POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ ເຜີຍແຜ່ເນື້ອໃນການແຂ່ງຂັນ ກິລາກາຍະກຳທົ່ວກອງທັບ ຄັ້ງທີ III ເຂດພາກກາງ
ເວລາອອກຂ່າວ: 2023-08-31 15:50:12 | ຜູ້ຂຽນ : admin2 | ຈຳນວນຄົນເຂົ້າຊົມ: 1120 | ຄວາມນິຍົມ:

ໃນທ້າຍເດືອນສິງຫາ 2023 ທີ່ຜ່ານມາ, ສະຫາຍ ພັນໂທ ແສງອໍາພອນ ພູມີເງິນ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ ພ້ອມດ້ວຍຄະນະຮັບຜິດຊອບ ໄດ້ລົງເຜີຍແຜ່ເນື້ອໃນການແຂ່ງຂັນກິລາມວນຊົນ - ກິລາການທະຫານ ແລະ ຍິງປືນທະຫານຮາບ, ກຳລັງໄຟແບກຫາບ ເຂດ 4 ພາກກາງ ທີ່ກອງບັນຊາການທະຫານແຂວງຄຳມ່ວນ ເປັນເຈົ້າພາບ ເຊິ່ງກອງປະຊຸມດັ່ງກ່າວໄດ້ຈັດຂຶ້ນຢູ່ທີ່ຫ້ອງປະຊຸມກອງບັນຊາການທະຫານແຂວງຄຳມ່ວນ ໂດຍການເປັນປະທານຮ່ວມຂອງ ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ, ເຂົ້າຮ່ວມມີບັນດາສະຫາຍ ຕາງໜ້າຄະນະພັກ - ຄະນະບັນຊາກອງບັນຊາການທະຫານແຂວງຄຳມ່ວນ, ກອງພົນທີ 4, ກອງບັນຊາການທະຫານແຂວງບໍລິຄຳໄຊ, ແຂວງສະຫວັນນະເຂດ, ໂຮງໝໍ 109, ກອງພັນໃຫຍ່ 621, ກອງພັນໃຫຍ່ 642, ກອງພັນໃຫຍ່ 644 ແລະ ໂຮງງານປະສານເຫຼົ່າພາກກາງເຂົ້າຮ່ວມ. ຈາກນັ້ນ ຄະນະຮັບຜິດຊອບໃນການລົງມາເຜີຍແຜ່ເນື້ອໃນການແຂ່ງຂັນກິລາໃນຄັ້ງນີ້ ກໍໄດ້ຜັດປ່ຽນກັນຂຶ້ນຜ່ານຂໍ້ຕົກລົງຂອງກົມໃຫຍ່ເສນາທິການກອງທັບ ພ້ອມທັງອະທິບາຍກ່ຽວກັບຂໍ້ກຳນົດກົດລະບຽບ, ບາດກ້າວ ແລະ ການກະກຽມຄວາມພ້ອມດ້ານຕ່າງໆ ໃນການສົ່ງນັກກິລາເຂົ້າຮ່ວມໃນການແຂ່ງຂັນກິລາໃນຄັ້ງນີ້ ເພື່ອໃຫ້ມີຄວາມສະດວກ, ຄວາມເປັນລະບຽບຮຽບຮ້ອຍ, ມີຄວາມຮັບປະກັນ ແລະ ມີຄວາມປອດໄພ 100% ການແຂ່ງຂັນກິລາປະເພດຕ່າງໆ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ປະຈໍາເຂດ 4 ພາກກາງ ແມ່ນແຂວງຄໍາມ່ວນ ເປັນເຈົ້າພາບ ທີ່ຈະຈັດຂຶ້ນໃນຕໍ່ໜ້າ ໃນການແຂ່ງຂັນກິລາມວນຊົນ - ກິລາການທະຫານ ແລະ ຍິງປືນທະຫານຮາບ, ກຳລັງໄຟແບກຫາບໃນຄັ້ງນີ້ ແມ່ນໄດ້ແບ່ງອອກເປັນ 5 ເຂດ ເພື່ອຊິງຂັນລັດຖະມົນຕີກະຊວງປ້ອງກັນປະເທດ ໃນງານແຂ່ງຂັນກິລາກາຍະກຳທົ່ວກອງທັບ ຄັ້ງທີ III ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ທັງນີ້ ກໍເພື່ອເປັນການຄັດເລືອກເອົາຕົວແທນ ເຂົ້າຮ່ວມແຂ່ງຂັນກິລາທົ່ວປະເທດ ຄັ້ງທີ III ໃນປີ 2024 ໃຫ້ມີຂະບວນການຟົດຟື້ນ ມ່ວນຊື່ນ ແລະ ກວ້າງຂວາງ. ໂອກາດນີ້ປະທານກອງປະຊຸມ ກໍໄດ້ມີຄຳເຫັນຊີ້ນຳໃຫ້ບັນດາຜູ້ແທນທີ່ເຂົ້າຮ່ວມກອງປະຊຸມໃນຄັ້ງນີ້ ຈົ່ງນຳເອົາເນື້ອໃນເອກະສານທີ່ນຳມາເຜີຍແຜ່ໃນຄັ້ງນີ້ ນຳໄປນຳພາ-ຊີ້ນຳ ໃຫ້ບັນດາຄູຝຶກ, ນັກກິລາ ແລະ ພາກສ່ວນທີ່ກ່ຽວຂ້ອງພາຍໃນກົມກອງຂອງຕົນ ນຳໄປຈັດຕັ້ງປະຕິບັດໃຫ້ປະກົດຜົນເປັນຈິງ ເພື່ອກຽມຄວາມພ້ອມໃນການເຂົ້າຮ່ວມແຂ່ງຂັນກິລາດັ່ງກ່າວໃຫ້ສຳເລັດຕາມແຜນການ ແລະ ຄາດໝາຍທີ່ວາງໄວ້. ໂດຍ: ລາກີ ພົມມີສິດ

news to day and hot news