POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ບັ້ນຮົບປົດປ່ອຍ ສາລາພູຄູນ ກາສີວັງວຽງ
ເວລາອອກຂ່າວ: 2018-11-19 10:07:06 | ຜູ້ຂຽນ : ພິດສະໄໝ ສອນວິໄລ | ຈຳນວນຄົນເຂົ້າຊົມ: 694 | ຄວາມນິຍົມ:

( ຕໍ່ຈາກສະບັບກ່ອນ ) ໃນສະພາບການພວມສັບສົນ ຕອນບ່າຍຂອງວັນທີ 12 ມັງກອນ 1973 ທ່ານ ສີສະຫວາດ ແກ້ວ ບຸນພັນ ຫົວຫນ້າເສນາທິການສູງ ສຸດ, ຕາງຫນ້າຄະນະບັນຊາ ການສູນກາງ ໄດ້ລົງຊີ້ນຳໂດຍ ກົງໄດ້ເອີ້ນຄະນະດ້ານຮົບຍ່ອຍ ແຕ່ລະທິດມາປະຊຸມເພື່ອຕີລາຄາ ສະພາບການ ແລະ ແກ້ໄຂກໍລະນີ ຄະນະບັນຊາໄດ້ເປັນເອກະພາບ ວາງຄວາມຕັດສິນໃຈເຕົ້າໂຮມ ກຳລັງແຮງທີ່ມີສະກັດກັ້ນການ ເຄື່ອນທັບຂອງສັດຕູຈາກທຸກ ທິດ ເດັດດ່ຽວເຂົ້າຈັ້ງທ່າຮັກສາເສັ້ນ ຂະຫນານທີ່ຍຶດໄດ້, ຮັກສາແໜ້ນ ສາລາພູຄູນ. ໃນຂະນະທີ່ພວມປະຊຸມມອບ ໝາຍໜ້າທີ່ຢູ່ຖໍ້າຜາຫວາຍນັ້ນ ໄດ້ ມີຄຳສັ່ງດ່ວນຈາກ ສະຫາຍ ຄຳ ໄຕ ສີພັນດອນ ຜູ້ບັນຊາການສູງ ສຸດວ່າໃຫ້ສະຫາຍ ສີສະຫວາດ ພ້ອມຄະນະຍ້າຍອອກຈາກຖໍ້າ ຜາຫວາຍດ່ວນ ເພາະສັດຕູພວມ ເຄື່ອນທັບເຂົ້າປິດລ້ອມພໍແຕ່ອອກ ຫວິດຈາກຖໍ້າບໍ່ພໍ 5 ນາທີ ທັບອາ ກາດຂອງສັດຕູກໍຍິງຈະຫຼວດຖືກ ປາກຖໍ້າ ແລະ ບໍລິເວນໃກ້ຄຽງ ຖືກທຳລາຍຢ່າງໜັກ. 8 ໂມງເຊົ້າ ວັນທີ 15 ມັງ ກອນ 1973 ໃຕ້ການຊ່ວຍໜູນ ຈາກທັບອາກາດ, ລົດຫຸ້ມເກາະ, ປືນໃຫຍ່ໜ້າດິນ ພວກສັດຕູໄດ້ ເຄື່ອນທັບແຕ່ກາສີຂຶ້ນມາສົມທົບ ກຳລັງໂຢດພົນຢູ່ບ້ານໂພນສີດາ ເປີດບັ້ນບຸກໂຈມຕີຫວັງຍຶດເອົາ ປົດນໍ້າອອກຮູ ແຕ່ຖືກອ້າຍນ້ອງ ກອງພັນ 46 ແລະ ກອງພັນ 705 ສະກັດກັ້ນໄວ້ໄດ້. ມື້ຕໍ່ມາພວກ ເຂົາສົມທົບຍົນອາຍພົ່ນ ແລະ ເຕ 28 ເປີດສາກບຸກໂຈມຕີຊ່ວຍທະ ຫານຍຶດໃຫ້ໄດ້ປົດນໍ້າອອກຮູ. ນັບແຕ່ວັນທີ 15 -20 ມັງກອນ ພວກເຂົາເປີດບັ້ນບຸກຕີຄັ້ງໃຫຍ່ ເຖິງ 6 ຄັ້ງ ແຕ່ກໍຖືກອ້າຍນ້ອງ ເຮົາຕີຖອຍໄປ. ວັນທີ 20 ມັງກອນ 1973 ພວກສັດຕູເປີດປະຕິວັດຕ່າວບຸກ ໂຈມຕີເຂົ້າສະໜາມຈັ້ງທ່າຂອງ ພວກເຮົາຢູ່ສາລາພູຄູນ, ພູວຽງ ແລະ ເມືອງສຸ້ຍ ໂດຍຈັດຕັ້ງກຳ ລັງບຸກຕີເຂົ້າ 3 ທິດ: ທິດທີໜຶ່ງ ບຸກຕີເຂົ້າທາງກິ່ວກະຈຳ, ຜາຫຼັງ ໝູ ຕີເຂົ້າຖໍ້າຜາເງິນ; ທິດທີສອງ ບຸກຕີແຕ່ກາສີ ສົມທົບກັບກຳລັງ ໂຢດພົນລົງລ້ອງປົດ, ຜາສະ ກອຍ, ສັນຜາກອກ, ມົກລັງຈັງ; ທິດທີສາມ ໂຢດກຳລັງລົງເມືອງ ສຸ້ຍ ເພື່ອຕັດຫຼັງພວກເຮົາ ແຕ່ລະ ທິດບຸກຕີແມ່ນໄດ້ຮັບການຊ່ວຍ ໜູນຈາກທັບອາກາດທຳລາຍ ເຜົາຜານຢ່າງບໍ່ເຫຼືອເປົ້າໝາຍ. ຮອດວັນທີ 10 ກຸມພາ 1973 ພວກເຮົາຍຶດໄດ້ປ້ອມບັງກາໂລ ແລະ ຜາເກັ່ງ, ປິດລ້ອມບີບຮັດ ສາມແຍກສາລາພູຄູນ ອ້າຍນ້ອງ ພວກເຮົາໄດ້ເຄື່ອນໄຫວຕີສັດຕູ ດ້ວຍຫຼາຍຮູບການ ສະກັດຕີ, ຫຼອນຕີ ຫຼອນຍິງ ເຮັດໃຫ້ພວກ ມັນອ່ອນເພຍເສຍຂວັນ ຍ້ອນກຳ ລັງທາງໜ້າດິນບໍ່ສາມາດຄືບໜ້າ ໄດ້ ພວກເຂົາຈຶ່ງເພີ່ມທະວີການ ຍິງທາງອາກາດໃນລະດັບສູງ. 13 ໂມງ ວັນທີ 17 ກຸມພາ 1973 ສັດຕູໃຊ້ຍົນ ເບ 52 ຈຳ ນວນ 2 ລຳ ຖອກເທລູກບົມປານ ພະຍຸຫ່າຝົນລົງໃສ່ບໍລິເວນພູວຽງ, ພູຜາໄດ ແລະ ຈອມຖົ່ວ ເຊິ່ງມີ ລັດສະໝີ ແລະ ອະນຸພາບທຳລາຍ ກວ້າງ 1 ກິໂລແມັດ, ຍາວ 10 ກິ ໂລແມັດ ໃນນີ້, ມີທັງລູກບົມບີ່, ລະເບີດຟົດສະຟໍ, ລູກບົມນາປານ ອັນໄດ້ເຜົາຜານປ່າດົງວົງກົດສີ ຂຽວງົດງາມແຫ່ງນີ້ກາຍເປັນ ເຖົ່າຖານພາຍໃນພິບຕາດຽວ. ໃນ ນັ້ນ, ຫ່າລູກບົມໄດ້ຕົກຖືກຮູບແຖວ ພັກທັບກອງຮ້ອຍ 16 ກອງພັນທີ 2 ໜຶ່ງໝວດຂອງກອງຮ້ອຍ 1 ກອງພັນທີ 1 ຂອບເຂດຕີນພູຜາ ໄດ ອັນໄດ້ເຮັດໃຫ້ອ້າຍນ້ອງພວກ ເຮົາຖືກເສຍສະຫຼະຊີວິດບາດ ດຽວ 48 ສະຫາຍ, ບາດເຈັບ 50 ກວ່າສະຫາຍ. ( ອ່ານຕໍ່ສະບັບໜ້າ ) ( ຕໍ່ຈາກສະບັບກ່ອນ ) ເວລາ 16 ໂມງວັນທີ 20 ກຸມ ພາ 1973 ສັດຕູໃຊ້ກຳລັງ 1 ກອງຮ້ອຍຂອງກອງພັນ ຈົງອາງ ຄຳ ທີ່ຫາກໍເຝິກຝົນອົບຮົມວິຊາສູ້ ຮົບມາໂຢດພົນດ້ວຍຍົນສີນຸກ ຈຳນວນ 4 ລຳ ຂົນກຳລັງ 8 ຖ້ຽວ ດ້ວຍການຄຸ້ມກັນຂອງຍົນ ເຕ 28, ເມື່ອໂຢດພົນບໍ່ພໍເທົ່າໃດກໍ ຖືກອ້າຍນ້ອງປ້ອງກັນພະລາທິ ການ ແລະ ກອງຫຼອນກຳລັງ ທ້ອງຖິ່ນດັບສູນ ຍ້ອນກຳລັງຂອງ ສັດຕູມີຫຼາຍເທົ່າ ສະນັ້ນ, ດ້ານຮົບ ຈຶ່ງສັ່ງໃຫ້ກອງພັນ 15 ຢູ່ກິ່ວລັນ, ກອງພັນ 46 ຢູ່ພູຢາງເຂົ້າມາສົມ ທົບກັບກຳລັງໄຟ 769 ແລະ ລົດ ຕັງ 4 ຄັນ ຕ່າວໂຈມຕີໃນເວລາ 5 ໂມງເຊົ້າວັນທີ 21 