POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ກອງພົນທີ 2 ຈັດກອງປະຊຸມເຜີຍແຜ່ຄໍາສັ່ງເເນະນຳ ຄັດເລືອກຜົນງານຍ້ອງຍໍ 5 ປີ
ເວລາອອກຂ່າວ: 2023-08-29 13:30:21 | ຜູ້ຂຽນ : admin2 | ຈຳນວນຄົນເຂົ້າຊົມ: 1457 | ຄວາມນິຍົມ:

ໃນວັນທີ 25 ສິງຫາ ປີ 2023 ທີ່ຜ່ານມານີ້, ກອງພົນທີ 2 ໄດ້ຈັດກອງປະຊຸມເຜີຍແຜ່ຄໍາສັ່ງເເນະນໍາຂອງກະຊວງປ້ອງກັນປະເທດ ວ່າດ້ວຍ ການຄັດເລືອກຜົນງານຍ້ອງຍໍ 5 ປີເພື່ອຂໍ່ານັບຮັບຕ້ອນ ເເລະ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໂດຍການເປັນປະທານຂອງ ສະຫາຍ ພົນຈັດຕະວາ ຄຳດີ ໄຊຍະວົງ, ຮອງເລຂາຄະນະພັກ, ຫົວໜ້າການທະຫານກອງພົນທີ 2, ມີບັນດາສະຫາຍຫົວໜ້າຫ້ອງ, ພະແນກການທີ່ກ່ຽວຂ້ອງ, ຄະນະພັກ-ຄະນະບັນຊາກົມກອງທີຂຶ້ນກັບເຂົ້າຮ່ວມ. ໃນກອງປະຊຸມ ສະຫາຍ ພັນໂທ ທອງອ່ອນ ສີທຸມພະຣັດ, ຫົວໜ້າພະເເນກນະໂຍບາຍ, ຫ້ອງການເມືອງກອງພົນທີ 2 ໄດ້ຂຶ້ນຜ່ານຄຳສັງເເນະນຳ ຂອງກະຊວງປ້ອງກັນປະເທດ ວ່າດ້ວຍ ການຄັດເລືອກຜົນງານຍ້ອງຍໍ 5 ປີເພື່ອຂຳນັບຮັບຕ້ອນ ເເລະ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ເເລະ ເເຈ້ງການຂອງກະຊວງພາຍໃນເລື່ອງການຂໍຂຶ້ນທະບຽນ ເເລະ ອະນຸມັດຍ້ອງຍໍຕ່າງໆ ຂອງກະຊວງປ້ອງກັນປະເທດ. ເພື່ອເປັນການສະຫຼຸບຕີລາຄາ, ປະເມີນຜົນການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ 5 ປີ ທົ່ວກອງທັບ ເພື່ອເຮັດໃຫ້ການຄັດເລືອກຜົນງານດໍາເນີນໄປຢ່າງຖືກຕ້ອງ, ໜັກແໜ້ນ ແລະ ມີຄຸນນະພາບສູງ ຮັບປະກັນໃຫ້ແກ່ການຈັດຕັ້ງປະຕິບັດນະໂຍບາຍຍ້ອງຍໍສັນລະເສີນໃຫ້ສອດຄ່ອງ, ຖືກຕາມເປົ້າໝາຍທີ່ດີເດັ່ນ, ມີຜົນງານຕົວຈິງຕິດພັນກັບການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ; ເປັນການທົບທວນຄືນຜົນງານ, ຄຸນງາມຄວາມດີ ຂອງພະນັກງານ-ນັກຮົບ ທີ່ໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະ 5 