POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ມອບ-ຮັບໜ້າທີ່ ຮອງຫົວໜ້າຫ້ອງເສນາທິການທະຫານແຂວງວຽງຈັນ ລະຫວ່າງຜູ້ເກົ່າ ແລະ ຜູູ້ໃໝ່
ເວລາອອກຂ່າວ: 2023-08-31 15:20:36 | ຜູ້ຂຽນ : admin2 | ຈຳນວນຄົນເຂົ້າຊົມ: 1031 | ຄວາມນິຍົມ:

ວັນທີ 30 ສິງຫາ 2023 ນີ້, ຫ້ອງເສນາທິການ ກອງບັນຊາການທະຫານແຂວງວຽງຈັນ ໄດ້ຈັດພິທີມອບ-ຮັບໜ້າທີ່ ລະຫວ່າງ ສະຫາຍ ພັນໂທ ຄຳຜາຍ ອ້ວນວິໄລ ຮອງຫົວໜ້າຫ້ອງເສນາທິການ (ຜູ້ເກົ່າ) ຍົກຍ້າຍໄປຮັບໜ້າທີ່ໃໝ່ ເປັນຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ ແລະ ສະຫາຍ ພັນເອກ ສຸດທາ ສີສະຫວາດ ເປັນຮອງຫົວໜ້າຫ້ອງເສນາທິການ (ຜູ້ໃໝ່), ໂດຍການເປັນປະທານຂອງ ສະຫາຍ ພົນຈັດຕະວາ ບຸນມາ ວົງດາລາແສນ ຄະນະປະຈຳພັກແຂວງ, ເລຂາຄະນະພັກ, ຫົວໜ້າການທະຫານ ກອງບັນຊາການທະຫານແຂວງວຽງຈັນ, ມີພະແນກການທີ່ກ່ຽວຂ້ອງ, ພ້ອມດ້ວຍພະນັກງານຫຼັກແຫຼ່ງ ທົ່ວຫ້ອງເສນາທິການເຂົ້າຮ່ວມ. ສະຫາຍ ພັນໂທ ຄຳຜາຍ ອ້ວນວິໄລ ຮອງຫົວໜ້າຫ້ອງເສນາທິການ (ຜູ້ເກົ່າ) ໄດ້ຂຶ້ນລາຍງານໂດຍຫຍໍ້ ຜ່ານການຈັດຕັ້ງປະຕິບັດ, ພາລະບົດບາດ, ສິດ ແລະ ໜ້າທີ່ຂອງຕົນ; ເຊິ່ງໄດ້ມີຜົນງານຫຼາຍດ້ານ ທີ່ມີຜົນສໍາເລັດຢ່າງຈົບງາມ, ບັນຫາປະກົດການຫຍໍ້ທໍ້ຕ່າງໆ ທີ່ເກີດຂຶ້ນໄດ້ຮັບການປັບປຸງແກ້ໄຂທັນເວລາ ຮັກສາໄດ້ຄວາມສະຫງົບປອດໄພ ໃນກົມກອງໂດຍພື້ນຖານຕະຫຼອດໄລຍະຜ່ານມາ ໂດຍພາຍໃຕ້ການຊີ້ນໍາ-ນຳພາ ແລະ ລົງເລິກໃກ້ຊິດຕິດແທດ ແລະ ອຸ້ມຊູຊ່ວຍເຫຼືອ ຂອງຄະນະພັກກອງບັນຊາການທະຫານແຂວງ, ຄະນະນໍາຫ້ອງເສນາທິການ ແລະ ພະນັກງານ-ນັກຮົບ ໃນກົມກອງ ເຮັດໃຫ້ມີກໍາລັງໃຈ ທຸ່ມເທເຫື່ອແຮງ, ສະຕິປັນຍາ, ຄວາມຮູ້ຄວາມສາມາດຂອງຕົນ ປະກອບສ່ວນເຂົ້າໃນໜ້າທີ່ວຽກງານລວມດ້ວຍຄວາມຮັບຜິດຊອບສູງ, ພ້ອມກັນປັບປຸງກໍ່ສ້າງກົມກອງ ແລະ ຈັດຕັ້ງປະຕິບັດບັນດາໜ້າວຽກທີ່ໄດ້ຮັບການມອບໝາຍຈາກຂັ້ນເທິງ ມີຜົນສຳເລັດຕະຫຼອດມາ. ພ້ອມນີ້ ສະຫາຍ ກໍໄດ້ລາຍງານໜ້າວຽກໃນຄວາມຮັບຜິດຊອບຕົວຈິງຂອງຕົນ ແລ້ວກ່າວມອບໜ້າທີ່ໃຫ້ຮອງຫົວໜ້າຫ້ອງເສນາທິການ (ຜູ້ໃໝ່) ເປັນຜູ້ສືບຕໍ່ປະຕິບັດໜ້າທີ່ຕໍ່ໄປ ພ້ອມທັງໄດ້ລົງນາມບົດບັນທຶກມອບ-ຮັບ ເພື່ອໄວ້ເປັນຫຼັກຖານ, ໂດຍມີ ສະຫາຍ ພົນຈັດຕະວາ ບຸນມາ ວົງດາລາແສນ ພ້ອມດ້ວຍພະນັກງານຫຼັກແຫຼ່ງທົ່ວຫ້ອງເສນາທິການ ຮ່ວມເປັນສັກຂີພິຍານ. ຈາກນັ້ນ ສະຫາຍ ພັນເອກ ສຸດທາ ສີສະຫວາດ ກໍໄດ້ກ່າວສະແດງຄວາມຂອບໃຈຕໍ່ກັບການຈັດຕັ້ງຂັ້ນເທິງ ທີ່ໄດ້ມອບໝາຍໜ້າທີ່ອັນສໍາຄັນໃຫ້ກັບຕົນເອງ ແລະ ໃຫ້ຄໍາໝັ້ນສັນຍາວ່າ ຈະອອກແຮງຕັ້ງໜ້າສຸມທຸກເຫື່ອແຮງ, ຈິດໃຈ, ສະຕິປັນຍາ ເຂົ້າໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍໃຫ້ດີ, ຈະເສີມຂະຫຍາຍຄວາມສາມັກຄີ ກັບໝູ່ຄະນະຢ່າງກົມກຽວ ເພື່ອພ້ອມກັນເຮັດສໍາເລັດໜ້າທີ່ອັນມີກຽດສະຫງ່າ ທີ່ພັກ-ລັດ ແລະ ການຈັດຕັ້ງຂັ້ນເທິງ ມອບໝາຍໃຫ້. ໂອກາດສໍາຄັນນີ້, ສະຫາຍ ພົນຈັດຕະວາ ບຸນມາ ວົງດາລາແສນ ໄດ້ໃຫ້ກຽດໂອ້ລົມຕໍ່ພິທີດ້ວຍຄວາມຈິງໃຈວ່າ: ການປັບປຸງບູລະນະການຈັດຕັ້ງ ມັນແມ່ນກົດເກນພາວະວິໄສ ແຫ່ງການຄົງຕົວ ແລະ ຂະຫຍາຍຕົວຂອງທຸກໜ້າທີ່ວຽກງານ, ເປັນທິດທາງໃນການປັບປຸງກໍ່ສ້າງກອງທັບ, ກໍ່ສ້າງກົມກອງ ໃຫ້ມີຄວາມໜັກແໜ້ນເຂັ້ມແຂງ ພ້ອມນີ້ກໍ່ໄດ້ຮຽກຮ້ອງໃຫ້ພາກສ່ວນທີ່ໄດ້ຮັບໜ້າທີ່ໃໝ່ ຈົ່ງເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ອອກແຮງຊີ້ນໍາວຽກງານເສນາທິການ ທີ່ຕົນຮັບຜິດຊອບ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຍົກສູງນໍ້າໃຈສາມັກຄີໃຫ້ແໜ້ນແຟ້ນ, ເສີມຂະຫຍາຍມູນເຊື້ອອັນສະຫງ່າງາມຂອງກົມກອງໃຫ້ກວ້າງຂວາງ, ພ້ອມກັນນໍາພາກົມກອງເຮັດສໍາເລັດທຸກໜ້າທີ່ວຽກງານທີ່ໄດ້ຮັບການມອບໝາຍ. ໂດຍ: ສາຍຄຳ ພອນມະນີ

news to day and hot news