜະລິດແບບອັດຕະໂນມັດ ຢ່າງເຕັມສວ່ນ. ລະບົບການຜະລິດເຫຼັກ ແບບໃໝ່ທີ່ບໍ່ໄດ້ໃຊ້ຖ່ານຫີນທີ່ນຳເຂົ້າຈາກຕ່າງປະເທດແລະເສດເຫຼັກກໍ່ໄດ້ຮັບການສ້າງຕັ້ງຂຶ້ນໃນອຸດສາຫະກຳຫຼອມເຫຼັກກ້າ. ອຸດສາຫະກຳເບົາແລະວຽກງານກະສິກຳກໍ່ກຳລັງສ້າງຄວາມກ້າວໜ້າບົນພື້ນຖານການຂະຫຍາຍຕົວ ຂອງ ອຸດສາຫະກຳປ້ອງກັນຊາດ ແລະ ອຸດສາຫະກຳໜັກ. ອຸດສາຫະກຳສາຍໃຍແກ້ວ ແລະ ປຸ໋ຍທີ່ນຳໃຊ້ວັດຖຸດິບແລະເຊື້ອເພີງພາຍໃນໄດ້ຖືກສ້າງຕັ້ງຂຶ້ນແລະດຳເນີນກິດຈະການ. ບັນດາໂຮງງານຜະລິດອາຫານແລະການສ້າງຕັ້ງອຸດສາຫະກຳເບົາອື່ນໆໄດ້ມີການຍົກລະດັບທາງເຕັກນິກເພື່ອການຜະລິດສິນຄ້າບໍລິໂພກທີ່ມີຄຸນນະພາບໃຫ້ແກ່ມວນຊົນເຊິ່ງເປັນການປະກອບສ່ວນໃນການປັບປຸງມາດຕະຖານການດຳລົງຊີວິດຂອງປະຊາຊົນໃຫ້ດີຂຶ້ນ. ຄວາມກ້າວໜ້າອີກອັນໜຶ່ງທີ່ເຮັດໄດ້ ໃນຂະແໜງການສຶກສາ, ສາທາລະນະສຸກ, ສີລະປະແລະວັດທະນະທຳແລະຂະແໜງການອື່ນໆຂອງການດຳລົງຊີວິດທາງສັງຄົມພາຍໃຕ້ຄຳຂວັນທີ່ວ່າ “ບຸກເບີກຂົງເຂດວິທະຍາສາດຊັ້ນສູງ!”. ຍ້ອນມີ ການນຳພາ ຂອງ ສະຫາຍ ກິມ ເຈິງ ອຸນ, ຜູ້ສືບທອດພາລະກິດການປະຕິວັດ ທີ່ຍິ່ງໃຫຍ່, ກຳລັງປະກອບອາວຸດການປະຕິວັດ ແຫ່ງ ສປປ ເກົາຫຼີ ໄດ້ກາຍເປັນກຳລັງປະກອບ ອາວຸດທີ່ເຂັ້ມແຂງ ສາມາດປົກປັກຮັກສາ ປະເທດຊາດ ໄວ້ໄດ້ຢ່າງໝັ້ນຄົງ.

news to day and hot news