ວັນສຸກ, ວັນທີ 06 ທັນວາ 2024
ກອງພັນໃຫຍ່ 641 ປຸກລະດົມການບໍລິຈາກເລືອດ ເພື່ອຊ່ວຍເຫຼືອສັງຄົມ
ເວລາອອກຂ່າວ: 2024-11-04 09:07:22 | ຜູ້ຂຽນ : admin1 | ຈຳນວນຄົນເຂົ້າຊົມ: 328 | ຄວາມນິຍົມ: 
ໃນວັນທີ 29 ຕຸລາ 2024, ສະຫາຍ ພັນໂທ ເພັດສະໝອນ ແກ້ວສຸວັນ ຜູ້ປະສານງານຮັບບໍລິຈາກເລືອດກອງທັບ ພ້ອມດ້ວຍຄະນະ ສົມທົບກັບພະນັກ ງານວິຊາການ ກອງພັນໃຫຍ່ 641 ນຳໂດຍ ສະຫາຍ ພັນໂທ ບຸນມາກ ພວງບັນດິດ ຫົວໜ້າໂຮງໝໍ 10 ຕຽງ ກອງພັນໃຫຍ່ 641 ໄດ້ຈັດຕັ້ງປຸກລະດົມການບໍລິຈາກເລືອດເພື່ອຊ່ວຍເຫຼືອສັງຄົມ ຢູ່ ສະໂມສອນຂອງກົມກອງ, ໂດຍການເປັນປະທານຂອງ ສະຫາຍ ພັນໂທ ສົມມັກ ວົງເລືອງຄຳ ຫົວໜ້າພະແນກພະລາທິການ ກອງພັນໃຫຍ່ 641, ມີ ຄະນະພັກ-ຄະນະບັນຊາ 5 ພະແນກການ, ກອງພັນ, ກອງຮ້ອຍເອກະລາດ ພ້ອມດ້ວຍ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສົມມັກ ວົງເລືອງຄຳ ໄດ້ຍົກໃຫ້ເຫັນເຖິງຄວາມໝາຍ ຄວາມສຳຄັນ ຂອງການບໍລິຈາກເລືອດ ແລະ ຄຸນຄ່າຂອງເລືອດ ເພາະເລືອດມີຄຸນຄ່າສຳຄັນທີ່ສຸດຕໍ່ຊີວິດຄົນ ທັງເປັນການຊ່ວຍເຫຼືອສັງຄົມ ແມ່ນຄວາມຈຳເປັນພາວະວິໄສ ເຊິ່ງທຸກຄົນໃນສັງຄົມ ຕ້ອງໄດ້ເຂົ້າຮ່ວມ ແລະ ເປັນການສ້າງບຸນກຸສົນອັນໃຫຍ່ຫຼວງໃຫ້ແກ່ສັງຄົມ ໃນການຊ່ວຍເຫຼືອຜູ້ອື່ນດ້ວຍຄວາມຈິງໃຈ.
ຜ່ານການບໍລິຈາກເລືອດຄັ້ງນີ້, ມີບຸກຄົນທີ່ມີເງື່ອນໄຂບໍລິຈາກເລືອດ ຈຳນວນ 50 ສະຫາຍ ເຊິ່ງໄດ້ຮັບເລືອດຕົວຈິງທັງໝົດ 50 ຖົງ.
ໂດຍ: ກອງເພັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
