POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ກອງບັນຊາການທະຫານແຂວງຜົ້ງສາລີ, ມອບຮັບເງິນອຸດໜູນບໍານານ
ເວລາອອກຂ່າວ: 2023-08-31 15:45:22 | ຜູ້ຂຽນ : admin2 | ຈຳນວນຄົນເຂົ້າຊົມ: 959 | ຄວາມນິຍົມ:

ໂດຍປະຕິບັດຕາມກົດໝາຍ ວ່າດ້ວຍປະກັນສັງຄົມ (ສະບັບປັບປຸງ) ເລກທີ 54/ສພຊ ລົງວັນທີ 27/06/2018 ແລະ ກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ເລກທີ 43/ສພຊ ລົງວັນທີ 14/06/2018 ໝວດທີ 1 ມາດຕາ 33 ແລະ 34 ວ່າດ້ວຍການໃຫ້ນາຍທະຫານທີ່ມີອາຍຸເຖິງກະສຽນພັກຜ່ອນຮັບບໍານານ. ໃນຕອນເຊົ້າຂອງວັນທີ 28 ສິງຫາ 2023 ນີ້, ຢູ່ທີ່ສະໂມສອນກອງບັນຊາການທະຫານແຂວງ, ໄດ້ຈັດພິທີ ຈັດສົ່ງພະນັກງານບໍານານ ແລະ ມອບເງິນອຸດໜູນບໍານານ ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ, ມີສະຫາຍ ພັນເອກ ຄໍາພອນ ແສນສີວົງສາ ຄະນະປະຈໍາພັກ, ຫົວໜ້າການທະຫານ ກອງບັນຊາການທະຫານແຂວງ, ມີຄະນະພັກ-ຄະນະບັນຊາ, ຄະນະຫ້ອງ, ພະແນກການທີ່ກ່ຽວຂ້ອງ ແລະ ນາຍທະຫານທີ່ຖືກຮັບບໍານານເຂົ້າຮ່ວມຢ່າງພ້ອມພຽງ. ໃນພິທີ, ສະຫາຍ ພັນເອກ ສົມຈັນ ລອດສຸລີ ຄະນະປະຈໍາພັກ ຫົວໜ້າຫ້ອງການເມືອງ ກອງບັນຊາການທະຫານແຂວງ, ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດສະບັບເລກທີ 1034, 1617, 1659, 1825, 1826, 1827, 1829, 1830, 1831, 1908, 1909 ແລະ ເລກທີ 1938/ກປທ ວ່າດ້ວຍການອະນຸມັດໃຫ້ ນາຍທະຫານຢູ່ກອງບັນຊາການທະຫານແຂວງຜົ້ງສາລີ ຜູ້ທີ່ເຖິງອາຍຸກະສຽນຜັກການຮັບບໍານານຈໍານວນ 12 ສະຫາຍ, ຍິງ 2 ສະຫາຍ. ໃນພິທີທີ່ມີຄວາມໝາຍຄວາມສໍາຄັນດັ່ງກ່າວ ສະຫາຍ ພົນຈັດຕະວາ ຊຽງເພັງ ບົວລະວົງ ປະທານພິທີ ຍັງໄດ້ໂອ້ລົມຕໍ່ພິທີ ເຊິ່ງກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ນາຍທະຫານທີ່ໄດ້ຮັບບໍານານໃນຊຸດນີ້ ທີ່ໄດ້ເຮັດສໍາເລັດໜ້າທີ່ກາານເມືອງຂອງຕົນ ໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດໃນຕະຫຼອດໄລຍະທີ່ຜ່ານມາ; ພ້ອມທັງ, ຮຽກຮ້ອງໃຫ້ພະນັກງານບໍານານແຕ່ລະສະຫາຍ ຈົ່ງຮັກສາມູນເຊື້ອອັນດີງາມຂອງຕົນ, ຮັກສາຄວາມສາມັກຄີກັບພໍ່ແມ່ປະຊາຊົນບັນດາເຜົ່າ, ເປັນແບບຢ່າງທີ່ດີໃນການປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມະຫາຊົນ, ສຶກສາອົບຮົມລູກຫຼານໃຫ້ຮັບເຊື້ອມຊຶມແນວທາງນະໂຍບາຍຂອງພັກ-ລັດໃຫ້ນັບມື້ດີຂຶ້ນເລືອຍໆ. ຂ່າວ, ພາບ: ທອງໄຊ ແສງອຸດົມ

news to day and hot news