ວັນສຸກ, ວັນທີ 06 ທັນວາ 2024
ສະໂມສອນ ເບ ສະຫວັນ ເອັຟຊີ ເຂົ້າຮ່ວມແຂ່ງຂັນບານເຕະເຍົາວະຊົນ ລາຍການ The 2024 Tianyu Liufang Cup
ເວລາອອກຂ່າວ: 2024-10-23 10:44:48 | ຜູ້ຂຽນ : admin3 | ຈຳນວນຄົນເຂົ້າຊົມ: 527 | ຄວາມນິຍົມ: 
ວັນທີ 20 ຕຸລາ 2024 ສະໂມສອນ ເບ ສະຫວັນ ເອັຟຊີ ໃນຮຸ່ນອາຍຸບໍ່ເກີນ 16 ປີ ນຳທີມໂດຍທ່ານ ບຸນມີ ຫຼ່ຽມໄຊຍະຈັກ ປະທານສະຫະພັນບານເຕະຄົນພິການຕາແຫ່ງຊາດລາວ ທັງເປັນປະທານ ສະໂມສອນ ເບ ສະຫວັນ ເອັຟຊີ ພ້ອມດ້ວຍຄະນະ, ຄູເຝິກ ແລະ ນັກກີລາ 20 ກວ່າຄົນ ໄດ້ອອກເດີນທາງດ້ວຍເຮືອບິນອອກຈາກສະໜາມບິນສາກົນວັດໄຕ ໄປຍັງ ສປ ຈີນ ເພື່ອເຂົ້າຮ່ວມແຂ່ງຂັນ ບານເຕະເຍົາວະຊົນ ໃນຮຸ່ນອາຍຸບໍ່ເກີນ 16 ປີ ລາຍການ The 2024 Tianyu Liufang Cup ເຊິ່ງຈັດຂຶ້ນທີ່ ສປ ຈີນ.
ທ່ານ ບຸນມີ ຫຼ່ຽມໄຊຍະຈັກ ໃຫ້ສຳພາດວ່າ: ປັດຈຸບັນພວກເຮົາກຳລັງເດີນທາງເຂົ້າຮ່ວມການແຂ່ງຂັນເຕະບານເຍົາວະຊົນລາຍການ The 2024 Tianyu Liufang Cup ຈະຈັດຂຶ້ນ ທີ່ນະຄອນ ລີຈ່ຽງ ແຂວງຢູນໜານ ເປັນຄັ້ງທຳອິດຂອງທີມເຮົາ ໃນຮຸ່ນອາຍຸບໍ່ເກີນ 16 ປີ ເຊິ່ງແຜນອະນາຄົດກັບມາແລ້ວ ກໍຈະ ໄດ້ເປີດສະໂມສອນ ເບ ສະຫວັນ ອາຄາເດມີ້ ໃນຮຸ່ນອາຍຸ 8 ປີຂຶ້ນໄປ ໃນເດືອນທັນວາ 2024 ຢ່າງເປັນທາງການ ແລະ ການໄປຄັ້ງນີ້ ກໍຈະເປັນການໄປເກັບກ່ຽວເອົາປະສົບການ ແລະ ບົດຮຽນໃນການເຝິກແອບເຝິກຊ້ອມຈາກລາຍການລະດັບນາໆຊາດ ເພື່ອນຳມາພັດທະນານັກກີລາລາວ ກໍຄື ລູກຫຼານຊາວນະຄອນຫຼວງວຽງຈັນ ປະກອບສ່ວນເຮັດໃຫ້ວົງການກີລາບານເຕະບ້ານເຮົາໃຫ້ພົ້ນເດັ່ນຂຶ້ນກວ່າເກົ່າ ຄືບັນດາທ່ານຮູ້ແລ້ວວ່າ ສະໂມສອນ ເບ ສະຫວັນ ຈະເດັ່ນໃນວົງການກິລາຟຸດຊໍ ເຊິ່ງປັດຈຸບັນສາມາດຄອງແຊັມ ຟຸດຊໍລາວ ເຖິງ 5 ຄັ້ງ ສະນັ້ນ ຍ້ອນມີທ່າແຮງພວກເຮົາຈຶ່ງຫັນມາພັດທະນາກິລາບານເຕະໃນຮູບແບບ 11 ຄົນ ເພື່ອຕໍ່ຍອດສົ່ງເສີມນັກກີລາໃຫ້ມີຫຼາກຫຼາຍ ແລະ ກາຍເປັນນັກກີລາອາຊີບຢ່າງເຕັມຕົວໃນອະນາຄົດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
