ວັນພະຫັດ, ວັນທີ 05 ທັນວາ 2024
ປະທານສູນກາງສະຫະພັນແມ່ຍິງລາວ ເຄື່ອນໄຫວວຽກງານຢູ່ແຂວງບໍ່ແກ້ວ
ເວລາອອກຂ່າວ: 2024-10-23 10:21:15 | ຜູ້ຂຽນ : admin3 | ຈຳນວນຄົນເຂົ້າຊົມ: 139 | ຄວາມນິຍົມ: 
ແຫຼ່ງຂ່າວຈາກແຂວງບໍ່ແກ້ວ ໃຫ້ຮູ້ວ່າ: ໃນໂອກາດເຄື່ອນໄຫວເຮັດວຽກຢູ່ແຂວງບໍ່ແກ້ວ ຮ່ວມກັບສະຫະພັນແມ່ຍິງແຂວງ ໂດຍສະເພາະວຽກງານຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ເດັກ ໃນວັນທີ 21 ຕຸລາ 2024 ນີ້, ທ່ານ ນາງ ອາລີ ວົງໜໍ່ບຸນທຳ ປະທານສູນກາງສະຫະພັນແມ່ຍິງລາວ, ຮອງປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກແຂວງ ຜູ້ປະຈຳການ ໄດ້ເຂົ້າພົບປະກັບ ທ່ານ ທອງຈັນ ມະນີໄຊ ເຈົ້າ ແຂວງ ແຂວງບໍ່ແກ້ວ.
ໂອກາດນີ້, ທ່ານເຈົ້າແຂວງແຂວງບໍ່ແກ້ວ ໄດ້ລາຍງານໃຫ້ຊາບກ່ຽວກັບສະພາບລວມຂອງແຂວງ, ການພັດທະນາພື້ນຖານໂຄງລ່າງຂອງແຂວງ ລວມທັງວຽກງານການພົວພັນ ແລະ ຊຸກຍູ້ສົ່ງເສີມວຽກງານການພັດທະນາແມ່ຍິງມາຕະຫຼອດ ເພື່ອຍົກສູງບົດບາດ ແລະ ສິດສະເໝີພາບລະຫວ່າງ ຍິງ-ຊາຍ ແລະ ວຽກງານແມ່ ແລະ ເດັກ.
ພ້ອມກັນນີ້, ທ່ານ ນາງ ອາລີ ວົງໜໍ່ບຸນທຳ ໄດ້ຂອບໃຈການ ນຳຂອງແຂວງ ທີ່ຊຸກຍູ້ສົ່ງເສີມ ວຽກງານແມ່ຍິງ ເຊິ່ງການເຄື່ອນ ໄຫວວຽກງານ ຂອງຄະນະກຳ ມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ເດັກ ແນໃສ່ຈັດຕັ້ງຜັນຂະຫຍາຍແນວ ທາງນະໂຍບາຍຂອງພັກ, ປະຕິ ບັດກົດໝາຍ ແລະ ລະບຽບການ ຂອງລັດໃນການຄຸ້ມຄອງຕິດຕາມ, ກວດກາ, ຊຸກຍູ້ສົ່ງເສີມ ແລະ ພັດທະນາວຽກງານຄວາມກ້າວໜ້າຂອງແມ່ຍິງ ແລະ ເດັກ ໃຫ້ມີປະສິດທິພາບ, ສົ່ງເສີມຄວາມກ້າວໜ້າແມ່ຍິງໃຫ້ມີຄວາມສະເໝີພາບ ຍິງ-ຊາຍ, ສົ່ງ ເສີມ, ພັດທະນາ ແລະ ປົກປ້ອງເດັກ, ແມ່ຍິງ ຈາກການໃຊ້ຄວາມຮຸນແຮງ ແລະ ອື່ນໆ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
