ວັນອັງຄານ, ວັນທີ 03 ທັນວາ 2024
ກອງບັນຊາການທະຫານແຂວງວຽງຈັນ ມອບລົດໃຫ້ກອງບັນຊາການທະຫານເມືອງແມດ
ເວລາອອກຂ່າວ: 2023-08-28 15:37:48 | ຜູ້ຂຽນ : admin2 | ຈຳນວນຄົນເຂົ້າຊົມ: 870 | ຄວາມນິຍົມ: 
ໃນວັນທີ 25 ສິງຫາ 2023 ນີ້, ກອງບັນຊາການທະຫານແຂວງວຽງຈັນ ໄດ້ມອບລົດກະບະສີ່ປະຕູຍີ່ຫໍ້ NISSAN (ນີສັ່ນນາວາລ່າ) ສີຂາວໃຫ້ແກ່ກອງບັນຊາການທະຫານເມືອງແມດ, ໂດຍການເປັນປະທານ ແລະ ການກ່າວມອບຂອງ ສະຫາຍ ພັນເອກ ບຸນຜອງ ບຸດທະວົງ ກໍາມະການພັກແຂວງ, ຮອງເລຂາຄະນະພັກ, ຫົວໜ້າການເມືອງ, ກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາອົງການ 5 ຫ້ອງພະແນກການທີ່ກ່ຽວຂ້ອງ ແລະ ຄະນະພັກ-ຄະນະບັນຊາກົມກອງທີ່ກ່ຽວຂ້ອງເຂົ້າຮ່ວມ.
ໃນພິທີ ສະຫາຍ ພັນໂທ ຫຸມພັນ ສີຍາແສງ, ຄະນະພັກກອງບັນຊາການ, ຫົວໜ້າຫ້ອງການ-ບໍລິຫານທະຫານແຂວງວຽງຈັນ, ໄດ້ຂຶ້ນຜ່ານຂໍ້ຕົກລົງຂອງກອງບັນຊາການທະຫານແຂວງວຽງຈັນ ວ່າດ້ວຍການມອບລົດກະບະ 4 ປະຕູ ຍີ່ຫໍ້ NISSAN( ນີສັ່ນນາວາລ່າ) ສີຂາວ ທະບຽນ ກກ 9894, ມູນຄ່າ 488.400.00ກີບ(ສີ່ຮ້ອຍແປດສິບແປດລ້ານສີ່ແສນກີບ), ອີງຕາມການຄົ້ນຄ້ວາເຫັນດີເປັນເອກະພາບຂອງຄະນະພັກ-ຄະນະບັນຊາກອງບັນຊາການທະຫານແຂວງວຽງຈັນ, ປະກອບສ່ວນໃຫ້ກອງບັນຊາການທະຫານເມືອງແມດ ຮັບໃຊ້ເຂົ້າໃນວຽກງານລວມຂອງກົມກອງ.
ໂອກາດດັ່ງກ່າວ, ສະຫາຍ ພັນເອກ ບຸນຜອງ ບຸດທະວົງ ກໍໄດ້ມີຄຳເຫັນໂອ້ລົມ ພ້ອມທັງເໜັ້ນໜັກໃຫ້ ຄະນະພັກ-ຄະນະບັນຊາ ແລະ ນັກຂັບຂີ່ ເອົາໃຈໃສ່ ຄຸ້ມຄອງ, ບົວລະບັດປົກປັກຮັກສາ ໃຫ້ນຳໃຊ້ໄດ້ຍາວນານ, ນຳໃຊ້ເຂົ້າໃນໜ້າທີ່ວຽກງານລວມໃຫ້ຖືກເປົ້າໝາຍ, ກຳແໜ້ນສະພາບເຕັກນິກຂອງລົດໃຫ້ແໜ້ນ, ມີສະຕິຄວາມຮັບຜິດຊອບສູງຕໍ່ໜ້າທີ່ຂອງນັກຂັບຂີ່ວິຊາສະເພາະປະຕິບັດກົດລະບຽບຂອງນັກຂັບຂີ່ ແລະ ກົດລະບຽບຈາລະຈອນໃຫ້ຖືກຕ້ອງ, ກວດກາພາຫະນະເຕັກນິກ ທຸກຄັ້ງກ່ອນນຳໃຊ້, ເພື່ອຄວາມປອດໄພ.
ໂດຍ: ຈັນທະຈອນ ສີສະເກດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
