ວັນສຸກ, ວັນທີ 06 ທັນວາ 2024
ໂຮງຮຽນທະຫານທ້ອງຖິ່ນ ທະຫານແຂວງຫຼວງນໍ້າທາ ເປີດຊຸດອົບຮົມກໍ່ສ້າງນາຍສິບ
ເວລາອອກຂ່າວ: 2024-10-25 14:31:44 | ຜູ້ຂຽນ : admin2 | ຈຳນວນຄົນເຂົ້າຊົມ: 693 | ຄວາມນິຍົມ: 
ໂຮງຮຽນທະຫານທ້ອງຖິ່ນ ທະຫານແຂວງຫຼວງນໍ້າທາ, ໄດ້ເປີດຊຸດອົບຮົມກໍ່ສ້າງນາຍສິບ ຊຸດທີ V ລະບົບ 1 ປີ ສົກຮຽນ 2024-2025, ໃນວັນທີ 24 ຕຸລາ 2024 ນີ້, ໂດຍການເຂົ້າຮ່ວມເປັນປະທານຂອງ ທ່ານ ວຽງສະຫວັດ ສີພັນດອນ ເຈົ້າແຂວງໆຫຼວງນໍ້າທາ, ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ, ມີສະຫາຍ ພົນຈັດຕະວາ ອີ່ນແກ້ວ ມະນີຈັນ ຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ, ມີຕາງໜ້າອົງການ 5 ຫ້ອງ, ຄະນະອຳນວຍການໂຮງຮຽນ, ຄູ-ອາຈານ ຕະຫຼອດຮອດ ນັກຮຽນກໍ່ສ້າງ ນາຍສິບຊຸດທີ V ເຂົ້າຮ່ວມ.
ສະຫາຍ ພັນໂທ ຄໍາສີ ຂັນມະນີ ຫົວໜ້າການທະຫານ ໂຮງຮຽນການທະຫານທ້ອງຖິ່ນ ໄດ້ຜ່ານຂໍ້ຕົກລົງຂອງກົມໃຫຍ່ເສນາທິການກອງທັບ ວ່າດ້ວຍການອານຸມັດເປີດຊຸດອົບຮົມກໍ່ສ້າງນາຍສິບຊຸດທີ V ຂອງໂຮງຮຽນທະຫານທ້ອງຖິ່ນ ທະຫານແຂວງຫຼວງນໍ້າທາ ປະຈຳສົກ 2024-20225, ພ້ອມທັງ ຜ່ານແຜນການອົບຮົມກໍ່ສ້າງນາຍສິບ ຊຸດທີ V, ມີນັກຮຽນກໍ່ສ້າງນາຍສິບ ທັງໝົດ 80 ສະຫາຍ, ບົດຮຽນທີ່ນຳມາອົບຮົມປະກອບມີ 3 ພາກ ຄື: ຄວາມຮູ້ທົ່ວໄປ, ໝວດຄວາມຮູ້ພື້ນຖານວິຊາສະເພາະ ແລະ ໝວດວິຊາສະເພາະ, ວິຊາການເມືອງ, ວິຊາເສນາທິການ, ວິຊາເຫຼົ່າຮົບ ແລະ ວິຊາສິລະປະຍຸດທະຫານຮາບ, ປືນໃຫຍ່ແບກຫາບ, ຍຸດທະວິທີທະຫານຮາບ ແລະ ຈະໄດ້ຈັດຕັ້ງອົບຮົມ-ຫັດແອບຊ້ອມຮົບ, ຈຸດປະສົງກໍເພື່ອສ້າງພະນັກງານບັນຊາຂັ້ນ ໝວດ, ກອງຮ້ອຍ ໃຫ້ກຳແໜ້ນທາງດ້ານສິລະປະຍຸດ-ຍຸດທະວິທີທະຫານຮາບ ມີຄວາມຊຳນິຊຳນານເປັນພື້ນຖານໃນການ ນຳພາບັນຊາ, ແນໃສ່ຮັບປະກັນເຮັດສຳເລັດໜ້າທີ່ຂອງຕົນ, ກໍຄືໜ້າທີ່ການເມືອງຂອງພັກໃນໄລຍະໃໝ່.
ທ່ານ ວຽງສະຫວັດ ສີພັນດອນ ໄດ້ຮຽກຮ້ອງໃຫ້ຄະນະອຳນວຍການໂຮງຮຽນ, ຄູ-ອາຈານ ແລະ ຄະນະຮັບຜິດຊອບ ຕ້ອງເອົາໃຈໃສ່ລົງໃກ້ຊິດຕິດແທດ ຊີ້ນຳຊຸດອົບຮົມ ເພື່ອເຮັດໃຫ້ແຜນການອົບຮົມຄັ້ງ ນີ້ບັນລຸຕາມລະດັບຄາດໝາຍທັງປະລິມານ ແລະ ຄຸນນະພາບ, ນັກຮຽນກໍ່ສ້າງນາຍສິບ ຕ້ອງເອົາໃຈໃສ່ສຶກສາຮໍ່າຮຽນ ເກັບກຳບັນດາເນື້ອໃນບົດຮຽນທີ່ ຄູ-ອາຈານຖ່າຍທອດໃຫ້, ເພື່ອນຳໄປຈັດຕັ້ງປະຕິບັດເຂົ້າໃນໜ້າ ທີ່ວຽກງານທີ່ພັກ-ລັດຂັ້ນເທິງ, ກໍ່ຄືກົມກອງມອບໝາຍໃຫ້ໃນຕໍ່ໜ້າ. ພ້ອມນັ້ນ ຕ້ອງຮັດແໜ້ນ ຄວາມສາມັກຄີກັບໝູ່ເພື່ອນ-ຄູອາຈານ, ກັບພໍ່ແມ່ປະຊາຊົນ ແລະ ອຳນາດການປົກຄອງບ້ານອ້ອມຂ້າງໃຫ້ແໜ້ນແຟ້ນ, ຄຽງຄູ່ກັນນັ້ນ, ຕ້ອງເອົາໃຈໃສ່ເພີ່ມພູນຜະລິດຜົນ ປູກ ຝັງ-ລ້ຽງສັດ ເພື່ອແນໃສ່ແກ້ໄຂ ຊີວິດການເປັນຢູ່ໃຫ້ດີຂຶ້ນ.
ໂດຍ ບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
