ວັນສຸກ, ວັນທີ 06 ທັນວາ 2024
ກອງພົນທີ 3 ທາບທາມບຸກຄະລາກອນ ຄະນະພັກຮາກຖານຫ້ອງເຕັກນິກ, ຫ້ອງເສນາທິການຮອບ 2
ເວລາອອກຂ່າວ: 2023-08-29 13:11:06 | ຜູ້ຂຽນ : admin2 | ຈຳນວນຄົນເຂົ້າຊົມ: 1107 | ຄວາມນິຍົມ: 
ໃນຕອນເຊົ້າຂອງວັນທີ 28 ສິງຫາ 2023 ນີ້, ຄະນະພັກຮາກຖານຫ້ອງເຕັກນິກ, ຫ້ອງເສນາທິການ ໄດ້ທາບທາມບຸກຄະລາກອນ ຄະນະພັກຮາກຖານ ຮອບທີ 2 ຂຶ້ນຢູ່ທີ່ສະໂມສອນກອງພົນທີ 3, ໂດຍການເປັນປະທານຂອງ ສະຫາຍ ພົນຈັດຕະວາ ໄຊຍະວົງ ໄຊນາມທິລາດ, ເລຂາຄະນະພັກກອງພົນ ຫົວໜ້າການທະຫານກອງພົນທີ 3, ມີບັນດາສະຫາຍໃນ ຄະນະພັກຮາກຖານ, ຄະນະໜ່ວຍພັກ ມາຈາກຫ້ອງເຕັກນິກ, ຫ້ອງເສນາທິການ, ມີສະມາຊິກພັກສົມບູນ ເຂົ້າຮ່ວມຢ່າງພ້ອມພຽງ.
ສະຫາຍ ພັນໂທ ເພັດສິນສັງ ສຸຂະທິວົງ, ຫົວໜ້າພະແນກຈັດຕັ້ງພັກ ກອງພົນທີ 3 ກໍ່ໄດ້ສະເໜີກ່າວຈຸດປະສົງ, ມາດຖານເງື່ອນໄຂຂອງບຸກຄະລາກອນ ຜູ້ທີ່ຈະສະໝັກເລືອກຕັ້ງເປັນຄະນະພັກຮາກຖານຊຸດໃໝ່, ຕ້ອງເປັນຜູ້ທີ່ມີຄວາມຮູ້, ຄວາມສາມາດ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີສຸຂະພາບແຂງແຮງ ສາມາດນຳພາ-ບັນຊາ ກົມກອງຂອງຕົນໃຫ້ກ້າວຂຶ້ນຢ່າງບໍ່ຢຸດຢັ້ງ.
ໂອກາດນີ້, ຜູ້ແທນກອງປະຊຸມກໍ່ໄດ້ໃຊ້ສິດປະຊາທິປະໄຕຂອງຕົນລົງຄະແນນສຽງ ເພື່ອທາບທາມເອົາຄະນະພັກຮາຖານຊຸດໃໝ່ ຢ່າງຖືກຕ້ອງຕາມຫຼັກການຂອງພັກປະຊາຊົນປະຕິວັດລາວ ວາງອອກ.
ຂ່າວຍັງໃຫ້ຮູ້ຕື່ມອີກວ່າ: ໃນວັນດຽວກັນນີ້ຄະນະພັກຮາກຖານ ຫ້ອງການ, ຫ້ອງການເມືອງກໍ່ ໄດ້ທາບທາມບຸກຄະລາກອນ ຄະນະພັກຮາກຖານ ຮອບທີ 2 ເຊັ່ນດຽວກັນ, ໂດຍການເປັນປະທານຂອງ ສະຫາຍ ພັນເອກ ສໍຍັນ ລໍອິນສອນ, ຮອງເລຂາຄະນະພັກກອງພົນ, ຫົວໜ້າການເມືອງ ກອງພົນທີ 3. ມີບັນດາສະຫາຍໃນ ຄະນະພັກຮາກຖານ, ຄະນະໜ່ວຍພັກ ມາຈາກຫ້ອງການ, ຫ້ອງການເມືອງ, ມີສະມາຊິກພັກສົມບູນ ເຂົ້າຮ່ວມຢ່າງພ້ອມພຽງ.
ພາບ-ຂ່າວໂດຍ :ສົມຫມາຍ ໄຊວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
