ວັນສຸກ, ວັນທີ 06 ທັນວາ 2024
ປະຊາຊົນຜູ້ປະສົບໄພນ້ຳຖ້ວມ 2 ເມືອງ ແຂວງໄຊຍະບູລີ ໄດ້ຮັບການຊ່ວຍເຫຼືອເປັນເງິນສົດ
ເວລາອອກຂ່າວ: 2024-11-01 09:10:39 | ຜູ້ຂຽນ : admin3 | ຈຳນວນຄົນເຂົ້າຊົມ: 276 | ຄວາມນິຍົມ: 
ໃນລະຫວ່າງ ວັນທີ 30 ຕຸລາ-3 ພະຈິກ 2024, ທ່ານ ຄຳລາວັນ
ຈັນທະລາວັນ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ສົມທົບກັບອົງການກາແດງແຂວງໄຊຍະບູລີ ໃນການລົງຊ່ວຍເຫຼືອປະຊາຊົນທີ່ຖືກຜົນກະທົບຈາກໄພນ້ຳຖ້ວມຢູ່ 14 ບ້ານ ໃນ 2 ເມືອງ ຂອງແຂວງໄຊຍະບູລີ ຄື: ເມືອງຫົງສາ ມີ 11 ບ້ານ ແລະ ເມືອງເງິນ ມີ 3 ບ້ານ.
ການຊ່ວຍເຫຼືອໃນຄັ້ງນີ້ເປັນການຊ່ວຍເຫຼືອໃນຮູບແບບແຈກຢາຍເງິນສົດໂດຍບໍ່ມີເງື່ອນໄຂ ທີ່ດຳເນີນໂດຍອົງການກາແດງແຫ່ງຊາດລາວ ຊຶ່ງເປັນວິທີການຊ່ວຍເຫຼືອໜຶ່ງທີ່ມີປະສິດທິພາບ ແລະ ຖືກຕ້ອງຕາມຄວາມຕ້ອງການຂອງພໍ່ແມ່ປະຊາຊົນ ທີ່ຜູ້ຖືກຜົນກະທົບ ຈຳນວນ 406 ຄອບຄົວ; ປະຊາຊົນທີ່ໄດ້ຮັບການ
ຊ່ວຍເຫຼືອຈະສາມາດນຳເອົາເງິນດັ່ງກ່າວໄປແກ້ໄຂຊີວິດການເປັນຢູ່ຢ່າງສອດຄ່ອງ ພາຍຫຼັງຖືກກະທົບຈາກໄພນ້ຳຖ້ວມ; ການຊ່ວຍເຫຼືອຮູບແບບເງິນສົດແບບບໍ່ມີເງື່ອນໄຂໃນຄັ້ງນີ້ ໄດ້ແບ່ງອອກເປັນ 3 ລະດັບ ຄື: ຄອບຄົວທີ່ມີສະມາຊິກ 1-5 ຄົນ ຈະໄດ້ຮັບເງິນຄອບຄົວລະ 1,200,000 ກີບ; ຄອບຄົວທີ່ມີສະມາຊິກ 6-10 ຄົນ ຂຶ້ນໄປຈະໄດ້ຮັບເງິນຈຳນວນ 2,000,000 ກີບ, ຄອບຄົວມີສະມາຊິກ 10 ຄົນ ຂຶ້ນໄປໄດ້ຮັບເງິນຈຳນວນ 2,600,000 ກີບ ລວມມູນຄ່າການຊ່ວຍເຫຼືອທັງໝົດ 624,200,000 ກີບ ເຊິ່ງໄດ້ຮັບການສະໜັບສະໜູນງົບປະມານຈາກອົງການກາແດງສະວິດປະຈຳ ສປປ ລາວ.
ໂດຍ: ອົງການກາແດງ ແຫ່ງຊາດລາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
