POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ທະຫານແຂວງອຸດົມໄຊ ປະກາດການຈັດຕັ້ງ ແລະ ເລື່ອນຊັ້ນ ໃຫ້ນາຍທະຫານ
ເວລາອອກຂ່າວ: 2024-10-25 14:49:22 | ຜູ້ຂຽນ : admin2 | ຈຳນວນຄົນເຂົ້າຊົມ: 2705 | ຄວາມນິຍົມ:

ພິທີປະກາດການເລື່ອນຊັ້ນໃຫ້ນາຍທະຫານທົ່ວກອງບັນຊາການທະຫານແຂວງອຸດົມໄຊ ໄດ້ຈັດຂຶ້ນ ວັນທີ 22 ຕຸລາ 2024 ນີ້, ໂດຍເປັນກຽດເຂົ້າຮ່ວມຂອງ ສະຫາຍ ພົນຈັດຕະວາ ຄໍາເຜີຍ ໂສມພັນ ຫົວໜ້າການທະຫານກອງບັນຊາການ ທະຫານແຂວງອຸດົມໄຊ, ມີສະຫາຍ ພັນເອກ ໄຊພອນ ກໍຊົມພູ ຫົວໜ້າຫ້ອງການເມືອງກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະກອງບັນຊາການ, ຄະນະພັກ-ຄະນະບັນຊາ, ອົງການ 5 ຫ້ອງ, ກອງບັນຊາການທະຫານເມືອງ 7 ເມືອງ, ກອງພັນນ້ອຍ 414, ໂຮງຮຽນ, ໂຮງໝໍ, ກົມກອງເອກະລາດອ້ອມຂ້າງກອງບັນຊາການຕະຫຼອດຮອດນາຍທະຫານທີ່ໄດ້ຮັບຊັ້ນໃໝ່ເຂົ້າຮ່ວມ. ສະຫາຍ ພັນໂທ ຕຸ່ນທອງ ທອງຜິວ ຫົວໜ້າພະແນກງານ ຫ້ອງການເມືອງ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຮອງຫົວໜ້າກອງບັນຊາການທະຫານເມືອງ, ຮອງພະແນກການທີ່ຂຶ້ນກັບກອງບັນຊາການທະຫານແຂວງອຸດົມໄຊ, ໂດຍແຕ່ງຕັ້ງ ສະຫາຍ ຮ້ອຍເອກ ບຸນຮຽມເຮືອງອຸດົມ ເປັນຮອງຫົວໜ້າກອງບັນຊາການທະຫານເມືອງ ຮັບຜິດຊອບວຽກງານພະລາທິການ ທັງເປັນຫົວໜ້າພະແນກພະລາທິກອງບັນຊາການທະຫານ ເມືອງງາ, ແຕ່ງຕັ້ງ ສະຫາຍ ຮ້ອຍເອກ ຈິດຕະກອນ ສຸກມະນີວົງ ເປັນຮອງຫົວໜ້າພະແນກຄຸ້ມຄອງລົດ ກອງບັນຊາການທະຫານແຂວງອຸດົມໄຊ, ແຕ່ງຕັ້ງຊ່ວຍວຽກບັນດາພະແນກຂຶ້ນກັບຫ້ອງເສນາທິການກອງບັນຊາການທະຫານແຂວງອຸດົມໄຊຈຳນວນ 9 ສະຫາຍ ແລະ ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການເລື່ອນຊັ້ນໃຫ້ນາຍທະຫານຢູ່ກອງບັນຊາການທະຫານແຂວງອຸດົມໄຊ, ອີງຕາມ ກົດໝາຍນາຍທະຫານ ກອງທັບປະຊາຊົນລາວ ວ່າດ້ວຍການເລື່ອນຊັ້ນໃຫ້ນາຍທະຫານ. ກະຊວງປ້ອງກັນປະເທດຕົກລົງເລື່ອນຊັ້ນຮ້ອຍຕີ ຂຶ້ນຊັ້ນຮ້ອຍໂທ 24 ສະຫາຍ, ເລື່ອນທຽບຊັ້ນ ຮ້ອຍຕີ ຂຶ້ນທຽບຊັ້ນ ຮ້ອຍໂທ 9 ສະຫາຍ, ເລື່ອນຊັ້ນຮ້ອຍໂທ ຂຶ້ນຊັ້ນຮ້ອຍເອກ 42 ສະຫາຍ, ເລື່ອນທຽບຊັ້ນຮ້ອຍໂທ ຂຶ້ນທຽບຊັ້ນຮ້ອຍເອກຈຳນວນ 13 ສະຫາຍ, ເລື່ອນຊັ້ນຮ້ອຍເອກ ຂຶ້ນຊັ້ນພັນຕີຈຳນວນ 37 ສະຫາຍ, ເລື່ອນທຽບຊັ້ນຮ້ອຍເອກ ຂຶ້ນທຽບຊັ້ນພັນຕີຈຳນວນ 6 ສະຫາຍ. ສະຫາຍ ພົນຈັດຕະວາ ຄຳເຜີຍ ໂສມພັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາສະຫາຍຍາດມາໄດ້ໃນໄລຍະຜ່ານມາ, ພ້ອມທັງເນັ້ນໜັກໃຫ້ບັນດາສະຫາຍຜູ້ທີ່ໄດ້ຮັບໜ້າທີ່ ແລະ ຊັ້ນໃໝ່ ຕ້ອງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ປະຕິບັດຂໍ້ກຳນົດກົດລະບຽບຂອງກອງທັບວາງອອກໃຫ້ເຂັ້ມງວດ, ປັບປຸງແບບແຜນວິທີເຮັດວຽກບົນພື້ນຖານປະຕິບັດຕາມຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບ, ພ້ອມກັນເຮັດສຳເລັດໜ້າທີ່ການເມືອງຂອງຕົນທີ່ຂັ້ນເທິງມອບໝາຍໃຫ້ປະກົດຜົນເປັນຈິງ. ຂ່າວ-ພາບ: ສົມພູນ

news to day and hot news