ວັນພຸດ, ວັນທີ 04 ທັນວາ 2024
ກອງປະຊຸມກຳມາທິການການເມືອງ ຄົ້ນຄວ້າ ປຶກສາຫາລືພິຈາລະນາຮ່າງມະຕິ 4 ສະບັບ
ເວລາອອກຂ່າວ: 2024-10-22 09:59:56 | ຜູ້ຂຽນ : admin3 | ຈຳນວນຄົນເຂົ້າຊົມ: 164 | ຄວາມນິຍົມ: 
ໃນວັນທີ 20 ຕຸລາ 2024 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໄດ້ດໍາ
ເນີນກອງປະຊຸມກຳມາທິການການເມືອງ ຈັດຂຶ້ນໃນລະຫວ່າງກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ໂດຍການເປັນປະທານ ຂອງທ່ານ ສັນຍາ ປຣະເສີດ ປະທານກຳມາທິການການຕ່າງປະເທດ ສະພາແຫ່ງຊາດ ແຫ່ງ ສປປ ລາວ ເຂົ້າຮ່ວມມີສະມາຊິກລັດຖະສະພາຈາກບັນດາປະເທດສະມາຊິກອາຊຽນ.
ກອງປະຊຸມ ໄດ້ຄົ້ນຄວ້າປຶກສາຫາລື ແລະ ພິຈາລະນາຮ່າງມະຕິຈຳນວນ 4 ສະບັບ ໃນຂົງເຂດວຽກງານການເມືອງຄື: ຮ່າງມະຕິ ວ່າດ້ວຍການຮັບຮອງເອົາບົດລາຍງານຜົນ ຂອງກອງປະຊຸມພົບປະລະຫວ່າງຜູ້ນຳອາຊຽນ ແລະ ໄອປາ ຄັ້ງທີ 13 ທີ່ຈັດຂຶ້ນໃນລະຫວ່າງກອງປະຊຸມສຸດຍອດອາຊຽນ ຄັ້ງທີ 45 ຜ່ານມາ, ຮ່າງມະຕິ ວ່າດ້ວຍການນຳໃຊ້ດີຈີຕອນແບບກວມລວມ ເຂົ້າໃນການສ້າງຄວາມເຂັ້ມແຂງໃຫ້ແກ່ປະຊາຊາດໃນພາກພື້ນ, ຮ່າງມະຕິ ວ່າດ້ວຍການສົ່ງເສີມການຮ່ວມມືລະຫວ່າງປະຊາຄົມການເມືອງ-ຄວາມໝັ້ນຄົງອາຊຽນ ຜ່ານການເຊື່ອມໂຍງເຊື່ອມຈອດ ແລະ ການເຕີບໂຕແບບກວມລວມແລະ ຮ່າງມະຕິ ວ່າດ້ວຍການສົ່ງເສີມການມີສ່ວນຮ່ວມຂອງປະຊາຊົນໃນການຮັກສາສັນຕິພາບ ສະຖຽນລະພາບ ແລະ ການພັດທະນາໃນພາກພື້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