ປີຜ່ານມາ; ແນໃສ່ສືບຕໍ່ປຸກລະດົມຊຸກຍູ້ນໍ້າໃຈຟົດຟື້ນປະຕິວັດ, ເສີມຂະຫຍາຍຫົວຄິດປະດິດສ້າງ, ສະຕິປັນຍາ, ກໍາລັງແຮງສັງລວມຂອງບຸກຄົນ ເເລະ ກົມກອງລວມໝູ່ ເພື່ອພ້ອມກັນເຮັດສໍາເລັດໜ້າທີ່ການເມືອງທີ່ ພັກ-ລັດ ມອບໝາຍໃຫ້. ສໍາລັບການຍ້ອງຍໍກົມກອງລວມໝູ່ແມ່ນໃຫ້ປະຕິບັດຕາມການເເຈ້ງການຂອງກະຊວງພາຍໃນ ເເລະ ຄໍາສັ່ງເເນະນໍາຂອງລັດຖະມົນຕີກະຊວງປ້ອງກັນປະເທດ ວ່າດ້ວຍ ການເພີ່ມທະວີ ວ່າດ້ວຍ ການເເຂ່ງຂັນ-ຍ້ອງຍໍໃນກອງທັບ, ຮູບການຍ້ອງຍໍແມ່ນປະເພດຫຼຽນໄຊແຮງງານ ຊັ້ນ I, ຊັ້ນ II, ຊັ້ນ III; ຫຼຽນໄຊພິລະອາດຫານ ຊັ້ນ I; ຊັ້ນ II, ຊັ້ນ III; ຫຼຽນກາແຮງງານ, ໃບຍ້ອງຍໍລັດຖະບານ, ໃບຍ້ອງຍໍກະຊວງປ້ອງກັນປະເທດ ແລະ ໃບຍ້ອງຍໍກົມໃຫຍ່ການເມືອງກອງທັບ; ນອກຈາກຮູບການຍ້ອງຍໍຂອງຂັ້ນເທິງແລ້ວ ແມ່ນມອບໃຫ້ກົມກອງທ້ອງຖິ່ນ, ນະຄອນຫຼວງ, ແຂວງທີ່ຂຶ້ນກັບ ຄົ້ນຄວ້າຍ້ອງຍໍຕື່ມຕາມຜົນງານຕົວຈິງ. ຈາກນັ້ນ, ກອງປະຊຸມ ກໍໄດ້ຮັບຟັງການຂຶ້ນປະກອບຄໍາຄິດເຫັນຂອງ ສະຫາຍ ພັນເອກ ວົງເພັດ ເພັງພານິດ ຄະນະປະຈຳພັກກອງພົນ ຫົວໜ້າຫ້ອງການເມືອງກອງພົນທີ 2 ຕໍ່ກັບມາດຖານເງື່ອນໄຂຍ້ອງຍໍຜົນງານ 5 ປີຕື່ມອີກ. ໃນກອງປະຊຸມຍັງໄດ້ຮັບຟັງການໂອ້ລົມຈາກ ສະຫາຍ ພົນຈັດຕະວາ ຄຳດີ ໄຊຍະວົງ ປະທານກອງປະຊຸມກໍໄດ້ໃຫ້ທິດຊີ້ນໍາຕໍ່ຄະນະພັກ-ຄະນະບັນຊາແຕ່ລະກົມກອງ ເປັນເຈົ້າການຈັດຕັ້ງປະຕິບັດດ້ວຍຄວາມຮັບຜິດຊອບສູງນຳເອົາເນື້ອໃນຈິດໃຈກອງປະຊຸມໄປຈັດຕັ້ງຜັນຂະຫຍາຍ; ບຸກຄົນທີ່ຖືກຍ້ອງຍໍຕ້ອງແມ່ນຜູ້ທີ່ມີຫຼັກໝັ້ນການເມືອງ-ແນວຄິດໜັກແໜ້ນ, ມີຄຸນສົມບັດ-ສິນທໍາປະຕິວັດ, ມີຄວາມຮູ້, ຄວາມສາມາດ, ມີຄວາມສາມັກຄີ, ມີທັດສະນະມະຫາຊົນກວ້າງຂວາງ, ຮູ້ຈໍາແນກມິດສັດຕູຈະແຈ້ງ, ມີແບບແຜນວິທີເຮັດວຽກ, ມີຫົວຄິດປະດິດສ້າງ, ມີຜົນງານດີເດັ່ນ, ຫ້າວຫັນວ່ອງໄວ, ສາມາດເຮັດສໍາເລັດໜ້າທີ່ທີໄດ້ຮັບມອບໝາຍ. ພາບ-ຂ່າວ: ອານຸສັກ ອຳພັນວິໄລ

news to day and hot news