ວັນອັງຄານ, ວັນທີ 10 ທັນວາ 2024
ຄະນະກົມກວດກາ ເຄື່ອນໄຫວເຮັດວຽກງານກວດກາປົກກະຕິ ປະຈຳປີ 2024 ຢູ່ ກທອ
ເວລາອອກຂ່າວ: 2024-11-01 13:47:29 | ຜູ້ຂຽນ : admin2 | ຈຳນວນຄົນເຂົ້າຊົມ: 2954 | ຄວາມນິຍົມ: 
ໃນລະຫວ່າງວັນທີ 28–30 ຕຸລາ 2024 ນີ້. ຄະນະກົມກວດກາ ກົມໃຫຍ່ການເມືອງກອງທັບ ໄດ້ລົງມາເຄື່ອນໄຫວເຮັດວຽກງານກວດກາປົກກະຕິ ປະຈຳປີ 2024 ຢູ່ ກອງບັນຊາການທະຫານອາກາດ (ກທອ) ນໍາໂດຍ ສະຫາຍ ພັນເອກ ແສງອາໄລ ວັນນະພອນ ຮອງຫົວໜ້າກົມກວດກາ ກົມໃຫຍ່ການເມືອງກອງທັບ ພ້ອມດ້ວຍຄະນະ, ໃຫ້ກຽດຕ້ອນຮັບໂດຍ ສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ, ມີຄະນະພັກ-ຄະນະບັນຊາອົງການ 06 ຫ້ອງ ແລະ ພະແນກການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ຄໍາຫຼ້າ ສິມມະວົງ ຫົວໜ້າຫ້ອງການເມືອງ ກອງບັນຊາການທະຫານອາກາດ ໄດ້ຂຶ້ນຜ່ານບົດລາຍງານ ຜົນວຽກງານການເຄື່ອນໄຫວກວດກາປົກກະຕິ ປະຈຳ 6 ເດືອນຕົ້ນປີ 2024, ກອງບັນຊາການທະຫານອາກາດ ມີ 1 ຄະນະພັກຄື: ອົງການ ກທອ, ມີ 2 ຄະນະພັກກອງພັນໃຫຍ່ ຈໍ 702, ຈໍ 703 ໃນນັ້ນ ມີ 1 ພະແນກຈັດຕັ້ງພັກ, ມີ 2 ຂະແໜງຈັດຕັ້ງພັກ, ມີ 11 ຄະນະພັກຮາກຖານ 50 ໜ່ວຍພັກ, ທົ່ວກອງບັນຊາການທະຫານອາກາດມີໜ່ວຍພັກ ປອດໃສ ເຂັ້ມແຂງ ໜັກແໜ້ນ ທັງໝົດ 43 ໜ່ວຍ, ກາງ 7 ໜ່ວຍ, ມີຊະມາຊິກແຂງທັງໝົດ 992 ສະຫາຍ, ຍິງ 130 ສະຫາຍ, ກາງ 41 ສະຫາຍ, ຍິງ 8 ສະຫາຍ, ບໍ່ໄດ້ຈັດ 46 ສະຫາຍ, ຍິງ 9 ສະຫາຍ. ໃນ 6 ເດືອນຕົ້ນປີຜ່ານມາ ຄະນະພັກ-ຄະນະບັນຊາ ກອງບັນຊາການທະຫານອາກາດ ພວກເຮົາໄດ້ເອົາໃຈໃສ່ຈັດຕັ້ງປະຕິບັດຕາມ 5 ຫຼັກການ 3 ທິດຊີ້ນຳຂອງພັກ, ສຶກສາອົບຮົມພະນັກງານສະມາຊິກພັກ, ນັກຮົບໃຫ້ມີທັດສະນະແນວຄິດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນການດຳລົງຊີວິດທີ່ປອດໃສ, ຕັ້ງຕໍ່ບໍລິສຸດຕໍ່ຊາດ, ຕໍ່ພັກ ແລະ ປະຊາຊົນ, ກຳແໜ້ນແນວທາງນະໂຍບາຍຂອງພັກໃນແຕ່ລະໄລຍະ, ຫັນເອົາແນວທາງນະໂຍບາຍເປັນແຜນການ-ແຜນງານລະອຽດພ້ອມກັນຈັດຕັ້ງປະຕິບັດຕາມໜ້າທີ່ການເມືອງຂອງຕົນໃຫ້ມີຜົນສຳເລັດໂດຍສະເພາະການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງຄະພັກກະຊວງປ້ອງກັນປະເທດ.
ຂຽນໂດຍ: ກທອ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
