POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ຫ້ອງວ່າການກະຊວງປ້ອງກັນປະເທດຈັດຂະບວນການເເຂ່ງຂັນນັກຮ້ອງ-ຂັບລຳສຽງດີ
ເວລາອອກຂ່າວ: 2023-09-01 14:33:56 | ຜູ້ຂຽນ : admin2 | ຈຳນວນຄົນເຂົ້າຊົມ: 741 | ຄວາມນິຍົມ:

ໃນວັນທີ 31 ສິງຫາ 2023 ນີ້, ຫ້ອງວ່າການກະຊວງປ້ອງກັນປະເທດ ໄດ້ຈັດຂະບວນການເເຂ່ງຂັນນັກຮ້ອງ-ຂັບລຳສຽງດີ ເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024), ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ເດືອນສະຫວັນ ສາຍພິມຄຳປະທຸມ ຮອງຫົວໜ້າຫ້ອງວ່າການກະຊວງປ້ອງກັນປະເທດ, ມີຄະນະຊີ້ນຳ, ຄະນະຮັບຜິດຊອບ, ຄະນະພັກ- ຄະນະບັນຊາກົມ, ຫ້ອງການ, ລັດວິຫາສະກິດ, ພະນັກງານ-ນັກຮົບ ພ້ອມດ້ວຍນັກຮ້ອງ-ຂັບລຳສຽງດີທົ່ວຫ້ອງວ່າການກະຊວງປ້ອງກັນປະເທດເຂົ້າຮ່ວມຢ່າງເປັນຂະບວນຟົດຟື້ນ. ສະຫາຍ ພັນໂທ ນາງ ຈັນສອນ ສີວິໄລ ຮອງຫົວໜ້າຫ້ອງການເມືອງ ຫ້ອງວ່າການກະຊວງປ້ອງກັນປະເທດໄດ້ຂຶ້ນລາຍງານການຈັດ ຂະບວນການແຂ່ງຂັນນັກຮ້ອງ-ຂັບລຳສຽງດີ ທົ່ວຫ້ອງວ່າການກະຊວງປ້ອງກັນປະເທດ ເພື່ອຂ່ຳນັບຮັບຕ້ອນວັນສຳຄັນຂອງພັກ, ຂອງຊາດ, ຂອງກອງທັບ ເວົ້າລວມ, ເວົ້າສະເພາະ ສ້າງຂະບວນການໃຫ້ມີຄວາມເບີກບານມ່ວນຊື່ນຟົດຟື້ນແຂງແຮງ ເພື່ອເປັນການຄັດເລືອກນັກຮ້ອງ-ຂັບລຳສຽງດີເຂົ້າເເຂ່ງຂັນທົ່ວກອງທັບ ເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ມີຄວາມໝາຍຄວາມສຳຄັນເລິກເຊິ່ງ ທັງເປັນການປະກອບສ່ວນວຽກງານວັດທະນະທຳໃນທົ່ວຫ້ອງວ່າການກະຊວງປ້ອງກັນປະເທດ ໃຫ້ມີບັນຍາກາດຟົດຟື້ນ, ສ້າງເງື່ອນໄຂອັນດີໃນການພົບປະແລກປ່ຽນບົດຮຽນທາງດ້ານການຮ້ອງເພງ ແລະ ຂັບລຳຕ່າງໆ ເພື່ອໄປໝູນໃຊ້ໃນວຽກສິລະປະ-ວັນນະຄະດີໃນກົມກອງ, ສ້າງຄວາມສາມັກຄີຮັກແພງເຊິ່ງກັນ ແລະ ກັນ ໃຫ້ເປັນປຶກແຜ່ນແໜ້ນໜາ ແລະ ພ້ອມກັນເຮັດສຳເລັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ຂະບວນການແຂ່ງຂັນໃນຄັ້ງນີ້ມີພາກສ່ວນເຂົ້າຮ່ວມທັງໝົດ 7 ຫົວໜ່ວຍກົມກອງ, ມີນັກຮ້ອງ- ຂັບລຳສຽງດີທັງໝົດ 15 ສະຫາຍ, ຍິງ 5 ສະຫາຍ. ຜ່ານການແຂ່ງຂັນແຕ່ລະປະເພດສາມາດຄັດເລືອກໄດ້ ຄື: ປະເພດຮ້ອງດ່ຽວຊາຍ ລາງວັນທີ 1 ໄດ້ແກ່ ສະຫາຍ ຮ້ອຍໂທ ພອນປະເສີດ ທອງສາວົງ ບໍລິສັດ ເບສເທເລຄອມ, ລາງວັນທີ 2: ສະຫາຍ ລາບສິດທິພອນ ຊິຊານົນ ບໍລິສັດ ລາວສະກາຍເວ, ລາງວັນທີ 3: ສະຫາຍ ວິລູ່ ບົວສະຫວັນ ບໍລິສັດ ສະຕາໂທລະຄົມ; ປະເພດຮ້ອງດ່ຽວຍິງ ລາງວັນທີ 1 ໄດ້ແກ່ ສະຫາຍ ນາງ ວິໄລພອນ ຄຳວົງສົດ ບໍລິສັດສະຕາໂທລະຄົມ, ລາງວັນທີ 2: ສະຫາຍ ນາງ ຫວາດສະນາ ເເກ້ວດວງຄຳສຸກ ບໍລິສັດ ລາວສະກາຍເວ; ປະເພດຂັບລຳທ້ອງຖິ່ນຍິງ ລາງວັນທີ 1 ໄດ້ແກ່ ສະຫາຍ ຮ້ອຍເອກ ນາງ ໄພຄຳ ຄຳພິທູນ ກອງຮັບເເຂກ 208, ລາງວັນທີ 2 ສະຫາຍ ຮ້ອຍຕີ ນາງ ພອນ ສີທະສິດ ກອງຮັບເເຂກ 208. ໂດຍ: ສຸເວດ ສີດາຄຳ

news to day and hot news