ວັນອັງຄານ, ວັນທີ 10 ທັນວາ 2024
ສະຖາບັນການເງິນຈຸລະພາກທີ່ຮັບເງິນຝາກ ຈຳປາສັກ ມອບເຄື່ອງກິລາ ໃຫ້ກອງຮ້ອຍ 245
ເວລາອອກຂ່າວ: 2024-11-01 09:07:17 | ຜູ້ຂຽນ : admin1 | ຈຳນວນຄົນເຂົ້າຊົມ: 787 | ຄວາມນິຍົມ: 
ໃນວັນທີ 28 ຕຸລາ 2024 ນີ້, ທ່ານ ລາດພານິດ ວັນນະລາດ ຫົວໜ້າໜ່ວຍບໍລິການ ສະຖາບັນການເງິນຈຸລະພາກຮັບເງິນຝາກ ຈຳປາສັກ ແລະ ທ່ານ ນາງ ດາວອນ ເທບຄຳຜົງ ຫົວໜ້າໜ່ວຍງານທີ່ປຶກສາທາງດ້ານການເງິນ ຕາງໜ້າສະຖາບັນການເງິນຈຸລະພາກ ຮັບເງິນຝາກໄດ້ມອບເຄື່ອງກິລາ ຈຳນວນ 30 ຊຸດ ມູນຄ່າ 1.500.000 ກີບ ໃຫ້ກອງຮ້ອຍ 245 ທະຫານແຂວງເຊກອງ, ໂດຍການກ່າວຮັບ ຂອງສະຫາຍ ພັນຕີ ວັດທະນາ ກັນທະວົງ ຫົວໜ້າພະແນກສື່ ສານ ກອງບັນຊາການທະຫານແຂວງເຊກອງ ພ້ອມດ້ວຍຄະນະ.
ທ່ານ ລາດພານິດ ວັນນະລາດ ໄດ້ກ່າວວ່າ: ຈຸດປະສົງການມອບ ເຄື່ອງກິລາໃນຄັ້ງນີ້ ເພື່ອເປັນການປະກອບສ່ວນຊຸກຍູ້ອຸປະຖຳກອງຮ້ອຍ 245 ເນື່ອງໃນໂອກາດສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກອງບັນຊາການທະຫານແຂວງເຊກອງ ແລະ ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ ໃຫ້ເປັນຂະບວນການຟົດຟື້ນ ທັງເປັນການຮັດແໜ້ນຄວາມສາມັກຄີເຊິ່ງກັນ ແລະ ກັນ ລະຫວ່າງສອງພາກສ່ວນໃຫ້ແໜ້ນແຟ້ນເລິກເຊິ່ງ.
ໃນໂອກາດນີ້, ສະຫາຍ ພັນຕີ ວັດທະນາ ກັນທະວົງ ໄດ້ສະແດງຄວາມຂອບໃຈມາຍັງ ທ່ານ ລາດພານິດ ວັນນະລາດ ພ້ອມດ້ວຍຄະນະ ທີ່ໄດ້ໃຫ້ການອຸປະຖຳໃນຄັ້ງນີ້ ແລະ ອວຍພອນໃຫ້ຈົ່ງມີ ສຸຂະພາບແຂງແຮງ, ປະສົບຜົນ ສຳເລັດໃນການດຳເນີນທຸລະກິດ. ສະຫາຍຍັງໄດ້ກ່າວວ່າ: ຈະນຳເອົາເຄື່ອງກິລາຈຳນວນດັ່ງກ່າວ ໄປແຈກຢາຍໃຫ້ນັກກິລາຢ່າງທົ່ວເຖິງ.
ໂດຍ: ມິຕິ ທ່ອນມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
