ວັນອັງຄານ, ວັນທີ 03 ທັນວາ 2024
ກອງພົນທີ 3 ທາບທາມບຸກຄະລາກອນ ຄະນະພັກຮາກຖານຫ້ອງພະລາທິການ, ໂຮງໝໍ ຮອບທີ 2
ເວລາອອກຂ່າວ: 2023-08-29 14:53:19 | ຜູ້ຂຽນ : admin2 | ຈຳນວນຄົນເຂົ້າຊົມ: 1339 | ຄວາມນິຍົມ: 
ໃນຕອນເຊົ້າຂອງວັນທີ 29 ສິງຫາ 2023 ນີ້, ກອງພົນທີ 3 ໄດ້ທາບທາມບຸກຄະລາກອນ ຄະນະພັກຮາກຖານ ຫ້ອງພະລາທິການ, ໂຮງໝໍ ກອງພົນທີ 3 ຮອບທີ 2 ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ໄຊຍະວົງ ໄຊນາມທິລາດ ເລຂາຄະນະພັກກອງພົນ, ຫົວໜ້າການທະຫານ ກອງພົນທີ 3, ມີຄະນະພັກຮາກຖານ, ສະມາຊິກພັກສົມບູນ, ພະນັກງານຫຼັກແຫຼ່ງພາຍໃນກົມກອງ ເຂົ້າຮ່ວມ.
ໃນພິທີ, ສະຫາຍ ພັນໂທ ເພັດສິນສັງ ສຸຂະທິວົງ ຫົວໜ້າພະແນກຈັດຕັ້ງພັກ ກອງພົນທີ 3 ກໍໄດ້ສະເໜີກ່າວຈຸດປະສົງ, ມາດຖານເງື່ອນໄຂຂອງບຸກຄະລາກອນຜູ້ທີ່ຈະສະໝັກເລືອກຕັ້ງເປັນຄະນະພັກຮາກຖານຊຸດໃໝ່ ແມ່ນອີງໃສສະພາບຄວາມຮຽກຮ້ອງຕ້ອງການຂອງໜ້າທີ່ການເມືອງໄລຍະໃໝ່ ໃຫ້ມີຄວາມຖືກຕ້ອງແທດເໝາະກັບສະພາບຄວາມເປັນຈິງ ໃນເງື່ອນໄຂໃໝ່ເຮົາຕ້ອງໄດ້ສ້າງແຜນການກຳນົດພະນັກງານສືບຖອດປ່ຽນແທນໃນຕໍ່ໜ້າໂດຍອີງໃສ່ຕາມ 5 ມາດຖານ ເງື່ອນໄຂຂອງພັກເປັນຕົ້ນ: ແມ່ນຜູ້ທີມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດ, ສືສັດບໍລິສຸດຜຸດຜ່ອງ, ມີຄວາມຈົງຮັກພັກດີຕໍ່ພັກຕໍ່ປະເທດຊາດ, ມີສຸຂະພາບແຂງແຮງ, ມີຄວາມສາມັກຄີລະຫວ່າງຂັ້ນເທິງ-ຂັ້ນລຸ່ມ ແລະ ພາຍໃນໝູ່ຄະນະ, ມີບົດຮຽນປະສົບການ ແລະ ແບບແຜນເຮັດວຽກທີ່ແນ່ນອນ.
ໃນໂອກາດດັ່ງກ່າວນີ້, ຜູ້ແທນກອງປະຊຸມກໍໄດ້ໃຊ້ສິດປະຊາທິປະໄຕຂອງຕົນລົງຄະແນນສຽງ ເພື່ອທາບທາມເອົາຄະນະພັກຮາຖານຊຸດໃໝ່ ຢ່າງຖືກຕ້ອງຕາມຫຼັກການຂອງພັກປະຊາຊົນປະຕິວັດລາວ ຖືກຕ້ອງຕາມຫຼັກການຂອງພັກ.
ພາບ-ຂຽນໂດຍ: ເທບພະກອນ ລັດຕະນະສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