ກຸມພາ 1973 ພວກເຮົາໃຊ້ກຳລັງໄຟຍິງຄອບ ງວຳຈຸເຕົ້າໂຕມຂອງສັດຕູ ພວກ ເຂົາບໍ່ສາມາດຢູ່ໄດ້ຈຳຕ້ອງປົບ ແລ່ນອອກມາເຕົ້າໂຮມຢູ່ຫ້ວຍນໍ້າ ຟືດ ກອງພັນ 15 ບຸກຕີໃນເວລາ ທີ່ພວກເຂົາຫາກໍມາເຕົ້າໂຮມ ບັງ ຄັບພວກເຂົາຕ້ອງແຕກທະລຸພຸ ພ່າຍໄປທິດນໍ້າຮ້າງແຕ່ກໍຖືກວົງ ສະກັດຂອງກອງພັນ 46 ພວກ ເຮົາດັບສູນສັດຕູຕາຍຄາທີ່ 23 ຄົນ ການສູ້ຮົບເປັນເວລາ 6 ຊົ່ວ ໂມງ, ພວກເຮົາສາມາດັບສູນສັດ ຕູໄດ້ 54 ຄົນ, ບາດເຈັບ 15 ຄົນ, ຈັບໄດ້ 14 ຄົນ, ທຳລາຍປືນກົນ ໃຫຍ່ 6 ກະບອກ, ປືນໃຫຍ່ 70 ກະບອກ. 12 ໂມງ ວັນທີ 21 ກຸມພາ 1973 ສັນຍາຢຸດຍິງເລີ່ມມີຜົນ ບັງຄັບໃຊ້ກ່ອນໜ້ານີ້ 4 ຊົ່ວໂມງ ພວກສັດຕູພະຍາຍາມລອດເລິກ ເຂົ້າຕາມຊ່ອງຫວ່າງຕ່າງໆເພື່ອ ປັກຫຼັກໝາຍຢູ່ຂອບເຂດພູວຽງ, ຈອມຖົ່ວ ແຕ່ກໍຖືກອ້າຍນ້ອງເຮົາ ປົດເຂ່ຍອອກໄປ. ເວລາໃກ້ຈະຢຸດ ຮົບພວກເຮົາຮັກສາໄດ້ຂະໜານ ແຕ່ພູທາດ, ພູວຽງ ຈົນຮອດເມືອງ ສຸ້ຍ ສະນັ້ນ, ເມື່ອຮອດເວລາຢຸດ ຮົບເຂດປັກຫຼັກໝາຍກຳນົດເອົາ ພູສູງ. ສະຫຼຸບລວມຜ່ານການສູ້ຮົບ ສາມາດປັດເຂ່ຍສັດຕູອອກຈາກ ວົງສູ້ຮົບ 409 ຄົນ, ຂ້າຕາຍ 232 ຄົນ, ບາດເຈັບ 40 ຄົນ,ຈັບໄດ້ 67 ຄົນ, ທຳລາຍລົດຫຸ້ມເກາະ 3 ຄັນ, ລົດຂົນສົ່ງ 4 ຄັນ, ປືນໃຫຍ່ 3 ກະບອກ, ເດກາ 75 ມມ 8 ກະ ບອກ, ປືນຄົກ 106,7 ເທົ່າ 3 ກະ ບອກ, ປືນກົນໜັກ 10 ກະບອກ, ຍຶດປືນລາບ 200 ກວ່າກະບອກ, ຈັກສື່ສານ 10 ເຄື່ອງ ແລະ ວັດຖຸ ສິ່ງຂອງຈຳນວນຫຼວງຫຼາຍ. ຕະຫຼອດໄລຍະແຫງການປົກ ປັກຮັກສາ ແລະ ພັດທະນາປະ ເທດຊາດ ເພື່ອຈາລຶກຄຸນງາມ ຄວາມດີຂອງພະນັກງານ-ນັກຮົບ ທີ່ໄດ້ເສຍສະຫຼະຊີວິດໃນພາລະ ກິດຕໍ່ສູ້ປົດປ່ອຍຊາດຢູ່ສະໜາມ ຮົບສາລາພູຄູນ ສະນັ້ນ, ພັກ-ລັດ ຖະບານ ກໍຄືກະຊວງປ້ອງກັນປະ ເທດຈຶ່ງໄດ້ຕົກລົງເຫັນດີເປັນເອ ກະພາບສ້າງອານຸສາວະລີນັກ ຮົບນິລະນາມຢູ່ບໍລິເວນສາມແຍກ ສາລາພູຄູນຂຶ້ນ (ລວມມູນຄ່າທັງ ໝົດ 3 ຕື້ 62 ລ້ານກວ່າກີບ ເລີ່ມ ລົງມືກໍ່ສ້າງວັນທີ 2 ພຶດສະພາ 2007 ສ້າງສຳເລັດວັນທີ 15 ມີ ນາ 2008 ເປີດນຳໃຊ້ໃນວັນທີ 22 ມີນາ 2008 ເປັນຕົ້ນມາ.

news to day and hot news